ኦሮሜ ኣሳስ 11:33 - ጋሞ ማጻፋ

³³ ጾሳ ዱሬቴ፥ ኣ ኤራቴይኔ ኢዛ ኤራቴይ ኣይ ማላ ጪማ! ኢዛ ፒርዳይ ኣይ ማላኮ ፓጬቴና፤ ኢዚ ኣዳ ጌዶይካ ኤሬቴና።

Geeshsha Maxaafa

³³ Xoossa dureteththi, aadho erateththaynne iza erateththay ay mala ciimmaa! Iza pirday ay malakko paacettenna; izi aadhdhida geedoykka erettenna.

Gamo Geesha Maxxafa New Testamen

³³ Xoossa cinccatethine iza erateth ay mala ciimma! Iza priday ay malakone paacetena. Izi adhida geedoyka eretena.

ኦሮሜ ኣሳስ 11:33 ပူးပေါင်းရင်းမြစ်များ

ኢዮቤ ማጻፋ 5:9

ኢዚ ቆዳይ ባይንዳ ማላሊሲዛ ሚሽ፥ ፒልጊን ጋኬቶንታ ጊታ ሚሽ ኦስ።

ዬ ማጻፋ 92:5

ኣቤት ጎዳዉ! ኔ ኦሶይ ኣይ ኬና ጊታ! ኔ ቆፋይካ ኣይ ኬና ጪማ!

ኦሮሜ ኣሳስ 2:4

ዎይኮ ጾሳ ኪያቴ ኔና ማሮቴኮ ካሌዛይሳ ሻካ ኤሮንታ ዳሼ ኢዛ ጊታ ኪያቴኔ ኢዛ ዳንዳያ ዱሬቴ ኔ ሌቃይ?

ኢዮቤ ማጻፋ 37:23

ኡባ ዳንዳይዛ ጾሳይ ኑ ቆፋፔ ቦላ፤ ኢዛ ዎልቃይ ጊታ፤ ኢዚካ ቱሙ ፒርዲዛዴ።

ኤፌሶኔ ኣሳስ 3:10

ኢዛ ቆፋይ ሃኢ ዎዴ ዎሳ ኬ ባጋራ ዱማ ዱማ ሜይ ዲዛ ጾሳ ሂላቴ ሳሎን ዲዛ ሃላቃታሲኔ ጎዳታስ ኤሬታና ማላ ሃኒዴስ።

ኤራንቻታ ማጻፋ 3:11

ኡባ ሚሽ ኢዛ ዎዴን ዎዴን ሎኤዲ ኦዴስ። ጾሲ ኣሳ ዎዚናን ሜርናቴ ዎዴስ፤ ጊዲኮካ ጾሲ ኦዳይሳ ኡባ ኮይሮፔ ዉርሴ ጋካናስ ኣሲ ኡባ ኤራናስ ዳንዳዬና።

ዬ ማጻፋ 36:6

ኣቤት ጎዳዉ! ኔ ጺሎቴይ ኡባፌ ቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ።

ኤፌሶኔ ኣሳስ 1:7

ጾሳ ኣ ኪያቴ ዱሬቴፌ ዴንዶይሳን ዬሱሳ ሱን ዎዜቲዲ ናጋራፔ ኑ ማሬቲዶስ።

ቆላሲያሴ ኣሳስ 1:27

ጾሲ ባ ኣሳስ ቆንጪሳናስ ኮዪዳ ጹራይ ኢዛ ቦንቾ ዱሬቴ ኣይዛቤ ጊዲዳ ኢንቴ ጊዶን ኣይ ማላ ጊታኮ ቤሳናሳ፤ ኢዚካ ኢዛ ቦንቾ ሂዶታ ጊዲዳ ኢንቴ ጊዶን ዲዛ ኪርስቶሳ።

ኦሮሜ ኣሳስ 9:23

ኮይሮ ቦንቾስ ጊግሲዳ ኢዛ ማሮቴ ቤሲዛይታስ ኢዛ ቦንቾ ዱሬቴ ኤሬታና ማላ ኢዚ ኦናሳ።

ዬ ማጻፋ 97:2

ሻራይኔ ሳካና ማይ ኢዛ ዩዪ ኣዴስ፤ ጺሎቴኔ ቱማቴ ኢዛ ካዎቴ ኣራታስ ዮቻ።

ዬ ማጻፋ 77:19

ኔኒ ኣባ ጊዶራ ሄሜታሳ፤ ጪማ ኣባ ጊዶራ ካንሳ፤ ጊዲኮካ ኔ ቢዳ ጌዶይ ኤሬቴና።

ኢዮቤ ማጻፋ 26:14

ሃይታንቲ ኡባይ ጾሲ ኦዛ ኦሶታፔ ጉታ፤ ኑ ሲዪዛይሲ ኢዛስ ሳሱኬ ጻላ፤ ዎልቃማ ጊሪሳ ኢዛይሳ ኦኒ ኣኬካናዉ ዳንዳይዜ?»

