ዬ ማጻፋ 7:9 - ጋሞ ማጻፋ

⁹ ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

Geeshsha Maxaafa

⁹ Qofanne wozina pilgga eriza xillo Xoossawu! Iitata geneza neni dhayssa; gido attiin xillota saron naaga.

ዬ ማጻፋ 7:9 ပူးပေါင်းရင်းမြစ်များ

ሜቴ ማጻፋ 20:5

ኢዚ፥ ‹ኢዛ ታ ሚቾ› ጊቤኔ? ቃሴ ኢዛ፥ ‹ኢዚ ታ ኢሻ› ጋቤኬ? ታኒ ሃይሳ ቱሙ ዎዚናፔ ኦዲስ» ጊዴስ።

1ካዎታ ማጻፋ 8:32

ኔኒ ሳሎን ዳሼ ሄሳ ሲያዳ ፖላ፤ ኔ ኣይሌታ ጊዶን ፒርዳ ቆሂዳዴስ ኢዛ ኦሶ ማላ ኢዛስ ዛራ፤ ጺሎዛስ ኢዛ ጺሎቴ ቆንጪሳዳ ሻቱሚሳ።

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

ዬ ማጻፋ 10:15

ጌኔ ኣሳታ ዎልቃ ሜን፤ ኢታ ኣሳታ ዎልቃካ ሊቂሳ፤ ኢስቲ ናምኣን ኢታ ኦንታ ማላ ኢስታ ኦሶ ማላ ኢስታ ቃጻያ።

ዬ ማጻፋ 10:18

ኦኒካ ኢስታ ያሺሶንታ ማላ ማዶይ ባይንዳይታሲኔ ዪኦታስ ኔ ፒርዳ።

ዬ ማጻፋ 11:5

ጎዳይ ጺሎታኔ ናጋራንቻታ ፒልጊ ጼሌስ። ጊዶ ኣቲን ጌላቴኔ ማካላቴ ሲቂዛይታ ኢዚ ኬሂፔ ኢጼስ።

ዬ ማጻፋ 139:1

ኣቤት ጎዳዉ! ኔኒ ታና ፒልጋ ኤራዳሳ።

ዬ ማጻፋ 17:3

ኔኒ ቃማን ታና ጾሞሳዳሳ፤ ታ ዎዚና ፓጫዳሳ፤ ኔ ፓጪዳ ጊዲኮካ ታ ቦላ ኣይኮካ ዴማቤካ። ታ ኢንጻርሳይ ኢታ ሃሳይቤና።

ዬ ማጻፋ 18:21

ታኒ ጎዳ ኦጌ ካላዲስ፤ ታኒ ታ ጾሳ ኣጋዳ ኢታ ኦቤኬ።

ዬ ማጻፋ 26:2

ኣቤት ጎዳዉ! ታና ፓጫ፤ ታ ቃን ፒልጋ፤ ታ ዎዚና ጼላ፤

ዬ ማጻፋ 35:23

ኣቤት ጎዳዉ፥ ታ ጾሳዉ! ታ ጊሻስ ኦሌታ፤ ዴንዳ፤ ቤጋ፤ ታ ዶና ጊዳዳ ሞቴታ።

ዬ ማጻፋ 37:23

ኣሳ ኦጌይ ጎዳ ኡፋይሲኮ ጎዳይ ኢዛዴ ታንጎ ካሌሲኔ ሚንስ።

ዬ ማጻፋ 40:2

ጪማ ኦላፌ፥ ሚቲዛ ኡርቃፌ ታና ኬሲዴስ፤ ታ ቶሆታ ዛላ ቦላ ኤሲዴስ፤ ቃሴ ታ ሄሜ ሚንዴስ።

ዬ ማጻፋ 43:1

ኣቤት ጾሳዉ! ኔ ታስ ፒርዳ፤ ጾሳ ኤሮንታ ካዎቴታራ ኔ ታ ጊሻስ ሞቴታ፤ ጪሚዛ ኣሳታፔኔ ኢታ ኣሳታፔ ታና ኣሻ።

ዬ ማጻፋ 44:21

ሃይሳ ኤሮይ ጾስ ጾናኔ? ኢዚ ዎዚናን ጌሚ ዲዛ ጹራ ኡባ ኤሬስ

ዬ ማጻፋ 58:6

