ዛካራሳ ቲንቢቴ 1:8 - ጋሞ ማጻፋ

⁸ ኦማርሳ ዎዴ ኣጁታን ዞኦ ፓራ ቶጊዳ ኢሳዴ ቤኣዲስ፤ ሄ ኢዚካ ሾባ ጊዶን ባርሲኔቴ ሚታ ጋርሳን ኤቂዴስ፤ ቃሴ ኢዛ ጉዬራ ዳማ፥ ዞኦኔ ቦ ፓራቲ ዴቴስ።

Geeshsha Maxaafa

⁸ Omarsa wode ajjuutan zo7o para toggida issaade be7adis; he izikka shoobba giddon barsineete miththata garsan eqqides; qasse iza guyera daama, zo7onne booththa parati deettes.

ዛካራሳ ቲንቢቴ 1:8 ပူးပေါင်းရင်းမြစ်များ

ሜቴ ማጻፋ 20:3

ጊዶ ኣቲን ጾሲ ኢሲ ጋላሳ ኦማርስ ኣጉሞን ኣቢሜሌኬኮ ዪዲ፥ «ኔኒ ኤሂዳ ማጫሳይ ጌዶን ኔ ሃይቃና፤ ኢዛ ኣሳ ማቾ» ጊዴስ።

ሜቴ ማጻፋ 46:2

ጾሲ ኦማርስ ኣጉሞራ ኢዛ፥ «ያቆቤ፥ ያቆቤ» ጊ ጼይጊን ኢዚ፥ «ዬ!» ጊ ኮዪዴስ።

1ካዎታ ማጻፋ 3:5

ጎዳይ ሶሎሞኔስ ጌባኦኔን ኦማርስ ኣጉሞን ቆንጪዴስ፤ ጾሲ ኢዛስ፥ «ታ ኔስ ኢማና ማላ ኔ ኮይዛ ኣይ ሚሺካ ታና ኦይቻ» ጊዴስ።

ናሂሚያ ማጻፋ 8:15

ሄሳ ጊሻስ ኣሳይ ባ ዲዛ ካታማን ካታማኒኔ ዬሩሳላሜን ቢዲ፥ «ፑዴ ዙማታ ቦላ ኬዚቴ፤ ዛይቴይ ኬዚዛ ዎጋራ ሚኔ ዎራ ዎጋራ ሚ ሃጋ፥ ባርሲኔቴ ጌቴቲዛ ሚ፥ ዛምባ ሃጋታ ኤሂዲ ዳሴ ዬጊቴ» ጊ ኣዋጃና ማላኔ ዮታና ማላ ካሴ ዎጋ ማጻፋን ጻፌቲዳ ማላ ኣዛዚዳ።

ኢዮቤ ማጻፋ 4:13

ኣሳይ ኦማርስ ዎልቃማ ስኮ ሴሪዳ ዎዴ፥ ታና ኢታ ኣጉሞይ ኣጉንዴስ።

Siiqo Saba 2:16

«ታ ሲቆዚ ታሳ፤ ታኒካ ኢዛሳ፤ ጪሊላ ማታ ጊዶን ኢዚ ባ ሜሄ ሄሜስ።

Siiqo Saba 6:2

«ታ ሲቆዚ ዶርሳ ዉዴ ሄማናስ ሎኦ ጪሻታ ማጻናስ ሺቶስ ጎኢዛ ሳዎ ማታይ ዲዛሶ ዱጌ ኣታኪልቴ ጊዶ ዎዴስ።

ኢሳያሳ ቲንቢቴ 41:19

ባዞ ቢታን ዚጋ፥ ኦዶሮ፥ ባርሴኔቴኔ፥ ዎጋራ ሚ ሞይዛና፤ ኣይኮይ ባይንዳ ባዞን ጺዳ፥ ጉንኔ ኦን ቶካና።

ኢሳያሳ ቲንቢቴ 55:13

ኣጉን ጊሻስ ጺዳይ፥ ኪንዲቾ ጊሻስ ባርሲኔቴ ጌቴቲዛ ሚ ሞካና፤ ሄሲካ ጎዳ ሃሳኢሲዛ ሚሺ ዮንታ ማላ ሜርናስ ማላታ ጊዳና» ጌስ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ዳኔላ ቲንቢቴ 2:19

