ዮሃኒሳ ኣጁታ 18:10 - ጋሞ ማጻፋ

¹⁰ ኢዚ ዋዬዛስ ባቢዳ ጊሻስ ሃሆን ኤቂዲ፥ «ሃኔ ጊታ ካታማዬ! ሃኔ ሚኖ ካታማዬ ባቢሎኔ! ኔ ፒርዳይ ሜጺ ኢሲ ሳቴ ጊዶን ዪዳ ጊሻስ ኔስ ኣዬ ኣና! ኣዬ ኣና!» ጋና።

Geeshsha Maxaafa

¹⁰ Izi waayezas babbida gishshas haahon eqqidi, «Hanne gita katamayee! Hanne mino katamaye Baabiloonee! Ne pirday mexi issi saate giddon yida gishshas nees Aayye ana! Aayye ana!» gaana.

Gamo Geesha Maxxafa New Testamen

¹⁰ Izi waayezas babida gishshi hahon eqqidi “Hane gita katamaye! hane mino katamaye Babiloone! ne pirday mexi issi saate giddon yida gishshi nees wa! Wa!” gaana.

ዮሃኒሳ ኣጁታ 18:10 ပူးပေါင်းရင်းမြစ်များ

ኢሳያሳ ቲንቢቴ 21:9

ቤኢቴ፥ ኢሲ ኣሲ ፓራታን ጎሼቲዛ ፓራ-ጋሬታን ዪዴስ፤ ሂስቲዲ፥ ‹ባቢሎኔይ ኩንዳዱስ! ኩንዳዱስ! ኢዚ ኤቃ ጾሳ ሚስሌቲካ ሜቄሬቲ ጋዴን ኩንዲዳ› ጊ ዛሪዴስ» ጊ ዋሲዴስ።

ኢሳያሳ ቲንቢቴ 47:9

ሃ ናምኡ ዮኦቲ፥ ኣምኤቴኔ ዬሊ ን ቆፋይ ባይንዳ ኢሲ ጋላስ ኔ ቦላ ጋኪ ዎና፤ ኔ ኣይ ኬና ቢቲኮካ፥ ኔ ኣይ ኬና ሙሬኒኮካ ኢስቲ ኔ ቦላ ኩሜ ዎልቃራ ያና።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ሂዚቄላ ቲንቢቴ 32:9

«ኔ ቦላ ዪዳ ባሻ ታ ሲሲዛ ዎዴ ኔ ኤሮንታ ቢታን ካዎቴታ ጊዶን፥ ዳሮ ኣሳታ ዎዚና ጬጪሳና።

ኢዩኤሌ ቲንቢቴ 1:15

ኣዬ ኣና! ጎዳ ጋላሲ ማቲዴስ። ኡባ ዳንዳይዛ ጾሳይ ይሲዛዝ ኤሂዛ ጋላሲ ጋኪዴስ። ሄ ጋላሳይስ ኣዬ ኣና!

ኣሞጼ ቲንቢቴ 5:16

ሄሳ ጊሻስ ጎዳይ ሳሎ ጾሳይ፥ «ኦጌ ቦላኔ ዱቡሻይ ዲዛሶን ኡባን ዋሶይኔ ዬሆይ ሲዬታና፤ ጎሻንቻቲ ኮይሳስ ዚላሊዛይቲ ዬሆስ ጼይጌታና።

ታይቦ ማጻፋ 16:34

ሄ ሄራን ዲዛ ኢስራኤሌ ኣሳይ ሄ ኣሳ ዋሶ ሲዪዲ፥ «ሃይሲ ቢታይ ኑናካ ሚቶንታ ኣጌና!» ጊ ዋሲሼ ባቃቲዴስ።

ዮሃኒሳ ኣጁታ 11:8

ኢስታ ኣሃይ ሌሚሶራ ሶዶሜኔ ጊብጼ ጌቴቲዛ ጊታ ካታማይን ጮ ዴምባን ዚንኣና፤ ሂና ካታማያ ካሴ ኢስታ ጎዳይ ኢዚን ካቄቲዳሶዮ።

ዮሃኒሳ ኣጁታ 14:8

ሃራ ናምኣን ኪታንቻይ ቃሴ፥ «ዴሬዛ ዉርሳ ማሲዛ ላይማ ዎይኔ ጫጄ ኡሺዳ ማጫሳያ ሂናካ ዎጋ ጊታ ባቢሎና ኩንዳዱስ! ኩንዳዱስ!» ጊሼ ኮይሮ ኪታንቻዛ ካሊዴስ።

ዮሃኒሳ ኣጁታ 16:19

ዎጋ ካታማያ ሄ ኬዛ ሻኬታ ዎዱስ፤ ኣይዛቤታ ካታማቲ ላሌቲዳ ጾሲ ዎጋ ካታማዮ ባቢሎኔ ዛሪ ቆፒዴስ፤ ሚኖ ሃንቆ ጹኣን ኩሚ ኣቲዳ ዎይኔ ጫጄ ኡሹ ኡያና ማላ ኦዴስ።

ዮሃኒሳ ኣጁታ 17:12

«ኔ ቤኢዳ ታሙ ካጬቲ ቡሮ ካዎቶንታ ታሙ ካዎታ፤ ጊዲኮካ ኢስቲ ሄ ዶኣዛራ ኢሲፌ ኢሲ ሳቴስ ዶኣዛራ ካዎታናስ ካዎቴ ዎልቃ ዴማና።

ዮሃኒሳ ኣጁታ 18:18

ኢዛ ጹጌቲሺን ጩዋቲዛ ጩዋዛ ቤኢዲ፥ «ሃኖ ሃ ጊታ ካታማዮ ሚሳቲዛ ካታማይ ሃራይ ኣዋን ዳንዴ?» ጊሼ ዋሲዳ።

ዮሃኒሳ ኣጁታ 18:19

ባ ሁኤን ጉዱላ ቆሊዲ ዬኪሼኔ ሙዞቲሼ፥ «ኣባ ቦላ ማርካቤይ ዲዛይቲ ዉሪካ ኢዚ ሚሻን ዱሬቲዳይቲ፥ ሂና ጊታ ካታማያ ኢሲ ሳቴ ጊዶን ሙሌራ ይዳ ጊሻስ ኢዚስ ኣዬ ኣና! ኣዬ ኣና!» ጊ ዋሲዳ።

ዮሃኒሳ ኣጁታ 18:21

ሄሳፌ ጉዬ ኢሲ ሚኖ ኪታንቻይ ዎልቃማ ዎጻ ሹች ሚሳቲዛ ኢሲ ሹች ዴንዲ፥ «ጊታ ካታማያ ባቢሎና ሄሳካ ዎልቃራ ሱጌታዳ ኩንዳና፤ ሃይሳፌ ጉዬ ሙሌካ ቤቱኩ።

ዮሃኒሳ ኣጁታ 18:8

ሄሳ ጊሻስ ኢዚ ቦላ ቦሻይ ዉሪካ ኢሲ ጋላስ ጋካና፤ ሃይቆይ፥ ሙዞቴኔ ጋፋይ ኢዞ ጋካና፤ ኢዛ ታማን ጹጌታና፤ ኢዚ ቦላ ፒርዲዛ ጎዳይ ጾሲ ኢዚ ሚኖ» ጊሺን ታኒ ሲያዲስ።