ኣቤት ጾሳዉ! ኢስታ ኣቻ ሜን፤ ኣቤት ጎዳዉ! ጋሞታ ባንቂላ ሜን።

ዬ ማጻፋ 9:9

ጎዳይ ኡንኤቲዳይታስ ባቃቲ ኣቲዛሶ፤ ሜቶ ዎዴታንካ ቆቴቲ ኣቲዛሶ።

ዬ ማጻፋ 96:10

ካዎቴታ ጊዶን፥ «ጎዳይ ካዎቲዴስ! ሳኣይ ሚኒ ኤቂዴስ፤ ሙሌካ ቃጼና፤ ኢዚ ኣስ ኡባስ ኢሲ ጊና ፒርዳና» ጊቴ።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ኤርማሳ ቲንቢቴ 11:20

ዎዚናኔ ኪላሆ ፓጫ ጼሊዛ ኡባፌ ዎልቃማ ጎዳዉ! ታ ዮኦታ ኔስ ኢማዲስ፤ ኔኒ ኢስታ ቦላ ሃሎ ኬሲሺን ታ ቤያና።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 20:12

ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

ዳኔላ ቲንቢቴ 11:45

ኢዚ ባ ካዎቴ ዱንካኔዛ ኣባፌኔ ጌሻ ዙማፔ ጊዶን ቶካና፤ ጊዶ ኣቲን ሄሲ ዉሪ ሃኒንካ ኢዛስ ዉርሴ ጊዳና፤ ኢዛ ማዳናይካ ቤቴና» ጊዴስ።

ሃዋሬታ ኦሶ 12:23

ሄርዶሲካ ጾሳስ ቦንቾ ኢሞንታ ኣጊዳ ጊሻስ ጎዳ ኪታንቻይ ሄራካ ሄርዶሳ ሾጪ ዬጊን ጉጹኒ ሃይቂዴስ።

ኦሮሜ ኣሳስ 16:25

ታኒ ዮቲዛ ሚሺራቾ ቃላይ ዬሱስ ኪርስቶሳ ጊሻስ ዮቴቲዛ ኪታይኔ ቤኒ ዎዴፔ ዶሚዲ ቆታን ጋምኢዲ ሃኢ ቃሴ ቆንጪዳ ቱማ ጹራ ባጋራ ኢዚ ኢንቴና ኣማኖን ኤሳናስ ዳንዳዬስ።

1ታሶሎንቄ ኣሳስ 3:13

ኑ ጎዳ ዬሱስ ኪርስቶሲ ጌሻታ ኡባታራ ዪዛ ዎዴ ኑ ኣዋ ጎዳ ጾሳ ሲንን ኢንቴ ዎሶይ ባይንዳይታኔ ጌሻታ ጊዲዲ ቤታና ማላ ኢንቴ ዎዚና ኢዚ ሚን።

1ጴጽሮሳ ኪታ 5:10

ኢንቴ ጉ ዎዴስ ዋዬቲዳይሳፌ ጉዬ ኢንቴና ኪርስቶሳ ባጋራ ሜርና ቦንቾስ ጼይጊዳ ኪያቴ ኡባስ ጎዳይ ኢዚ ባርካ ኢንቴና ጋኪዳ ዋዬዛፔ ኣሻና፥ ማዳናኔ ሚንና ቃሴካ ዳዝጊሳና።

ዩሁዳ ኪታ 1:1

ዬሱስ ኪርስቶሳስ ኦዛ ያቆቤ ኢሻ ዩሁዳፔ፥ ኢንቴስ ጼይጌቲዳይታስ፥ ጾሳይ ኣዋይ ሲቂዛይታሲኔ ዬሱስ ኪርስቶሲ ናጊዳይታስ ኡባታስ፥

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

1ሳሜላ ማጻፋ 16:7

ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።

1ሳሜላ ማጻፋ 2:9

«ኢዚ ጌሻታ ቶሆ ናጌስ፤ ኢታቲ ጊዲኮ ማን ዬጌታና፤ ኣሲ ባ ዎልቃን ጾኔና።