Siiqo Saba 5:6 - ጋሞ ማጻፋ

⁶ ታ ካሬዛ ዶይሺን ታ ሲቆዚ ሲሚዲ ቢቺዴስ፤ ኢዛ ቃላ ጬንጉርሳ ሲያናስ ኬሃ ኣሞታዲስ። ሚንዳካ ኮያዲስ፤ ጊዶ ኣቲን ዴማናስ ዳንዳያቤኬ፤ ጼይጋዲስ ሺን ኢዚ ታስ ኮዪቤና።

Geeshsha Maxaafa

⁶ Ta kareza doyshin ta siiqozi simmidi bichchides; iza qaala cenggurssa siyanaas keeha amottadis. Minththadakka koyadis; gido attiin demmanaas dandayabeekke; Xeygadis shin izi taas koyibeenna.

Siiqo Saba 5:6 ပူးပေါင်းရင်းမြစ်များ

ሜቴ ማጻፋ 42:28

ኢዚ ባ ኢሻታ፥ «ታ ቢራይ ታስ ሲሚዴስ፤ ቱማ ሃይሳ ቤኢቴ! ታ ኦጎሮን ዴስ» ጊዴስ። ኢስቲ ዳጋሚዲ ኮኮሪሼ ኢሶይ ኢሳኮ ሲሚዲ፥ «ጾሲ ኣዛስ ኑ ቦላ ሃይሳ ኦዴ?» ጊዳ።

2ሳሜላ ማጻፋ 16:10

ጊዶ ኣቲን ካዎዚ፥ «ኢንቴኖ ጹሪያ ናይቶ! ኢንቴና ታናራ ጋዛ ኣይ ሚሽ ዲዜ? ጎዳይ፥ ‹ዳዊቴ ዶቃ› ጊን ኢዚ ታና ዶቂዛ ጊዲኮ፥ ‹ሃይሳ ኣይስ ኦዲ?› ጊዲ ኢዛ ኦይቻና ዳንዳይዛይ ኦኔ?» ጊዴስ።

ዬ ማጻፋ 28:1

ኣቤት ጎዳዉ! ታ ዛላዉ! ታኒ ኔና ጼይጊሺን ታስ ሲሲ ኢጾፋ፤ ታ ዋሲሺን ኔ ጮኡ ጊኮ ታኒ ዱፎን ጌሊዛ ኣሳታ ማላ ጊዳና።

ዬ ማጻፋ 30:7

ኣቤት ጎዳዉ! ኔኒ ታስ ኪዪዳ ዎዴ፥ ታና ጊታ ዙማ ማላ ሚን ኤሳዳሳ፤ ጊዶ ኣቲን ኔኒ ኔ ሲን ታፔ ሃራሶ ዛሪዳ ዎዴ ታኒ ዳጋማዲስ።

ዬ ማጻፋ 69:3

ታኒ ማዶ ዴማናስ ዋሳሼ ዳቡራዲስ፤ ታስ ቆ ፖራንዴይካ ሜሊዴስ። ታ ጾሳ ናጎን ዲሺን ታ ኣይፌይ ባልጁሚዴስ።

ዬ ማጻፋ 77:3

ኣቤት ጾሳዉ! ታ ኔና ቆፓሼ ጬጫይስ፤ ታ ዩሻ ቆፓሼ ኬሃ ዳቡርዴስ።

ዬ ማጻፋ 80:4

ኣቤት ጎዳዉ ኡባፌ ዎልቃማ ጾሳዉ! ኔ ኣሳ ዎሳ ቦላ ኣዉዴ ጋካናስ ኔ ሃንቄታኔ?

ሌሚሶ ማጻፋ 1:28

«ሄ ዎዴ ኢስቲ ታና ጼይጋና፤ ታ ጊዲኮ ኢስታስ ኮይኬ፤ ኢስቲ ታና ሚን ኮያና፤ ጊዶ ኣቲን ታና ዴሜቴና።

Siiqo Saba 5:2

«ታኒ ኦማርስ ስካዲስ፤ ጊዶ ኣቲን ታ ዎዚናይ ቤጊዴስ፤ ታ ሲቆዚ ካሬ ቆጺሼ፥ ‹ታስ ሲቆ ሚቾ ጊዲዳ ሚሺራዬ! ኔናን ዎሶይ ባይንዳ ታ ሃራጴዬ! ኔና ሾባይስ ታስ ካሬዛ ዶያ፤ ታ ሁኤይ ኬንቾን ዎቂዴስ። ታ ቢናናይካ ኦማርሳ ፑሴን ሙሲዴስ› ጊሺን ሲያዲስ።

