ዬ ማጻፋ 69:13 - ጋሞ ማጻፋ

¹³ ኣቤት ጎዳዉ! ታኒ ጊዲኮ ኔና ዎሳይስ። ኣቤት ጾሳዉ! ኔ ዶሪዳ ዎዴ ታ ዎሳ ሲያ፤ ኔ ሜርና ሲቆን ኔ ኣሺዛ ኣሾዛ ታና ቤሳ።

Geeshsha Maxaafa

¹³ Abeet GODAWU! Tani gidikko nena woossays. Abeet Xoossawu! Ne doorida wode ta woosa siya; ne mernaa siiqon ne ashshiza ashoza tana bessa.

ዬ ማጻፋ 69:13 ပူးပေါင်းရင်းမြစ်များ

ሜቴ ማጻፋ 24:27

«ባ ኪያቴኔ ባ ቱማ ታ ጎዳፔ ሃሶንታ ታ ጎዳ ኣብራሃሜ ጎዳ ጾሳይ ጋላቴቶ! ታኒ ዪሺን ጎዳ ጾሳይ ታና ታ ጎዳ ዳቦታሶ ካሌዴስ» ጊዴስ።

ኣስቴሪ ማጻፋ 5:2

ጎዳቴያ ኣስቴራ ዳባባን ኤቂዳሮ ካዎዚ ቤኢዲ ኡፋዬቲዴስ። ባ ኩሼን ኦይኪዳ ዎርቃ ጉፌዛ ኢዚስ ዴንዴስ፤ ኣስቴራካ ሺቃዳ ጉፌዛ ጼራ ቦቻዱስ።

ኣስቴሪ ማጻፋ 5:6

ኢስቲ ዎይኔ ኡሹ ኡዪሺን ቃሴካ ካዎዚ ኣስቴሮ፥ «ኣኔ ኔ ኮይዛይሲ ኣዜ? ኢዚ ኔስ ኢሜታና፤ ቃሴካ ኔ ሃራ ኦይቺዛይ ኣዜ? ታ ካዎቴፌ ባጋ ጊዲኮካ ታ ኔስ ኢማና» ጊዴስ።

ኣስቴሪ ማጻፋ 7:2

ሄ ናምኣን ጋላሳ ጊቢራስ ቢዲ ኢስቲ ዎይኔ ኡሻ ኡዪሺን ካዎይ ቃሴካ፥ «ጎዳቴዬ ኣስቴሬ! ኔኒ ዎሲዛይ ኣዜ? ታ ኔስ ኢማና። ቃሴ ኔኒ ታና ኦይቺዛይ ኣዜ? ሃራይ ኣቶ ታ ካዎቴፌ ባጋ ጊዲኮካ ታኒ ኔስ ኢማና» ጊዴስ።

ዬ ማጻፋ 32:6

ሄሳ ጊሻስ ጺሎ ኣሲ ኔኒ ቤቲዛ ዎዴ ኔና ዎሶ፤ ዲኦይ ኢዚ ዲዛ ሄራ ሜጪ ኤፊኮካ ኢዛ ቦቼና።

ዬ ማጻፋ 51:1

ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃታ ዳሮን ታ ሞሮዛ ቁጫ።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ዬ ማጻፋ 98:3

ኢዚ ኢስራኤሌታ ሲቂዛይሳኔ ኢስታስ ኣማኔቲዛይሳ ሃሳኢዴስ፤ ሳኣ ጋጻ ጋካናስ ዲዛ ኣሳይ ኡባይ ኑ ጾሳይ ኣሺዛይሳ ቤኢዴስ።

ኢሳያሳ ቲንቢቴ 49:8

ጎዳይ፥ «ታኒ ዶሪዳ ዎዴ ኔ ኦይሻ ዛራና፤ ኣቶቴ ጋላስ ታኒ ኔና ማዳና፤ ዴራስ ጫቆ ቃላ ጊዳና ማላ፥ ቢታዮካ ኔ ዛራ ኤሳና ማላ፥ ካሴ ቢታ ዬጊ ይዳይታስ ኢስታ ጺንጾ ኔ ዛራ ኢማና ማላ፥ ታ ኔና ማዳና፤ ታ ኔስ ኦና።

ኢሳያሳ ቲንቢቴ 55:6

ጎዳይ ቤቲዛ ዎዴ ኢዛ ኮዪቴ፤ ማታን ዲዛ ዎዴ ኢዛ ጼይጊቴ።

ኤርማሳ ዚላስ 3:63

ኔ ኢስታ ጼላ! ኢስቲ ኤቂዲ ጊዲን ኡቲዲ ባ ዬን ታና ጫዴቴስ።

ሚኪያሳ ቲንቢቴ 7:20

ቤኒ ዎዴፔ ኦይካዳ ካሴ ኑ ኣዋታስ ጫቆ ቃላ ኔ ጌሊዳ ማላ ያቆቤስ ኣማኔቴ ኣብራሃሜስ ማሮቴ ኦሳ።

ሉቃሳ ሚሺራቾ 1:72

ሃይሳ ኢዚ ኦዳይ ኑ ኣዋታስ ባ ማሮቴ ቤሳናሳ፥ ባ ጌሻ ጫቆዛ ዩሺ ቆፓናሳ።

ሉቃሳ ሚሺራቾ 22:44

ኢዚካ ኬሂ ጹጌቲዲ ዎሲሺን ኢዛ ኣሳቴፌ ጫዋይ ሱ ማላ ጉኪዴስ።

2ቆሮንቶሴ ኣሳስ 6:2

ጾሲ፥ «ታኒ ታስ ጊጊዳ ጋላስ ኔና ሲያዲስ! ኣቲዛ ጋላስ ታ ኔና ማዳዲስ!» ጊዛ ጊሻስ ሎኦ ዎዴይ ሄኮ ሃኢ! ኣቴ ጋላሲካ ሃኢኮ!

Ibirawe 5:7

ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳይዛይሳኮ ኣፉንጺሼ ቃላ ቁ ሂስቲ ዎሲዴስ። ኣዳፌ ኣሽኬቴራ ኢዚ ኣዛዜቲዳ ጊሻስ ኢዛ ዎሳካ ጾሲ ሲዪዴስ።

1ጴጽሮሳ ኪታ 2:23

ኣሳይ ኢዛ ጫዪሺን ኢዚ ዛሪ ጫዪቤና። ዋዬቲሼ ባና ቱሙ ፒርዲዛ ጎዳስ ሃዳራ ኣ ኢሚዴስ ኣቲን ሃሎ ኬሳና ማንዲቤና።

1ሳሜላ ማጻፋ 25:8

ሄሳ ኔኒ ኔ ኦሳንቻታ ኦይቻ፤ ኢስቲ ኔስ ዮታና። ሃች ኑኒ ሎኦ ጋላስ ዪዳ ጊሻስ ሃ ናቴ ናይቲ ኔ ሲንን ቦንቼቴቶ። ሾቤ ኔና ኔ ኣይሌታሲኔ ኔ ና ዳዊቴስ ኔስ ዳንዳዬቲዛ ማላ ኑስ ኢማ› ጊቴ» ጊዴስ።