ዛካራሳ ቲንቢቴ 10:1 - ጋሞ ማጻፋ

¹ ጎዳይ ኢንቴስ ኣሱራ ኢራ ኢማና ማላ ዎሲቴ። ኢራ ሻራ ኪቲዛይ ጎዳ፤ ኢዚ ኡባ ኣሳስ ጊዲዛ ኢራ ኢሜስ፤ ኢሳስ ኢሳስ ቶካናስ ዶዛ ኢሜስ።

Geeshsha Maxaafa

¹ GODAY inttes assura ira immana mala woossite. Ira shaara kiittizay GODAA; izi ubbaa asas gidiza ira immees; issaas issaas tokkanaas dooza immees.

ዛካራሳ ቲንቢቴ 10:1 ပူးပေါင်းရင်းမြစ်များ

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

ኢዮቤ ማጻፋ 29:23

ጎሻንቻይ ባሳ ኢራ ዴማናዉ ኣሞቲዛይሳ ማላ ኢስቲካ ታ ሃሳያ ሲያናዉ ባንታ ዶና ዶይዲ ናጌቴስኮሺን።

ዬ ማጻፋ 104:13

ኔኒ ጊታ ዙማታ ቦላን ሳሎፔ ኢራ ቡኪሳሳ፤ ቢታካ ኔ ኩሼ ኦሶ ኣይፌን ኩንዳሳ።

ዬ ማጻፋ 135:7

ካሬ ሻራ ሳኣ ጋጻፔ ኢዚ ዴንስ፤ ኢዚ ኢራራ ዎልቃን ኪቴስ፤ ባ ሚንጂ ዎዳሶፔ ጫርኮ ኬሲ ዬዴስ።

ዬ ማጻፋ 65:9

ኔኒ ቢታ ናጋዳ ሃ ኡሻሳ፤ ሂስታዳ ዳሮ ዱሬሳሳ፤ ኣሳስ ካይ ሞካና ማላ ጾሳ ሻፋይ ሃን ኩሚዴስ፤ ሄሳ ኦዳ ኔኒ ጊጊሳዳሳ።

ዬ ማጻፋ 72:6

ካዎይ ሾቃን ቡኪዛ ኢራ ማላኔ ጋዴ ካልሲዛ ፑሴ ኢራ ማላ ጊዳና።

ሌሚሶ ማጻፋ 16:15

ካዎይ ፓሽኪ ጊሺን ዴኦይ ዴስ፤ ኢዛስ ኪያቴ ኢራ ቶኪዳ ባሳ ሻራ ማላ።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ኢሳያሳ ቲንቢቴ 44:3

ታኒ ሳሜቲዳ ቢታን ሃ ጉሳና፤ ሜላ ቢታንካ ሻፋ ጎጊሳና። ታኒ ታ ኣያና ኔ ዜሬ ቦላ፥ ታ ኣንጆ ኔስ ና ና ቦላ ጉሳና።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ኤርማሳ ቲንቢቴ 10:13

ኢዚ ጉሚዛ ዎዴ፥ ሳሎን ዲዛ ኡባይ ቃጼስ። ኢዚ ሻራ ሳኣ ጋጻፔ ፑዴ ዴንስ። ኢዚ ኢራራ ዳዳ ዬዴስ፤ ጫርኮካ ባ ሚንጃሶፔ ኬሴስ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 5:24

ኢስቲ ባንታ ዎዚናን፥ ‹ኑስ ሲላ ኢራኔ ጋባ ኢራ ዎዴን ዎዴን ቡኪሲዛ፥ ካ ሺሾ ዎዴ ኑስ ዎዴራ ኤሂዛ ጎዳ ኑ ጾሳስ ኣኔ ያዮስ› ጊቤቴና።

ኤርማሳ ቲንቢቴ 51:16

ኢዚ ባ ጬንጉርሳ ሲሲዛ ዎዴ ሳሎን ዲዛ ሃቲ ጉሜቴስ፤ ሻራታ ኢዚ ሳኣ ጋጻፔ ኤሄስ፤ ኢራራ ዎልቃን ኪቴስ፤ ባ ሚንጃሶሆፔካ ጫርኮ ኪቴስ።

