ዛካራሳ ቲንቢቴ 1:17 - ጋሞ ማጻፋ

¹⁷ «ካሌዲካ ኪታንቻዚ፥ ‹ኡባፌ ዎልቃማ ጎዳይ ታ ካታማቲ ኬሂ ዱሬታና፤ ጎዳይ ዬሩሳላሜ ካሴ ማላ ማዳናኔ ባ ካታማ ሂስቲ ዶራና› » ጊ ኣዋጂቴ።

Geeshsha Maxaafa

¹⁷ «Kaaleththidikka kiitanchchazi, ‹Ubbaafe Wolqqama GODAY ta katamati keehi duretana; GODAY Yerusalaame kase mala maaddananne ba katama histti doorana› » gi awajjite.

ዛካራሳ ቲንቢቴ 1:17 ပူးပေါင်းရင်းမြစ်များ

2ታሪኬ ማጻፋ 6:6

ሃኢ ጊዲኮ ታ ሱን ዬሩሳላሜን ጼይጌታና ማላ ታኒ ዬሩሳላሜ ዶራዲስ፤ ቃሴ ታ ዴራ ኢስራኤሌ ካሌና ማላ ዳዊቴ ዶራዲስ› ጊዴስ።

ናሂሚያ ማጻፋ 11:20

ሃንኮ ኢስራኤሌ ኣሳይ፥ ቄሴቲኔ ሌዌ ባጋቲ ዉሪ ባ ጋዴን ጋዴን ዩሁዳ ካታማ ጊዶን ዴኢዳ።

ናሂሚያ ማጻፋ 11:3

ሃራ ጉታታኒኔ ካታማታን ዴኢዛ ኢስራኤሌ ኣሳይ፥ ቄሴቲ፥ ሌዌ ባጋቲ፥ ጾሳ ኬ ኦሳንቻቲኔ ሶሎሞኔ ኣይሌታ ዜሬቲ ባ ሃሮይ ዲዛሶን ዲዛሶን ዴኢዳ፤ ሃይሳፌ ካሊ ጻፌቲዳይቲ ዬሩሳላሜን ዴኢዛ ዩሁዳ ዴሬ ካሌዛ ኣሳታ።

ዬ ማጻፋ 69:35

ጋሶይካ ጾሲ ጺዮኔ ኣሻና፤ ዩሁዳ ካታማታ ዛሪዲ ኤሳና። ኢዛ ዴሬይ ሄ ቢታ ላቲዲ ሄን ዴኣና።

ኢሳያሳ ቲንቢቴ 14:1

ጎዳይ ያቆቤስ ናምኣን ቃታና፤ ኢስራኤሌካ ዛሬዲ ዶራና። ኢስታ ኢስታ ቢታን ዎና፤ ኢማቲ ዪዲ ያቆቤሶ ኣሳራ ዋላኬታና።

ኢሳያሳ ቲንቢቴ 44:26

ታ ኣሽካራዛ ቃላ ታ ፖላና፤ ታ ኪቲዳይታ ዞሬ ታ ሚንና፤ ታኒ ዬሩሳላሜ፥ ‹ኔኒ ኣሲ ዲዛሶ ጊዳና›፥ ዩሁዳ ካታማታካ፥ ‹ኢስቲ ኬጼታና›፥ ኢስታ ላሌካ፥ ‹ታኒ ኦራጺሳና› ጋና።

ኢሳያሳ ቲንቢቴ 49:13

ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

ኢሳያሳ ቲንቢቴ 51:12

ጎዳይ፥ «ኢንቴና ሚንዛይ ታኒ ጻላ ኢዛ፤ ሃይቂዛ ኣሳ ዜሬ፥ ማታ ማላ ሹሊዛ ኣሳ ናስ ኣይስ ባባይ?

