ዬ ማጻፋ 71:5 - ጋሞ ማጻፋ

⁵ ኣቤት ኡባ ሃሪዛ ጎዳዉ! ታ ሂዶታይ ኔና፤ ዬላጋቴ ዎዴፔ ዶማዳ ታ ኣማኔቲዛይ ኔና።

Geeshsha Maxaafa

⁵ Abeet Ubbaa Haariza GODAWU! Ta hidotay nena; yelagateththa wodeppe doommada ta ammanettizay nena.

ዬ ማጻፋ 71:5 ပူးပေါင်းရင်းမြစ်များ

1ካዎታ ማጻፋ 18:12

ታኒ ኔፔ ሻኬታ ቢዛ ዎዴ ጎዳ ኣያናይ ኔና ዴንዲ ኣዋ ኤፋናኮ ታ ኤሪኬ፤ ታኒ ኣካቤስ ዮቲዳፔ ጉዬ ኢዚ ኔና ዴሞንታ ኣጊኮ ታና ዎና፤ ታኒ ኔ ኣሽካራይ ናቴፌ ዶማዳ ጎዳስ ያዪዛ ኣሳ።

2ታሪኬ ማጻፋ 34:3

ኢዚ ካዎቲዳ ኦስፑን ላይን ቡሮ ዬላጋ ዲሼ ባ ኣዋ ዳዊቴ ጾሳስ ጎይኖ ዶሚዴስ፤ ቃሴካ ኢዚ ካዎቲዳ ታማን ናምኣን ላይን ዙምቡላታ ቦላ ጎይኒዛሶታ፥ ኣሼሮ ጌቴቲዛ ኤቃ ጾሳይ ሚስሌታ ማሲ ጊግሲዳኔ ሴሪሲ ሜዳ ሚስሌታ ዩሁዳፔኔ ዬሩሳላሜፔ ይሶ ዶሚዴስ።

ዬ ማጻፋ 119:166

ኣቤት ጎዳዉ! ታኒ ኔ ኣቶቴ ኡፋይሳን ናጋይስ፤ ኔ ኣዛዞታካ ፖላይስ።

ዬ ማጻፋ 119:81

ኔ ታና ኣሻና ማላ ታ ሼምፖያ ኬሃ ላሞታዱስ፤ ታኒካ ኔ ቃላ ሂዶታ ኦዲስ።

ዬ ማጻፋ 13:5

ጊዶ ኣቲን ኔ ማሮቴ ዳሮን ታኒ ኣማኔታይስ፤ ኔኒ ታና ኣሺዛ ጊሻስ ታኒ ኡፋዬታይስ።

ዬ ማጻፋ 39:7

«ኣቤት ጎዳዉ! ኔፔ ኣቲን ሃራ ኦናኮ ጼሎ? ታ ሂዶታይ ኔናና።

ዬ ማጻፋ 42:11

ታኒ ኣይስ ሂዶታ ቃንጻዚና? ቃሴ ኣይስ ጬጫዚና? ታኒ ጾሳን ኣማኔታይስ፤ ታና ኣሺዛ ታ ጾሳ ታ ቡሮ ጋላታና።

ዬ ማጻፋ 71:17

ኣቤት ጾሳዉ! ኔኒ ታና ዬላጋቴፌ ዶማዳ ታማርሳዳሳ፤ ታኒካ ሃኖ ጋካናዉ ማላሊሲዛ ኔ ኦሶዛ ኣዋጃይስ።

ኤራንቻታ ማጻፋ 12:1

ሜቶ ጋላሳቲ ዮንታ ዲሺን ኔኒ፥ «ታና ኡፋይሴቴና» ጊዛ ዎዴቲ ጋኮንታ ዲሺን ኔ ዬላጋቴ ላይን ኔና ሜዳይሳ ቆፓ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 17:13

ኢስራኤሌስ ሂዶታ ጊዲዳ ጎዳዉ! ኔና ኣጊ ቢዳ ኡባይ ዬላታና፤ ኔና ዴኦ ሃ ፑልቶ ጊዲዳ ጎዳ ኣጊዳ ጊሻስ ባ ኣይፌሶ ኔፔ ሃራሶ ዛሪዛይቲ ጉዱላ ቦላ ጻፌቲዳይሳ ማላ ጊዳና።

ኤርማሳ ቲንቢቴ 17:17

ታና ዳጋንዛዴ ጊዶፓ፤ ኔኒ ታስ ሜቶ ጋላስ ታ ባቃታ ኣቲዛሶሆ።

ኤርማሳ ቲንቢቴ 17:7

ጊዶ ኣቲን ጎዳን ኣማኔቲዛ ኣሲ፥ ኢዚ ኣማኔቲዛይ ጎዳ ጊዲዳዴይ ኣንጄቲዳዴ።

ኤርማሳ ቲንቢቴ 50:7

ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

ሉቃሳ ሚሺራቾ 2:40

ጉ ናዚካ ዲጪዲ ሚኒ ሚኒ ቢዴስ፤ ኣ ኤራቴን ኩሚዴስ፤ ጾሳ ኣ ኪያቴካ ኢዛ ቦላ ዴስ።

ኦሮሜ ኣሳስ 15:13

ኢንቴ ኢዛን ኣማኒዛ ጊሻስ ሂዶታ ጾሲ ኢንቴናን ኡፋይሲኔ ሳሮቴ ኩን፤ ሄሲካ ጺሎ ኣያና ዎልቃ ሂዶታይ ኢንቴስ ዳራናሳ።

2ጺምቶሳስ 3:15

ኔ ጉ ናቴፌ ሃኢ ጋካናስ ዬሱስ ኪርስቶሳ ኣማኖን ኣቶቴ ቤቲዛ ቲሚርቴ ኢሚዛ ጌሻ ማጻፋታ ሎኤ ኤራዳሳ።

1ሳሜላ ማጻፋ 16:13

ሳሜሊካ ካጬዛን ዲዛ ዛይቴዛ ኤኪዲ ኢዛ ኢሻታ ሲንን ኢዛ ቲይዴስ። ሄ ጋላሳፌ ዶሚዲ ጎዳ ኣያናይ ዳዊቴ ቦላ ኬሂ ዎልቃን ዎዴስ፤ ሳሜሊ ጉዬ ሲሚ ኤራማ ቢዴስ።