ዬ ማጻፋ 91:2 - ጋሞ ማጻፋ

² ታኒ ጎዳ፥ «ኔኒ ታስ ዜምፖ፥ ሚጻኔ ታኒ ኔናን ኣማኔቲዛ ታ ጾሳ» ጋና።

Geeshsha Maxaafa

² Tani GODAA, «Neni taas zemppo, miixanne tani nenan ammanettiza ta Xoossa» gaana.

ዬ ማጻፋ 91:2 ပူးပေါင်းရင်းမြစ်များ

ሜቴ ማጻፋ 17:7

ታኒ ታፔኔ ኔፔ፥ ኔፔ ጉዬ ኔ ዜሬ ጊዶን፥ ዬሌታፔ ዬሌታ ጋካናስ ታ ጌሊዳ ጫቆ ቃላ ሚንና፤ ሃ ጫቆይካ ታኒ ኔሲኔ ኔፔ ጉዬ ኔ ዜሬስ ጾስ ጊዳና።

ዬ ማጻፋ 14:6

ኢንቴ ሂዬሳታ ሃልቾ ላሌታ፤ ጊዶ ኣቲን ጎዳይ ሂዬሳቲ ባቃቲ ኣቲዛሶ ጊዴስ።

ዬ ማጻፋ 142:5

ኣቤት ጎዳዉ! ኔ ታና ማዳና ማላ ታ ኔኮ ዋሳይስ፤ ታ ዜምፖይ ኔና፤ ታ ሼምፖራ ፓጻ ዲሺን ታ ቃዳይ ኔና።

ዬ ማጻፋ 142:6

ታኒ ኬሂፔ ሂዶታ ቃንጺዳ ጊሻስ ኔ ታ ዋሶ ሲያ! ታና ጎዲዛይቲ ታፔ ዎልቃቲዳ ጊሻስ ታና ኣሻ።

ዬ ማጻፋ 18:2

ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 18:3

ጋላታይ ቤሲዛ ጎዳ ታኒ ጼይጋይስ፤ ኢዚ ታ ሞርኬታፔ ታና ኣሼስ።

ዬ ማጻፋ 25:2

ኣቤት ታ ጾሳዉ! ታኒ ኔናን ኣማኔታይስ፤ ታና ዬላሶፓ፤ ታ ሞርኬቲካ ታ ቦላ ጬቄቶፌቶ።

ዬ ማጻፋ 31:15

ታ ዴኦ ላይይ ኔ ኩሼና፤ ታና ጎዲዛ ታ ሞርኬታ ኩሼፔ ኔ ታና ኣሻ።

ዬ ማጻፋ 43:4

ሄ ዎዴ ታኒ ታና ኡፋይሲዛ ጾሳኮ ባና፤ ኔስ ያርሾ ያርሺዛሶዛ ባዳ ኔስ ጎይናና፤ ኣቤት ጎዳ ታ ጾሳዉ! ታኒ ዲን ኔና ሳባና።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዬ ማጻፋ 46:2

ሄሳ ጊሻስ ቢታይ ቃጺኮ፥ ዙማቲካ ዱጌ ኣባን ጌሊኮ ኑኒ ያዮኮ።

ዬ ማጻፋ 48:14

ኢንቴ፥ «ሜሪ ሜርናስ ሃ ጾሳይ ኑ ጾሳ፤ ኑ ሃይቃና ጋካናስ ኢዚ ኑና ካሌና» ጊዲ ዮቲቴ።

ዬ ማጻፋ 61:5

ኣቤት ጾሳዉ! ኔኒ ታ ኣዲና ሲያዳሳ፤ ኔ ሱን ያዪዛይቲ ላቲዛ ላታ ታስካ ኢማዳሳ።

ዬ ማጻፋ 71:3

ኔ ታስ ኡባ ዎዴ ጌሜታ ኣቲዛ ሚኖ ዛላ ጊዳ፤ ታና ኣሻናስ ኔ ኣዛዛ፤ ታስ ሚኖ ሚጻይኔ ዛላይ ኔና።

ዬ ማጻፋ 91:9

ጎዳ ኔኒ ኔስ ባቃታ ኣቲዛሶ፥ ኡባፌ ቃ ጾሳ ኔስ ዜምፖ ሂስቲዳ ጊሻስ፥

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኤርማሳ ቲንቢቴ 31:1

ጎዳይ፥ «ሄ ዎዴ ታኒ ኢስራኤሌ ቆሞ ኡባታስ ጾስ ጊዳና፤ ኢስቲካ ታ ዴሬ ጊዳና» ጌስ።

ሉቃሳ ሚሺራቾ 20:38

ዉሪካ ኢዛስ ዴኦይ ዲዛ ጊሻስ ኢዚ ፓጻታ ጾሳፌ ኣቲን ሃይቄታ ጾስ ጊዴና» ጊዴስ።

Ibirawe 11:16

ሃኢ ሄሳፌ ኣዛ ፑዴ ሳሎን ዲዛ ዴሬ ላሞቴቴስ፤ ሄሳ ጊሻስ ጾሲ ኢስታስ ሳሎን ካታማ ጊግሲዳ ጊሻስ፥ «ኢስታ ጾሳ» ጌቴቲ ጼይጌታናስ ዬላቲቤና።