ዬ ማጻፋ 83:18 - ጋሞ ማጻፋ

¹⁸ ኔ ሱንይ ጎዳ ጊዲዳይሳኔ ሳኣ ኡባ ቦላ ኔኒ ጻላ ኡባፌ ቃ ጾሳ ጊዲዳይሳ ኢስቲ ኤሬቶ።

Geeshsha Maxaafa

¹⁸ Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.

ዬ ማጻፋ 83:18 ပူးပေါင်းရင်းမြစ်များ

ሜቴ ማጻፋ 22:14

ሄሳ ጊሻስ ኣብራሃሜይ ሄ ሶሆዛ፥ «ጎዳይ ኢሚዛሶ» ጊ ሱንዴስ፤ ሃች ጋካናስካ ሄ ሶሆዚ፥ «ጎዳይ ዙማ ቦላን ኢማና» ጌቴቴስ።

1ካዎታ ማጻፋ 18:37

ኣቤት ጎዳዉ! ኔኒ ጎዳይ ቱማ ጾሳ ጊዲዳይሳኔ ኔኒ ኢስታ ዎዚና ኔኮ ዛሮ ቦላ ዲዛይሳ ሃ ኣሳይ ኤራና ማላ ኔኒ ታ ዎሳ ሲያ፤ ሲያዳካ ታስ ዛሮ ኢማ!» ጊዴስ።

2ካዎታ ማጻፋ 19:19

ሃኢካ ጎዳዉ ኑ ጾሳዉ! ኔኒ ጻላ ጾሳ ጊዲዳይሳ ሃ ቢታ ቦላ ዲዛ ካዎቴቲ ኤራና ማላ ኢዛ ኩሼፔ ኑና ኣሻ» ጊ ዎሲዴስ።

ዬ ማጻፋ 18:13

ጎዳይ ዳዳ ማላ ሳሎፔ ጉሚዴስ፤ ኡባፌ ቃ ጾሳይ ባ ጬንጉርሳ ሲሲዴስ፤ ዎልቃንኒኔ ታማ ላጮን ቆንጪዴስ።

ዬ ማጻፋ 35:4

ታ ሼምፖዮ ዎናዉ ኮይዛይቲ ዬላቴቶኔ ካዉዬቶ፤ ታ ቦላ ኢታ ኦና ማቄቲዛይቲ ካዉዪዲ ጉዬ ሲሜቶ።

ዬ ማጻፋ 59:13

ኔ ሃንቆን ኢስታ ይሳ፤ ኢስታ ሙሌራ ዲፒ ሂስታ፤ ሄ ዎዴ ጾሲ ያቆቤ ዜሬ ኣይሲዛዴኔ ሳኣ ጋጻ ጋካናስ ዲዛ ዴራ ሃሪዛዴ ጊዲዳይሳ ኣሲ ኡባይ ኤራና።

ዬ ማጻፋ 9:16

ጎዳይ ባ ጺሎ ፒርዳን ኤሬቲዴስ፤ ኢታ ኣሲ ባ ኩሼን ኦዳ ኦሶ ዎጺማዴን ኦይኬቲዴስ።

ዬ ማጻፋ 9:2

ታኒ ኔናን ኡፋዬታናኔ ሃሹ ጋና። ኡባፌ ቃ ጾሳዉ! ታኒ ኔ ሱንስ ጋላታ ማዛሙሬ ዬጻና።

ዬ ማጻፋ 92:8

ጊዶ ኣቲን ኣቤት ጎዳዉ! ኔኒ ሜርናስ ኡባፌ ቃ።

ዬ ማጻፋ 97:9

ኣቤት ጎዳዉ! ኔኒ ሳኣ ኡባፌ ቃሳ፤ ጾሳታ ኡባፌ ኔኒ ጊታታሳ።

ኬሳ ማጻፋ 6:3

ታኒ ኡባ ዳንዳይዛ ጾሳ ጊዳዳ ኣብራሃሜስ፥ ዪሳቃሲኔ ያቆቤስ ቆንጫዲስ ሺን ታኒ፥ ‹ጎዳ› ጌቴቲዛ ታ ሱንን ታናቴ ኢስታ ኤሪሳቤኬ።

ኢሳያሳ ቲንቢቴ 42:8

«ታኒ ጎዳ፤ ሃይሲ ታ ሱን፤ ታ ቦንቾ ሃራስ ኣ ኢሚኬ፤ ታ ጋላታካ ኤቃ ጾሳታስ ሼኬ።

ኢሳያሳ ቲንቢቴ 5:16

ጊዶ ኣቲን ኡባፌ ዎልቃማ ጎዳይ፥ ሱሬ ፒርዳን ቁ ቁ ጋና፤ ጌሻ ጾሳይ ባ ጌሻቴ ባ ጺሎቴን ቤሳና።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኤርማሳ ቲንቢቴ 16:21

ጎዳይ፥ «ሄሳ ጊሻስ ሃኢ ታ ኢስታ ታ ዎልቃኔ ታ ጊታቴ ታማርሳና፤ ኢስቲካ ታ ሱንይ ጎዳ ጊዲዳይሳ ኤራና» ጌስ።

ሂዚቄላ ቲንቢቴ 30:19

ሄሳ ጊሻስ ታ ጊብጼ ቦላ ታ ቂጻቴ ኤሃና፤ ኢስቲካ ታኒ ጎዳ ጊዲዳይሳ ሄ ዎዴ ኤራና» ጊዴስ።

ሂዚቄላ ቲንቢቴ 38:23

ታኒ ታ ጊታቴኔ ታ ጌሻቴ ሄሳን ቤሳና። ቃሴ ዳሮ ካዎቴታ ሲንን ታኒ ታናቴ ኤሪሳና። ሄሳፌ ጉዬ ታኒ ጎዳ ጊዲዳይሳ ኢስቲ ኤራና› ጌስ።

ዳኔላ ቲንቢቴ 4:25

ኔኒ ኔ ዴሬዛፔ ሻኬታዳ ጎዴታና፤ ኔስ ዱሳሶይካ ዎራ ዶኣታራ ጊዳና፤ ላፑን ላይ ፖሌታና ጋካናስ ኔኒ ሜሄ ማላ ማታ ማና፤ ኔኒ ኬንቾን ሙሳና፤ ሄሲ ዉሪ ኔና ጋካናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ኢዚ ካዎቴ ዉርሲካ ባ ዶሲዳዴስ ኢሚዛይሳ ኔ ሻካ ኤራና ጋካናሳ።

ዳኔላ ቲንቢቴ 4:32

ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

ሚኪያሳ ቲንቢቴ 4:13

ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።

ዛካራሳ ቲንቢቴ 4:14

ኢዚ ቃሴካ፥ «ሃይቲ ናምኣቲ ሜቴ ኡባ ጎዳ ሲንን ኦና ቲዬቲዳ ኣሳታ» ጊዴስ።