ሂዚቄላ ቲንቢቴ 34:26

ኢስታ ዩሾኒኔ ታ ዙምቡላታ ዩሾን ዲዛሶሆታ ታ ኣንጃና። ዎዴን ዎዴን ታ ኢስታስ ኢራ ኢማና፤ ኢዚካ ኢስታስ ኣንጆ ኢራ ጊዳና።

ሂዚቄላ ቲንቢቴ 36:37

«ኡባ ሃሪዛ ጎዳይ፥ ‹ቃሴካ ኢስራኤሌ ኣሳ ዎሳ ታ ኤሮ ጋ ሲያና፤ ኢዛካ ታ ኢስታስ ፖላና፤ ሂስታዳ ኢስታ ቆዳ ዉዴ ማላ ጮራሳና።

ሆሴኤ ቲንቢቴ 10:12

ጎዳይ ዪዲ ጺሎቴ ኢንቴ ቦላ ኢራ ማላ ቡኪሳና ጋካናስ ሃና ኢንቴ ኢዛ ኮይዛ ዎዴ ጊዲዳ ጊሻስ ኦ ጎዪቴ፤ ኢንቴስ ጺሎቴ ዜሪቴ፤ ሚኖ ሲቆ ኣይፌ ማጺቴ።

ሆሴኤ ቲንቢቴ 6:3

ኣኔ ኑኒ ጎዳ ኤሮስ! ኑ ኢዛ ሎኤ ኤራናስ ኣኔ ሚኔቶስ! ኢዚ ዎንታ ፖኦ ማላ ኑስ ቆንጫና፤ ቢታ ካልሲዛ ኣሱራ ኢራ ማላኔ ባልጎ ኢራ ማላ ኢዚ ኑኮ ያና» ጌስ።

ኣሞጼ ቲንቢቴ 4:7

ኢንቴ ካይ ጋካናፔ ቡሮ ሄ ኣጊናይ ዲሺን ሲንታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ዪን ሜሊዴስ።

ሚኪያሳ ቲንቢቴ 5:7

ያቆቤ ዜሬፌ ኣቲዳይቲ ዳሮ ዴሬ ጊዶን ጾሳ ኣቻፌ ዎዛ ኢራ ማላ ማታ ቦላ ሎዳራ ፑሲሼ ቢታ ካሌዛ ፑሴ ኢራ ማላ ኣሳፔ ኣይኮካ ኮዮንታ ኣሳ ጊዳና።

ዮሃኒሳ ሚሺራቾ 16:23

«ኢንቴ ሄ ዎዴ ታፔ ኣይኮካ ዎሴኬታ፤ ታ ኢንቴስ ቱሙ ጋይስ፤ ታ ሱንን ታ ኣዋ ዎሲኮ ኢዚ ኢንቴስ ኡባካ ኢማና።

1ቆሮንቶሴ ኣሳስ 3:6

ታ ቶካዲስ፤ ኣጲሎሲ ሃ ኡሺዴስ፤ ዲቺዳይ ጊዲኮ ጾሳ።

ዛሬ ማጻፋ 28:23

ኔፔ ቦላራ ኔ ጊናን ዴኢዛ ሳሎይ ጻርቂማላ ጊዳና፤ ኔ ቢታይካ ቢራታ ማላ ጊዳና።

ያቆቤ ኪታ 5:7

ሄሳ ጊሻስ ታ ኢሻቶ! ጎዳይ ሃ ያና ጋካናስ ዳንዳይቴ፤ ጎሼ ጎዪዛዴይ ቢታይ ሎኦ ካ ካጻና ጋካናስ ዋኒ ዳንዳይዛኮ ኮይሮ ኢራኔ ዉርሴ ኢራ ኢዚ ዎስቲ ናጊዛኮ ኣኔ ኣኬኪቴ።