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኢሳያሳ ቲንቢቴ 54:8

ታ ጉ ዎዴስ ኬሃ ሃንቄቲዳ ጊሻስ፥ ታ ኣይፌሶ ኔፔ ጌንዲስ፤ ጊዶ ኣቲን ታ ሜርና ኪያቴን ኔስ ቃታና» ጌስ ኔና ዎዚዛ ጎዳይ።

ኢሳያሳ ቲንቢቴ 66:13

ኣያ ባ ና ኣልኢሲዛ ማላ ታካ ኢንቴና ኣልኢሳና፤ ኢንቴ ዬሩሳላሜን ሚኔታና» ጌስ።

ኤርማሳ ቲንቢቴ 31:13

ሄ ዎዴ ጌላኦቲ ኡፋዬቲዲ ዬጻና፤ ዎዳላቲኔ ጪማቲ ጉፓና፤ ታ ኢስታ ዬሆዛ ኡፋይሳን ላማና፤ ታ ኢስታ ሙዞቴፌ ሚንና፤ ታ ኢስታስ ኡፋይስ ኢማና።

ኤርማሳ ቲንቢቴ 33:13

ጌዜ ቢታን፥ ኣርሼይ ዉሊዛሶ ባጋን ዲዛ ዙማታ ጋርሳን፥ ኔጌቤን ዲዛ ካታማታን፥ ቢኒያሜ ቢታን፥ ዬሩሳላሜ ዩሾን ዲዛ ሄራታኒኔ ዩሁዳ ካታማታን ሄንንቻቲ ባንታ ዉዴ ሜሄታ ቆዳና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ሂዚቄላ ቲንቢቴ 36:33

«ኡባ ሃሪዛ ጎዳይ፥ ‹ታኒ ኢንቴና ኢንቴ ናጋራ ኡባፌ ጌሺዛ ጋላስ ኢንቴ ካታማቲ ሲሚዲ ኣሳ ዱሳሶ ጊዳና፤ ቡቲዳይቲ ሲሚዲ ጊምቤታና።

ኣሞጼ ቲንቢቴ 9:14

ዲኤቲ ቢዳ ኢስራኤሌ ኣሳ ሃ ኢስታ ዴሬ ዛራ ኤሃና፤ ላሌቲዳ ካታማታ ዛሪ ኬጺዲ ኢዛን ዴኣና፤ ኢስቲ ዎይኔ ቶኪዲ ኢዛፔ ኣጌቲዳ ኡሹ ኡያና፤ ዱማ ዱማ ኣይፊዛ ሚ ቶኪዲ ኢዛ ኣይፌ ማና።

ኣብዲዩ ቲንቢቴ 1:20

ቤቲ ቢዳ ኢስራኤሌ ኣሳይ ኣላሄ ጌቴቲዛ ዴሬፔ ሲሚዲ ካናኔ ቢታፌ ሲራፍታ ጋካናስ ዲዛ ቢታ ላታና፤ ቤቴ ቢዲ ሲራፍታ ዴሬን ዲዛ ኢስራኤሌ ኣሳይ ኔጌቤን ዲዛ ካታማታ ላታና።

ዛካራሳ ቲንቢቴ 1:14

ቃሴካ ታናራ ሃሳይዛ ኪታንቻዚ፥ «ሃይሳ ቃላ ዮታ፤ ኡባፌ ዎልቃማ ጎዳይ፥ ‹ታኒ ጺዮኔሲኔ ዬሩሳላሜስ ኬሃ ቃታይስ።

ዛካራሳ ቲንቢቴ 1:18

ሄሳፌ ጉዬ ኣጁታን ኦይዱ ካጬታ ቤኣዲስ።

ዛካራሳ ቲንቢቴ 2:12

ጎዳይ ጌሻ ቢታይን ዩሁዳ ባስ ቡዞ ሂስቲ ላታና፤ ዬሩሳላሜካ ዛሪ ዶራና።

ዛካራሳ ቲንቢቴ 2:4

ሂስቲዲ ኢዛስ፥ «ዎጻ ባዳ ሄሳ ናቴ ኣዴዛስ፥ ‹ዬሩሳላሜይ ኢዚን ዲዛ ኣሳ ዳሮቴፌኔ ሜሄ ዳሮቴፌ ዴንዶይሳን ካታማ ዩሾን ጊምቤ ዲርሳ ኮሼና።

ዛካራሳ ቲንቢቴ 3:2

ጎዳይ ቃሴ ጻላኤ፥ «ሃይሶ ጻላኤ ጎዳይ ኔና ሴሮ፤ ዬሩሳላሜ ዶሪዳ ጎዳይ ኔና ሃንቆ፤ ሃይሲ ኣዴዚ ታማፔ ኣቲዳ ዱርጫ ጊዴኔ?» ጊዴስ።

ኤፌሶኔ ኣሳስ 1:4

ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ።