ዮሃኒሳ ኣጁታ 9:20 - ጋሞ ማጻፋ

²⁰ ሃይታ ሃ ቦሻታን ሃይቆፔ ኣቲዳ ኣሳ ዜሬቲ ካሴ ባ ኦዳ ኢታ ኦሶፔ ሲሚዲ ማሮቴን ጌሊቤቴና። ዳይዳንስ ዎርቃፌ፥ ቢራፔ፥ ጻርቂማላፔ፥ ሹቻፌ፥ ሚፌ ኦሴቲዲ ጼላናስ ዎይኮ ሃይን ሲያናስ ዎይኮ ሄሜታናስ ዳንዳዮንታ ኤቃታስ ጎይኖ ኣጊቤቴና።

Geeshsha Maxaafa

²⁰ Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.

Gamo Geesha Maxxafa New Testamen

²⁰ Hayta ha bochatan hayqope attida asa zereththati kase ba oothida iitta oothope simmidi maarotethan gelibeyttena. Daydanthas worqapene birape, xariqimalape, shuchafene, miththafe, oothettida xeelanas woykko haythen siyanas woykko hamuttanas danda7ontta eeqatas goyno aggibeyttena.

ዮሃኒሳ ኣጁታ 9:20 ပူးပေါင်းရင်းမြစ်များ

2ካዎታ ማጻፋ 22:17

ኣሳይ ታና ኣጊዲ ሃራ ኤቃ ጾሳታስ ኤጻኔ ጩዋሲዳ ጊሻስ፥ ኢስቲ ባ ኩሼን ኦዳ ኤቃ ጾሳታን ታና ሃንቄዳ ጊሻስ ታ ሃንቆይ ሃይሳ ሃ ሶሆዛን ታማ ማላ ኤጺሼ ዴኣና ኣቲን ቶኤና› ጌስ ጊዲ ዮቲቴ።

2ታሪኬ ማጻፋ 28:22

ካዎ ኣካዜይ ሜቶቲዳ ዎዴ ጎዳስ ኣማኔታናይሳ ኣጊ ኣጊ ቢዴስ።

2ታሪኬ ማጻፋ 34:25

ኢስቲ ታና ኣጊዲ ሃራ ጾሳታስ ኤጻኔ ጩዋሲዳ፤ ሂስቲዲ ኢስቲ ባንታ ኩሼን ኦዳ ኦሶ ኡባን ታና ሃንቄዳ፤ ሄሳ ጊሻስ ታ ሃንቆይ ሃይሳ ሃ ሶሆዛ ቦላ ኤጺ ኬዛና፤ ሙሌካ ቶኤና› ጌስ።

ዬ ማጻፋ 106:37

ኢስቲ ባንታ ኣቱማኔ ማጫ ናይታ ዳይዳንታስ ያርሺዳ።

ኢሳያሳ ቲንቢቴ 2:8

ኢስታ ቢታን ኤቃ ጾሳቲ ኩሚዳ፤ ባንታ ኩሼን ኦ ኬሲዳ ሚሻስ ጎይኔቴስ።

ኢሳያሳ ቲንቢቴ 41:7

ሂላንቻይ ዎርቃ ኦዛይሳ ሚንስ፤ ናሪቃን ቆጺ ሌኢሲዛዴይ ቢራታ ማርጮን ሴሪሲዛይሳ ሚንስ፤ ቢራታ ሴሪሲ ኦይሴይ፥ «ሎኦ» ጌስ፤ ኤቃ ጾሳ ሚስሌይ ኩንዶንታ ማላ ሚሲማሬን ቶርጌስ።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 25:6

ኤቃ ጾሳታስ ኦናሲኔ ጎይናናስ ካሎፍቴ፤ ቃሴ ኢንቴ ኩሼይ ኦዳ ሚሻን ታና ዪሎሶፒቴ። ሂስቲኮ ታ ኢንቴ ቦላ ኢታ ኦኬ» ጊዳ።

ኤርማሳ ቲንቢቴ 44:8

ኢንቴ ዳናስ ጌሊዳ ሃ ጊብጼ ቢታን ሃራ ኤቃ ጾሳታስ ኤጻኔ ጩዋሴን ኢንቴ ኢንቴ ኩሼን ሜዳ ሚሻታን ታና ኣይስ ሃንቄቲ? ቢታ ቦላ ዲዛ ካዎቴታ ኡባ ጊዶን ቃንጌሲኔ ቂስ ማላታ ጊዳና ማላ ኢንቴርካ ኢንቴና ይሳና ኮዬቲ?