ሄ ጹራ ዮኦይ ዳኔላስ ኦማርሲ ኣጁታን ቆንጪዴስ፤ ሄሳ ጊሻስ ኢዚ ሳሎ ጾሳ ጋላቲዴስ።

ዳኔላ ቲንቢቴ 7:13

«ኣሳ ና ሚሳቲዛዴይ ሳሎ ሻራይ ኢዛ ጊዶ ኦይኪን ዪዛይሳ ኦማርስ ኣጁታን ቤያዲስ፤ ኢዛ ጌዴ ቤኒ ቤኒሶፌ ዲዛይሳኮ ሺሺዳ።

ዳኔላ ቲንቢቴ 7:2

ዳኔሊ፥ «ሳሎ ጫርኮ ኦይዳቲ ዎጋ ኣባ ቃሺን ኦማርስ ኣጁታን ቤያዲስ።

ዛካራሳ ቲንቢቴ 1:10

ሄ ባርሲኔቴ ሚ ጋርሳን ኤቂዳይሲ፥ «ሃይቲ ቢታ ኡባ ቦላ ሲሜሬቲ ጾሞሳና ማላ ጎዳይ ኪቲዳይታ» ጊዴስ።

ዛካራሳ ቲንቢቴ 1:11

ኢስቲካ ባርሲኔቴ ሚ ጋርሳን ኤቂዳ ጎዳ ኪታንቻስ፥ «ኑ ቢታ ኡባ ቦላ ሲሜሬቲ ጾሞሲዶስ፤ ቢታ ኡባይ ዎፑ ጊዲ ዴስ» ጊዳ።

ዛካራሳ ቲንቢቴ 1:7

ዳሪዮሲ ካዎቲዳ ናምኣን ላይን ሼባጼ ጌቴቲዛ ታማኔ ኢሲን ኣጊናን ናምኡ ታማኔ ኦይዳን ጋላሳን ጎዳ ቃላይ ኢዶ ና ባራካዬ ና ናቤ ዛካራሳኮ ዪዴስ።

ዛካራሳ ቲንቢቴ 13:7

«ኡባፌ ዎልቃማ ጎዳይ፥ ‹ማሻ! ታ ሄንንቻ ታ ዳሮ ዶሲዛይሳ ቦላ ቤጋ! ሄሚዛይሳ ሾጫ፤ ዶርሳቲካ ላሌታና፤ ታኒካ ታ ቄሴ ጉታ ቦላ ዴንና› » ጌስ።

ታይቦ ማጻፋ 12:6

ጎዳይ ኢስታስ፥ «ሄኮ ሃኢ ታ ኢንቴና ጊዛይሳ ኣኬኪ ሲዪቴ! «ኢንቴ ጊዶን ናቤቲ ዲኮ፥ ታኒ ታና ኢስታስ ኣጁታን ቆንጪሳይስ፤ ኣጉሞን ኢስታ ሃሳይሳይስ።

ኢያሶ ማጻፋ 5:13

ኢያሶይ ኢያርኮ ማታን ዲሼ ቁ ጊ ጼሊዲ ጊ ማሻ ሾዲ ኦይኪዳ ኢሲ ኣሲ ኢዛ ሲንን ኤቂዳይሳ ቤኢዴስ፤ ኢያሶይ ኢዛኮ ሺቂዲ፥ «ኔኒ ኑ ባጋዬ ኑ ሞርኬታ ባጋ?» ጊ ኦይቺዴስ።

ዮሃኒሳ ኣጁታ 2:1

«ኤፌሶኔ ዎሳ ኬ ኪታንቻስ፥ ‹ሃይሲ ላፑን ጾሊንቴታ ባ ኡሻቻ ኩሼን ኦይኪዳዴፌኔ ኢስታ ቦላ ጾምፔ ዎዛ ላፑን ዎርቃ ባላታ ጊዶን ሲሜሬቲዛዴፌ ዮቴቲዴስ።

ዮሃኒሳ ኣጁታ 6:2

ቃሴካ ቦ ፓራ ቤያዲስ፤ ሄ ፓራዛ ቦላ ባ ኩሼን ዎንዳፌ ኦይኪዳዴይ ዴስ፤ ኢዛስ ኣኪሊሌይካ ኢሜቲዴስ፤ ኢዚካ ጾኒዛዴ ጊዲዲ ጾኒ ጾኒ ባናስ ኬዚዴስ።

ዮሃኒሳ ኣጁታ 6:4

ቃሴካ ሃራ ጼቃ ዞኦ ፓራይ ኬዚዴስ፤ ሄ ፓራ ቶጊዳዴይ ቢታ ቦላፌ ሳሮቴ ይሳና ማላኔ ኣሳይ ባ ጋርሳን ኢሶይ ኢሳ ዉርሳና ማላ ኦሲሳናስ ኢዛስ ጎዳቴኔ ጊታ ማሻይ ኢሜቲዴስ።