ዬ ማጻፋ 79:5 - ጋሞ ማጻፋ

⁵ ኣቤት ጎዳዉ! ሃይሲ ኣዉዴ ጋካናስ ሃናኔ? ኔኒ ሜርናስ ሃንቄታኔ? ኔ ቃናቴይ ታማ ማላ ኤጺሼ ዴኣኔ?

Geeshsha Maxaafa

⁵ Abeet GODAWU! Hayssi awude gakkanaas hananee? Neni mernaas hanqettanee? Ne qanaatey tama mala eexxishe de7anee?

ዬ ማጻፋ 79:5 ပူးပေါင်းရင်းမြစ်များ

ዬ ማጻፋ 103:9

ኢዚ ኡባ ዎዴ ኑ ሞሮስ ሞቴና፤ ሜርናስካ ሃንቄቴና።

ዬ ማጻፋ 6:4

ኣቤት ጎዳዉ! ኔኒ ሲማዳ ታና ኣሻ፤ ኔ ማሮቴ ዳሮን ታና ኬሳ ኤካ።

ዬ ማጻፋ 74:1

ኣቤት ጾሳዉ! ኔኒ ኑና ሜርናስ ኣይስ ዬጋ ኣጋዲ? ሄንሶሆን ዲዛ ዶርሳታ ቦላ ኔ ሃንቆይ ኣይስ ሱሊዴ?

ዬ ማጻፋ 80:4

ኣቤት ጎዳዉ ኡባፌ ዎልቃማ ጾሳዉ! ኔ ኣሳ ዎሳ ቦላ ኣዉዴ ጋካናስ ኔ ሃንቄታኔ?

ዬ ማጻፋ 80:5

ኔኒ ኢስታ ዬሆ ቁማ ማላ ሚዛዳሳ፤ ቃሴ ኣፉን ሃ ማላ ኡሻዳሳ።

ዬ ማጻፋ 85:5

ኔኒ ኑና ሜርናስ ሃንቄታኔ? ኔ ሃንቆይ ዬሌታፔ ዬሌታ ጋካናዉ ጋምኣኔ?

ዬ ማጻፋ 89:46

ኣቤት ጎዳዉ! ኣዉዴ ጋካናስ ኔና ጌንኔ? ኔኒ ሜርናስ ጌማኔ? ኔ ሃንቆይ ታማ ማላ ኣዉዴ ጋካናስ ኤጻኔ?

ዬ ማጻፋ 89:47

ታ ላይይ ኣይ ኬና ቃንኮ ቆፓ፤ ኔ ኣሳ ና ጮ ሃዳ ሜዲ!

ኢሳያሳ ቲንቢቴ 64:9

ኣቤት ጎዳዉ፥ ኬሃ ሃንቄቶፋ፤ ኑ ናጋራካ ሜርናስ ቆፖፋ፤ ኑስ ዎሴታ፤ ኑ ኡባይ ኔ ዴሬ ጊዲዳ ጊሻስ ኔ ኣይፌሶ ኑኮ ሃ ዛራ።

ኤርማሳ ዚላስ 5:22

ኔ ሄሳ ኦንታ ኣጊኮ ኑና ሙሌራ ኣጋዲ? ኔ ሃንቆዛስካ ዛዋይ ባዌ?

ሂዚቄላ ቲንቢቴ 36:5

ኡባ ሃሪዛ ጎዳይ፥ ‹ቱማፔ ኤጺዛ ታ ቃናቴቴን ኣቲዳ ዴሬታ ኡባ ቦላኔ ኤዶሜ ኡባ ቦላ ሃሳያዲስ። ኢስቲ ዎዚናፔ ኡፋዬቲሼኔ ካን ኩሚዲ ታ ሄሚዛ ቢታ ኦይኪዲ ቦንቂ ኤካናስ ባስ ጺንጾ ኦዳ› ጌስ።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ሶፎናሳ ቲንቢቴ 1:18

ጎዳ ባሻ ጋላስ ኢስታ ቢራይኔ ዎርቃይ ኢስታ ኣሻናስ ዳንዳዬና። ቢታይ ኩሜ ኢዛ ሃንቆን ያና፤ ኢዛ ዚልኤቴ ሱሌን ቢታ ኡባይ ጹጌታና፤ ቢታ ቦላ ዲዛ ኡባ ቦላ ቆፖንታ ዲሺን ዉርሴ ኤሃና» ጌስ ጎዳይ።

ሶፎናሳ ቲንቢቴ 3:8

ጎዳይ፥ «ሄሳ ጊሻስ ታ ፒርዳና ጋላሳይ ጋካናስ ዲሺቴ፤ ታኒ ዴሬ ኣሳኔ ካዎታ ሺሻናስ ቃቻዲስ። ታኒ ታ ሚኖ ሃንቆዛ ኢስታ ቦላ ጉሳናስ ቃቻዲስ። ታ ሃንቆ ታማን ኩሜ ቢታይ ኤጻና።

ዛካራሳ ቲንቢቴ 1:12

ሄሳፌ ጉዬ ጎዳ ኪታንቻይ፥ «ኡባፌ ዎልቃማ ጎዳዉ! ላፑን ታሙ ላይታን ኔ ኢስታ ቦላ ሃንቄቲዳ ዬሩሳላሜኔ ዩሁዳ ካታማታ ኔ ኣዪዴ ጋካናስ ማርኪ?» ጊዴስ።

ዛሬ ማጻፋ 29:20

ሄሳ ማላ ኣስ ጎዳይ ሙሌካ ማሬና፤ ጎዳ ሃንቆይ ኢዛዴ ቦላ ታማ ማላ ኤጻና፤ ሃይሳ ሃ ማጻፋን ጻፌቲዳ ቃንጌ ኢዛዴ ቦላ ዎና፤ ሳሎ ጋርሳፌ ኢዛ ሱን ጎዳይ ይሳና።

ዛሬ ማጻፋ 32:16

ኢስቲ ኤቃ ጾሳታስ ጎይኒዲ ጾሳ ሚሺሲዳ፤ ባንታ ኢታ ኦሶንካ ኢዛ ሃንቄዳ።

ዛሬ ማጻፋ 32:22

ታ ሃንቆይ ታማ ማላ ኤጻና፤ ቢታኔ ቢታ ቦላ ዲዛ ኡባ ጹጋና፤ ሄ ታማይ ሲኦሌ ጪማ ጋካናስ ኤጻና፤ ታማዚ ዙማስ ዮች ጋካናስ ማና።

ዮሃኒሳ ኣጁታ 6:10

ኢስቲ ቃ ቃላን፥ «ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱ ጊሻስ ኔ ሃሎ ኬሶንታይ ኣዪዴ ጋካናሴ?» ጊ ዋሲዳ።