Siiqo Saba 5:4

ታ ሲቆዚ ፔንጌ ጾኤራ ኩሼ ዬዲዴስ፤ ሂስቲን ታስ ማራጬን ፖልኡ ጊዴስ።

Siiqo Saba 6:1

«ማጫሳ ኡባፌ ሎኦዬ! ኔ ሲቆ ላጌዚ ኣዋ ቢዴ? ኑኒካ ኔናራ ኢሲፌ ኮያናስ፥ ኢዚ ኣዋ ባጋራ ቢዳኮ ኑስ ዮታ» ጊዳ።

ኢሳያሳ ቲንቢቴ 12:1

ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።

ኢሳያሳ ቲንቢቴ 50:2

ታኒ ዪዛ ዎዴ ሄን ኣሲ ኣይስ ይዴ? ታ ጼይጊዛ ዎዴ ዛሮ ኢሚዛ ኣሲ ሄን ዋኒ ይዴ? ኢንቴና ዎዛና ሚሽ ጪጋናስ ታ ኩሼይ ቃማዴ? ዎይኮ ኢንቴና ኣሻናስ ታስ ዎልቃይ ጉ? ቤኢቴ ታ ሃንቆን ኣባ ሜሊሳይስ፤ ሻፋታካ ባዞ ኬሳይስ ኢስታን ዲዛ ሞሌቲ ሳሞን ሃይቂዲ ዜቄቴስ።

ኢሳያሳ ቲንቢቴ 57:16

ኣሳ ኣያናይ ታ ሲንን ዳቡሮንታ ማላ ታ ሜዳ ኣሳስ ፔኖይ ኤቆንታ ማላ ታ ሜርናስ ዋላሲኬ፤ ታ ኡባቶ ሃንቄቲኬ።

ኢሳያሳ ቲንቢቴ 58:2

ኢስቲ ታና ሃች ሃች ኮዬቴስ፤ ታ ኦጌዛ ኤራናስ ላሞቲዛ ሚሳቴቴስ። ሱሬ ሚሽ ኦዳ ካዎቴ ማላኔ ባ ጾሳ ኣዛዞ ዬጊ ኣጎንታ ዴሬ ማላ፥ ኢስቲ ታና ሱሬ ፒርዳ ኦይቼቴስ፤ ጾሲ ኢስታኮ ሺቃናይሳ ኢስቲ ዶሲዛ ሚሳቴስ» ጌስ።

ኢሳያሳ ቲንቢቴ 8:17

ታኒ ባ ሲን ያቆቤ ዛሬታፔ ጌንዳ ጎዳ ናጋና፤ ኢዛካ ሂዶታ ኦና።

ኤርማሳ ዚላስ 3:8

ታኒ ማዶ ኮያዳ ዋሳ ጼይጊንካ ኢዚ ታ ዋሳ ሲያናስ ኮዪቤና።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ሆሴኤ ቲንቢቴ 5:6

ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

ዛካራሳ ቲንቢቴ 7:13

‹ታ ኢስታ ጼይጊሺን ኢስታ ሲዪቤቴና፤ ሄሳ ጊሻስ ኢስቲ ታና ጼይጊሺን ታኒካ ሲዪኬ› ጌስ ኡባፌ ዎልቃማ ጎዳይ።

Maatosa 26:75

ሄ ዎዴ ዬሱሲ ካሴ ጴጽሮሳስ፥ «ኩቶይ ዋሳናስ ኔ ታና ሄቶ ካዳና» ጊዲ ዮቲዳ ቃላይ ቆፌቲን፥ ጴጽሮሲ ካሬ ኬዚዲ ጫሞ ዬሆ ዬኪዴስ።

ማርቆሳ ሚሺራቾ 14:72

ሄራካ ኩቶይ ናምኣን ዋሲዴስ። ጴጽሮሲካ፥ «ኩቶይ ናምኣ ዋሳናስ ኔ ታና ሄ ካዳና» ጊዳ ዬሱሳ ቃላይ ኢዛስ ቆፌቲን ሂቂሚ ዬኪዴስ።

ዮሃኒሳ ኣጁታ 3:19

ታኒ ታ ዶሲዛይታ ዉርሳ ሃንቃይሲኔ ቃጻያይስ፤ ሄሳ ጊሻስ ኔኒ ሚና፤ ማሮቴንካ ጌላ።

1ሳሜላ ማጻፋ 28:6

ኢዚ ጎዳ ኦይቺን ጎዳይ ኢዛስ ኣጉሞን ጊዲን ዎይኮ ኡሪሜን ዎይኮ ናቤታ ባጋራ ዛሮ ኢሚቤና።