ዬ ማጻፋ 71:3 - ጋሞ ማጻፋ

³ ኔ ታስ ኡባ ዎዴ ጌሜታ ኣቲዛ ሚኖ ዛላ ጊዳ፤ ታና ኣሻናስ ኔ ኣዛዛ፤ ታስ ሚኖ ሚጻይኔ ዛላይ ኔና።

Geeshsha Maxaafa

³ Ne taas ubba wode geemetta attiza mino zaalla gida; tana ashshanaas ne azaza; taas mino miixaynne zaallay nena.

ዬ ማጻፋ 71:3 ပူးပေါင်းရင်းမြစ်များ

ዬ ማጻፋ 144:2

ኢዚ ታና ሲቂዛኔ ጌንዛ ጾሳ፤ ኢዚ ታስ ሚጻኔ ታና ኣሺዛይሳ፤ ኢዚ ታ ጎንዳሌኔ ታኒ ባቃታዳ ኣቲዛሶ፤ ካዎቴታካ ኢዚ ታስ ሃሪሲዛይሳ።

ዬ ማጻፋ 18:2

ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 18:3

ጋላታይ ቤሲዛ ጎዳ ታኒ ጼይጋይስ፤ ኢዚ ታ ሞርኬታፔ ታና ኣሼስ።

ዬ ማጻፋ 42:8

ጎዳይ ባ ሜርና ሲቆ ጋላስ ታስ ኪቴስ። ታኒካ ኦማርስ ኢዛስ ጋላታ ማዛሙሬ ሺሻይስ፤ ሄሲካ ታ ዴኦ ጾሳስ ሺሺዛ ዎሳ።

ዬ ማጻፋ 44:4

ታ ጾሳዉ ታ ካዎይ ኔና፤ ያቆቤ ዜሬስ ጾኖ ኢሚዳይ ጾሶ ኔና።

ዬ ማጻፋ 68:28

ኣቤት ጾሳዉ! ኔ ዎልቃ ቆንጪሳ። ሃይሳፌ ካሴ ኔ ኑስ ኦዳይሳ ሃኢካ ኔ ሚኖቴ ኑና ቤሳ።

ዬ ማጻፋ 89:27

ታኒ ኢዛ ታስ ባይራ ና ሂስታና፤ ሳኣን ዲዛ ካዎታ ኡባፌ ታ ኢዛ ጊታሳና።

ዬ ማጻፋ 90:1

ጎዳዉ! ኔኒ ኑስ ዬሌታፔ ዬሌታ ጋካናስ ሺቂ ኣቲዛሶ ጊዳዳሳ።

ዬ ማጻፋ 91:9

ጎዳ ኔኒ ኔስ ባቃታ ኣቲዛሶ፥ ኡባፌ ቃ ጾሳ ኔስ ዜምፖ ሂስቲዳ ጊሻስ፥

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ኢሳያሳ ቲንቢቴ 33:16

ሄሳዴይ ቃሶሆን ዳና፤ ዙማ ሚጻይ ኢዛስ ሺቂ ኣቲዛሶ ጊዳና፤ ኢዛስ ቁማይ ኢሜታና፤ ሃካ ኢዛስ ፓጬና።

ሂዚቄላ ቲንቢቴ 9:6

ጪማታ፥ ናቴታኔ ጌላኦታ፥ ማጫሳታኔ ጉ ናይታ ኡባካ ሹኪቴ፤ ጊዶ ኣቲን ማላታራ ዲዛ ኣስ ኦናካ ቦቾፍቴ። ዎ ታ ኬን ዶሚቴ» ጊዴስ። ሄሳ ጊሻስ ኢስቲ ጾሳ ኬ ሲንን ኤቂዲ ዎ ጪማታን ዶሚዳ።

ዛሬ ማጻፋ 33:27

ሜርና ጾሳይ ኢንቴስ ዱሳሶ፤ ሜርናስ ዲዛ ኢዛ ቄሴቲ ኢንቴፌ ጋርሳራ ዲዲ ካፌቴስ፤ ኢንቴ ሞርኬታ ኢዚ ኢንቴ ሲንፌ ጎዳና፤ ኢንቴ ኢስታ ይሳና ማላ ኢዚ ኢንቴና ማዳና።