ኤርማሳ ቲንቢቴ 5:3

ኣቤት ጎዳዉ! ኔ ኣይፌቲ ቱማ ጼሌቴኔ? ኔኒ ኢስታ ሾጫዳሳ ሺን ኢስታ ሳኪቤና። ኔኒ ኢስታ ኪንቼሬዳሳ፤ ጊዶ ኣቲን ኢስቲ ሲሚቤቴና፤ ኢስቲ ባንታ ዎዚና ሹቻፌ ኣ ሚንዳ፤ ባንታ ናጋራፔካ ሲሞንታ ኢጺዳ።

ኤርማሳ ቲንቢቴ 51:17

«ኣስ ኡባይ ዳማኔ ኤራቴ ባይንዳይሳ ጊዲዴስ፤ ዎርቃ ሴሪሲዛይቲ ኡባይ ባ ኦዳ ኤቃ ሚስሌታን ዬላቲዳ፤ ኢስቲ ጊግሲዳ ሚስሌቲ ዎርዶኔ ሼምፖይ ባይንዳይታ።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ዳኔላ ቲንቢቴ 5:4

ኡሻ ኡዪሼ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዳ።

ሌዌታ ማጻፋ 17:7

ኢስራኤሌ ናይቲ ኢስታ ኣማኖፔ ሃሲዛ ዳይዳንታስ ያርሾ ኦዲ ባ ሜሄ ቤቶሶን ቤቶሶን ያርሾስ ሹካናስ ቤሴና፤ ሄሲካ ኢስታሲኔ ኢስታፌ ጉዬ ዬሌታ ኡባስ ሜርና ዎጋ ጊዲ ዴኦ።

ሚኪያሳ ቲንቢቴ 5:13

ማሴቲ ኬዚዳ ኢንቴ ኤቃ ሚስሌታኔ ኢንቴ ኤቃሶሆታካ ታ ኢንቴ ጊዶፌ ይሳና፤ ሃይሳፌ ጉዬ ኢንቴ ኢንቴ ኩሼን ኦዳይታስ ጎይኔኬታ።

Maatosa 21:32

«ጻማቂዛ ዮሃኒሲ ኢንቴና ጺሎቴ ኦጌ ቤሳናስ ኢንቴኮ ዪዴስ ሺን ኢንቴ ኢዚ ጊዛይሳ ኣማኒቤኬታ፤ ጊዶ ኣቲን ቃራጻ ቃንጺሲዛይቲኔ ላይማቲዛይቲ ጊዲኮ ኣማኒዳ፤ ኢዚ ሃኒዳይሳ ኢንቴ ቤዪ ሲሚዲካ ማሮቴን ጌሊዲ ኣማኒቤኬታ» ጊዴስ።

ሃዋሬታ ኦሶ 17:29

«ሂስቲኮ ኑ ጾሳ ናይታ ጊዲኮ ጾሲ ኣስ ኤራቴን ሜ ኬሲዳ ዎርቃ ዎይኮ ቢራ ዎይኮ ሹች ሚሳቴስ ጊዲ ኑ ቆፓናስ ቤሴና።

ሃዋሬታ ኦሶ 19:26

ሃይሲ ጳዉሎሳ ጌቴቲዛይሲ ኤፌሶኔን ጻላ ጊዶንታ ኩሜ ኢሲያ ኣዉራጃን ዲዛ ዳሮ ዴሬዛ ኣማን ኣማን ባሌዛይሳ ኢንቴ ዉሪካ ቤኢዛይሳ ማላኔ ሲዪዛይሳ ማላ፥ ‹ኣሳ ኩሼን ኦሴቲዳ ኤቃቲ ሙሌካ ጾስ ጊዴቴና› ጊ ዮቴስ።

