ዬ ማጻፋ 94:2 - ጋሞ ማጻፋ

² ኣቤት ሳኣ ፒርዲዛይሶ! ዴንዳ! ኦቶራንቻታስ ቤሲዛ ቂጻቴ ኢማ።

Geeshsha Maxaafa

² Abeet sa7a pirdizayssoo! Denda! Otoranchchatas bessiza qixaate imma.

ዬ ማጻፋ 94:2 ပူးပေါင်းရင်းမြစ်များ

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

2ታሪኬ ማጻፋ 20:12

ኣቤት ኑ ጾሳዉ፥ ኔኒ ኢስታ ቦላ ፒርዲኪ? ኣይስ ጊኮ ኑና ኦላናስ ዪዳ ሃ ዳሮ ኦላንቻታራ ኦሌታናስ ኑስ ዎልቃይ ባዋ፤ ኑኒ ኦናይሳካ ኤሮኮ፤ ጊዶ ኣቲን ኑ ኣይፌቲ ኔና ጼሌቴስ» ጊዴስ።

ዬ ማጻፋ 31:23

ኢንቴኖ ጾሳ ኣሳቶ! ጎዳ ሲቂቴ። ጎዳይ ኢዛን ኣማኔቲዛይታ ናጌስ፤ ጊዶ ኣቲን ኦቶራንቻታስ ኢስታስ ቤሲዛ ቂጻቴ ኢሜስ።

ዬ ማጻፋ 50:6

ጾሲ ባርካ ፒርዲዛ ጾሳ ጊዲዳ ጊሻስ ሳሎቲ ኢዛ ጺሎቴ ኣዋጄቴስ።

ዬ ማጻፋ 68:1

ጾሲ ዴንዶ፤ ኢዛ ሞርኬቲ ላሌቴቶ፤ ኢዛ ኢጺዛይቲ ኢዛ ሲንፌ ባቃቴቶ።

ዬ ማጻፋ 7:6

ኣቤት ጎዳዉ! ኔ ሃንቆን ዴንዳ ኤቃ፤ ኤጺዛ ታ ሞርኬታ ሃንቆ ቦላ ዴንዳ፤ ታ ጾሳዉ ቤጋ፤ ቱሙ ፒርዳ ፒርዳ።

ዬ ማጻፋ 74:22

ኣቤት ጾሳዉ! ዴንዳ! ኔኒ ኔ ሱንስ ሞቴታ፤ ኤያቲ ጋላስ ኡባን ኔና ካዛይሳ ቆፓ።

ዬ ማጻፋ 82:8

ኣቤት ጾሳዉ! ዴንዳ! ሳኣ ቦላ ፒርዳ፤ ካዎቴ ኡባይ ኔሳ።

ኢሳያሳ ቲንቢቴ 10:12

ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 2:17

ሞቲዛዴይ ካዉያና፤ ኦቶራንቻይ ኩንዳና፤ ሄ ጋላስ ጎዳይ ጻላ ቁ ቁ ጋና፤

ኢሳያሳ ቲንቢቴ 37:23

ኔ ኦና ጫያይኔ ካዉሻይ? ኦና ቦላ ኔ ቃላ ቁ ሂስታ ሃሳያይ? ኦቶሮ ኣይፌን ኦና ጼላይ? ኢስራኤሌ ጌሻ ቦላ ጊዴኔ!

ኢሳያሳ ቲንቢቴ 37:29

ኔኒ ታ ቦላ ሃንቆን ዴንዴቲዳ ጊሻሲኔ፥ ኔ ሃላጪዛይሲ ታ ሃይን ዎዳ ጊሻስ፥ ታኒ ኔ ሲን ዳፎ ኣና፤ ኔ ዶናንካ ቢጻላ ባርሳና፤ ኔ ዪዳ ኦጌራካ ታ ኔና ጉዬ ዛራ ዬዳና» ጊዴስ።

ዳኔላ ቲንቢቴ 4:37

«ሄኮ ቤኢቴ! ታኒ ናቡካዳናጾሬይ ሳሎ ካዎስ ጋላታ፥ ቦንቾኔ ሳባ ሺሻይስ፤ ኢዛ ኦሶ ኡባይ ሊኬ፤ ኢዛ ኦጌይካ ሱሬ፤ ኦቶራንቻታ ኢዚ ካዉሻናስ ዳንዳዬስ» ጊዴስ።

ሚኪያሳ ቲንቢቴ 5:9

ኔ ኩሼይ ኔ ሞርኬታ ጾኒዲ ቁ ቁ ጋና፤ ኔ ሞርኬቲ ዉሪካ ያና።

2ቆሮንቶሴ ኣሳስ 5:10

ኑኒ ዉሪካ ኪርስቶሳ ፒርዳ ዎምቦራ ሲን ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦዳይ ኢታ ጊዲን ዎይኮ ሎኦ ጊዲን ባ ኦሶ ማላ ቤሲዛ ዋጋ ባስ ኤካና።

1ጴጽሮሳ ኪታ 5:5

ሄሳካ ኢንቴኖ ናቴቶ! ኢንቴ ጪማታስ ኣዛዜቲቴ፤ ኢንቴ ዉሪካ ኣሽኬቴ ኣፋላ ማላ ማይኢዲ ኢሶይ ኢሳስ ኦቴ። «ጾሲ ኦቶሪዛይታ ኢጼስ፤ ኣሽኬታስ ቃሴ ባ ኪያቴ ኢሜስ» ጌቴቲ ካሴ ጌሻ ማጻፋን ጻፌቲዴስ።