ኤፌሶኔ ኣሳስ 2:7

ሄሲካ ሃይሳፌ ጉዬ ያና ዎዴዛን ዬሱስ ኪርስቶሲ ኑስ ባ ኪያቴን ቆንጪሲዳ ዛዋይ ባይንዳ ባ ኪያቴ ዱሬቴ ኑና ቤሳናሳ።

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

ዬ ማጻፋ 40:5

ኣቤት ታ ጎዳዉ! ኔኒ ዳሮ ማላሊሲዛ ኦሶ ኦዳሳ፤ ኔናራ ሊኬቲዛይ ኦኒኔ ባዋ! ኔኒ ኑስ ቆፒዳ ሎኦ ቆፋ ኦኒኔ ቆዳናዉ ዳንዳዬና፤ ሄሲ ታኒ ዮቲን ዉሪዛዝ ጊዴና።

ኢዮቤ ማጻፋ 9:10

ኢዚ ኦዛ ማላሊሲዛ ሚሻታ ኑኒ ፒልጊዲ ኣኬካናዉ ዳንዳዮኮ፤ ኢዚ ፖሊዛ ማካላ ሚሻታ ኑኒ ቆዳናዉ ዳንዳዮኮ።

ኤፌሶኔ ኣሳስ 3:16

ኢንቴ ጋርሳ ባጋራ ሚናና ማላ ኣያና ባጋራ ኢዛ ቦንቾ ዱሬቴ ኢንቴስ ኢሜታና ማላ ታ ዎሳይስ።

ኤፌሶኔ ኣሳስ 3:8

ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።

ሌሚሶ ማጻፋ 25:3

ሳሎታ ቃቴኔ ሳኣ ጪማቴ ኣሲ ጋኮንታይሳ ማላ፥ ካዎታ ቆፋካ ኣሲ ፒልጊ ኤራናስ ዳንዳዬና።

ኤፌሶኔ ኣሳስ 3:18

ኪርስቶሳ ሲቆስ ኣሆቴይ፥ ኣዱሳቴይ፥ ቃቴይኔ ጪማቴ ኣይ ጊናኮ ኢንቴ ኣማኒዛ ኡባ ኣሳራ ኢሲፌ ሻኪ ኤራና ማላ።

ኢዮቤ ማጻፋ 37:19

«ኑስ ኤራይ ፓጬ ጊዲዳ ጊሻስ ኑኒ ኣይ ጊዲ ጾሳስ ዛራናኮ ኔኒ ኑና ኣኔ ታማርሳ።

ኢዮቤ ማጻፋ 33:13

ሂስቲን፥ ‹ኔኒ ጾሲ ኣሲ ማጋኒዛ ማጋና ሲዬና› ጋዳ ኣይስ ጾሳ ቦላ ዙዙማይ?

ኢዮቤ ማጻፋ 15:8

ቱሙ ጾሳ ጹራ ሲያዲ? ኣሳ ኤራቴ ኤሪዛይ ኔና ጻላ ኔስ ሚሳቲዜ?

ዬ ማጻፋ 139:6

ኔ ኤራቴይ ታና ኬሂፔ ማላሊሴስ፤ ታኒ ኣኬካናስ ዳንዳይዛይሳፌካ ቄስ።

ዬ ማጻፋ 145:3

ጎዳይ ጊታ፤ ጊታ ጋላታይ ኢዛስ ቤሴስ፤ ኢዛ ጊታቴይ ኣሳ ቆፋፔ ቦላ።

ሌሚሶ ማጻፋ 25:2

ጹራ ጌንይ ጾሳስ ቦንቾ፤ ጹራ ፒልጊዲ ኬሶይ ካዎታስ ቦንቾ።

ኤራንቻታ ማጻፋ 7:24

ኣ ኤራቴ ኣይ ጊዲኮካ ኬሂ ጪማኔ ሃኮ፤ ሂስቲን ኦኒ ጋኪ ኤራና ዳንዳይዜ?

ኤራንቻታ ማጻፋ 8:17

ሄሳፌ ጉዬ ጾሲ ኦዳ ኡባ ቤኣዲስ፤ ሳሎ ጉፋንን ኦሴቲዛ ሚሽ ኦኒካ ኤሬና፤ ኣሲ ኬሂ ዳፌቲዲ ፒልጊ ጼሊኮካ ኢዛ ቢርሼ ዴማናስ ዳንዳዬና። ኣ ኤራንቻይ፥ «ታ ኤራይስ» ጊኮካ ኡባ ኤራናስ ዳንዳዬና።

ኢሳያሳ ቲንቢቴ 28:29

ሃይሲ ኡባይ ባ ዞሬን ማላሊሲዛዝ፥ ባ ኣ ኤራቴን ማላሊሲዛዝ ጊዲዳ ኡባፌ ዎልቃማ ጎዳፔ ሃኔስ።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

1ቆሮንቶሴ ኣሳስ 2:10

ጾሲ ጊዲኮ ሄሳ ባ ኣያና ባጋራ ኑስ ቆንጪሲዴስ፤ ኣያናይካ ጾሳስ ዲዛ ጪማ ዮኦ ኣሾንታ ኡባ ፒልጊ ጼሌስ።

ኣስቴሪ ማጻፋ 2:22

ማርዲኪዮሲ ኢስቲ ሴሪዳይሳ ጋኪ ኤሪዲ ጎዳቶ ኣስቴሪስ ዮቲዴስ፤ ኢዛካ ማርዲኪዮሳፔ ሲዪዳይሳ ካዎዛስ ቆንጪሳ ዮታዱስ።

ኢዮቤ ማጻፋ 10:13

«ሄኮ ሃይታ ሃ ሚሻታ ኔ ዎዚናን ቆታ ዎዳ ዳሳ፤ ኔ ቆፋይካ ሃይሳ ጊዲዳይሳ ታ ኤራዲስ።

ኢዮቤ ማጻፋ 23:14

ታ ቦላ ኢዚ ቆፒዳይሳ ኡባ ፖላና፤ ሃይሳ ሚሳቲዛ ዳሮ ቆፋቲ ዴቴስ።