ሃዋሬታ ኦሶ 7:41

ሄ ዎዴ ማራ ሚስሌ ሜዲ ኤቃስ ያርሾ ሺሺዳ፤ ባርካ ሜዳ ባ ኩሼ ኦሶን ኡፋዬቲዲ ጉፒዳ።

2ቆሮንቶሴ ኣሳስ 12:21

ታኒ ቃሴካ ሄ ኢንቴኮ ቢሺን ኦኔ ኤሪዛይ ታ ጎዳይ ታና ኢንቴ ሲንን ካዉሻንዴ ጋዳ ሂርጋይስ። ሃይሳፌ ካሴ ናጋራ ኦዲ ሄ ኦዳ ቱናቴን፥ ላይማኒኔ ጮ ሜላ ዬዳ ዱሳስ ማሮቴን ጌሎንታ ኣሳታ ጋሶን ታ ሙዞቴን ዎንዲና ጋዳ ሂርጋይስ።

ዛሬ ማጻፋ 31:29

ታኒ ሃይቂዳፔ ጉዬ ታ ኢንቴና ኣዛዚዳ ኣዛዞፔ ካሬ ኬዚዲ ቱና ኦሶ ኢንቴ ኦናይሳ ታ ኤራይስ፤ ጎዳ ሲንን ኢታ ኦሶ ኦዲ ኢንቴ ኢዛ ሃንቄኮ ኢዚ ኢንቴ ቦላ ቦሻ ዬዳና።»

ዛሬ ማጻፋ 32:17

ሃይሳፌ ካሴ ባ ኤሮንታይታስ፥ ጾስ ጊዶንታ ዳይዳንታስ፥ ማታ ዎዴ ዪዳ ጾሳታስ፥ ቤኒ ኢስታ ኣዋቲ ኢስታስ ጎይኖንታ ኤቃታስ፥ ኢስቲ ያርሾ ሺሺዳ።

ዛሬ ማጻፋ 4:28

ሄን ኢንቴ ሚፌኔ ሹቻፌ ኣሳ ኩሼን ኦሴቲዲ ጼሎንታ፥ ሲዮንታ፥ ሞንታኔ ሲንጎንታ ኤቃ ጾሳታስ ጎይናና።

1ጺምቶሳስ 4:1

ዎዴ ዉርሴ ቦላ ኢሲ ኢሲ ኣሳይ ኣማኖ ኣጊዲ ባሌዛ ኣያናታኔ ኢታ ኣያና ቲሚርቴ ካላናይሳ ጺሎ ኣያናይ ቆንጬራ ዮቴስ።

ዮሃኒሳ ኣጁታ 15:1

ታኒ ሃራ ዎልቃማ ማላታ ሳሎ ቦላ ቤያዲስ፤ ጾሳ ሃንቆይ ኢስታን ፖሌታናስ ዉርሴ ጊዲዳ ላፑን ቦሻታ ኦይኪዳ ላፑን ኪታንቻታ ቤያዲስ።

ዮሃኒሳ ኣጁታ 16:8

ኦይዳን ኪታንቻዚ ባ ጹኣዛ ኣርሼ ቦላ ጉሲዴስ፤ ኣርሼይካ ኣሳ ባ ሴላን ጹጋና ማላ ኣርሼስ ዎልቃይ ኢሜቲዴስ።

ዮሃኒሳ ኣጁታ 9:19

ሄ ፓራታ ዎልቃይ ኢስታስ ዶና ጊዶኒኔ ጎይና ቦላ ዴስ፤ ኢስታ ጎይናይ ሾሽ ሚሳቴስ፤ ኢዛስ ሾሻ ሁኤይካ ዴስ፤ ኢስቲ ኣሴ ሄሳን ቆሄቴስ።

ዮሃኒሳ ኣጁታ 9:21

ሄሳካ ሼምፖ ዎፔ፥ ቢታፔ፥ ላይማፔኔ ካይሶቴፌ ሲሚዲ ማሮቴን ጌሊቤቴና።