ዬ ማጻፋ 96:2 - ጋሞ ማጻፋ

² ጎዳስ ዬጺቴ፤ ኢዛ ሱን ሳቢቴ፤ ኢዚ ኣሺዛይሳ ሃች ሃች ዮቲቴ።

Geeshsha Maxaafa

² GODAAS yexxite; iza sunththaa sabbite; izi ashshizayssa hach hach yootite.

ዬ ማጻፋ 96:2 ပူးပေါင်းရင်းမြစ်များ

1ታሪኬ ማጻፋ 29:20

ሄሳፌ ጉዬ ዳዊቲ ዱላታ ሺቂዳ ኣሳስ፥ «ጎዳ ኢንቴ ጾሳ ጋላቲቴ» ጊዴስ፤ ሂስቲን ኡባ ኣሳይ ጎዳ ባንታ ኣዋታ ጾሳ ጋላቲዳ፤ ጎዳ ሲንን ጉፋኒዲ ጎይኒዳኔ ካዋ ቦንቺዳ።

ዬ ማጻፋ 103:20

ኢንቴኖ ኢዛ ኪታንቻቶ! ኢዛ ኣዛዞ ፖሊዛ ዎልቃማቶ! ኢዚ ጊዛይሳ ኤዝጊዛይቶ! ጎዳ ጋላቲቴ።

ዬ ማጻፋ 145:1

ኣቤት ታ ካዎ ጾሳዉ! ታኒ ኔና ቁ ቁ ሂስታና፤ ኔ ሱን ሜርናስካ ጋላታና።

ዬ ማጻፋ 145:10

ኣቤት ጎዳዉ! ሜታ ኡባይ ኔና ጋላታና፤ ኔ ዴሬይ ኡባይካ ኔና ሳባና።

ዬ ማጻፋ 145:2

ታኒ ኔና ኡባ ጋላስ ሳባና፤ ኔ ሱንካ ሜርናስ ጋላታና።

ዬ ማጻፋ 40:10

ታኒ ኔ ጺሎቴ ታ ዎዚናን ቆታቤኬ፤ ኔኒ ኣማኔቲዛይሳኔ ኣሺዛይሳ ታ ዮታዲስ። ቃሴ ኔ ሲቆኔ ኔ ቱማቴ ጊታ ሺቆዛፔ ጌንቤኬ።

ዬ ማጻፋ 71:15

ታኒ ኣይ ሊኬ ሃሳያናኮ ኤሮንታ ኣጊኮካ ጋላስ ኩሜ ታ ዶናይ ኔ ጺሎቴ ጊሻሲኔ ኔ ኣቶቴ ጊሻስ ሃሳዬስ፤

ኢሳያሳ ቲንቢቴ 40:9

ኔኖ ሚሺራቾ ጺዮኔስ ዮቲዛይሶ፥ ቃ ዙማ ቦላ ኬዛ፤ ኔኖ ሚሺራቾ ዬሩሳላሜስ ዮቲዛይሶ፥ ኔ ጬንጉርሳ ቁ ሂስታ ዋሳ፤ ቁ ሂስታ፥ ባቦፋ፤ ዩሁዳ ካታማታስ፥ «ሄኮ ኢንቴ ጾሳ» ጋዳ ዮታ።

ማርቆሳ ሚሺራቾ 16:15

ኢስታስካ፥ «ኣላሜ ኡባሶ ቢቴ፥ ሚሺራቾ ቃላ ሜቴ ኡባስ ሳባኪቴ።

ሃዋሬታ ኦሶ 13:26

«ኢንቴኖ ኣብራሃሜ ዜሬፌ ዬሌቲዳ ኑ ኢሻቶ! ቃሴካ ኢንቴ ጊዶንካ ጾሳስ ያዪዛይቲ ዉሪ ሃይሲ ኣቶቴ ኪታይ ኪቴቲዳይ ኑስ ኡባታሳ!

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

ዮሃኒሳ ኣጁታ 5:13

ሳሎንካ ሳኣ ቦላካ፥ ቢታፌ ጋርሳንካ፥ ኣባ ጊዶን ዲዛ ሜቴ ኡባን፥ «ኣልጋ ቦላ ኡቲዳይሳሲኔ ዶርሳስ ጋላታይኔ ቃቴ፥ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ!» ጊሺን ታ ሲያዲስ።