ዬ ማጻፋ 72:3 - ጋሞ ማጻፋ

³ ዙማቲ ዱሬቴ ኤሃና፤ ዙምቡላቲካ ጺሎቴ ኔ ዴራስ ኤሃና።

Geeshsha Maxaafa

³ Zumati dureteth ehana; zumbullatikka xilloteth ne deraas ehana.

ዬ ማጻፋ 72:3 ပူးပေါင်းရင်းမြစ်များ

ዬ ማጻፋ 65:12

ሜሄ ሄሚዛሶሆን ጪሊላ ማታይ ኩሚዴስ፤ ዙምቡላቲ ኡፋይሳን ኩሚዳ።

ዬ ማጻፋ 72:16

ቢታን ዳሮ ካይ ሞኮ፤ ዙማቲ ካን ካሜቴቶ፤ ቢታይ ሊባኖሴ ማላ ካ ቢታ ጊዶ፤ ማታይ ዴምባ ኩሚዛ ማላ ካታማ ኩሞ።

ኢሳያሳ ቲንቢቴ 45:8

ኢንቴኖ ሳሎቶ፥ ቦላፌ ጺሎቴ ቡኪሲቴ፤ ሻራቲካ ዱጌ ጾኪሲቴ፤ ቢታይ ዶዬቶ፤ ኣቶቴ ሞኮ። ጺሎቴካ ኢዛራ ኢሲፌ ዲጮ። ታኒ ጎዳይ ሄሳ ሜዲስ።

ኢሳያሳ ቲንቢቴ 52:7

ዙማ ቦላ ኤቂዳ ቶሆቲ፥ ሚሺራቾ ኤኪ ዪዛ ቶሆቲ፥ ሳሮቴ ዮቲዛይቲ፥ ሎኦ ሚሺራቾ ዮቲዛይቲ፥ ኣቶቴ ኣዋጂዛይቲ፥ ጺዮኖካ፥ «ኔ ጾሳይ ካዎቲዴስ» ጊዛ ቶሆቲ ኣይ ማላ ሎኦ!

ኢሳያሳ ቲንቢቴ 60:17

ጻርቂማላ ሶሆን ዎርቃ፥ ቢራታ ሶሆን ቢራ ኤሃና፤ ሚ ሶሆን ጻርቂማላ፥ ሹቻ ሶሆን ቢራታ ኤሃና፤ ሳሮቴ ኔና ኣይሲዛዴ፥ ጺሎቴካ ኔስ ሃላቃ ሂስታና።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ኢዩኤሌ ቲንቢቴ 3:18

«ሄ ዎዴ ዙማቲ ዉሪካ ዎይኔ ሚን ኩማና፤ ዙምቡላን ዳሮ ማ ሚዛቲ ሄሜታና፤ ጎዳ ኬፌ ፑልቶይ ፑልታና፤ ዩሁዳ ዴሬን ዲዛ ሻፋታ ኡባ ሃ ኩማና፤ ሺጺሜ ሾባይ ሃ ካላና።