ዬ ማጻፋ 68:2 - ጋሞ ማጻፋ

² ጩዋይ ጫርኮን ላሌቲዛ ማላ ኔኒ ኢስታ ላላ፤ ሙቃዳይ ታማን ሴሪዛ ማላ፥ ኢታቲ ጾሳ ሲንፌ ሴሪ ዬቶ።

Geeshsha Maxaafa

² Cuway carkon laalettiza mala neni istta laalla; muqaadday taman seeriza mala, iitati Xoossa sinththafe seeri dhayetto.

ዬ ማጻፋ 68:2 ပူးပေါင်းရင်းမြစ်များ

2ሳሜላ ማጻፋ 10:13

ሄሳፌ ጉዬ ኢዮኣቤይኔ ኢዛራ ዲዛ ኦላ ኣሳይ ኣራሜ ኣሳ ኦላናስ ጌዴ ሲን ሆርዶፊዴስ፤ ኣራሜ ኣሳይ ኢስታ ሲንፌ ባቃቲዴስ።

2ሳሜላ ማጻፋ 10:18

ጊዶ ኣቲን ኢስቲ ኢስራኤሌ ሲንፌ ባቃቲዳ፤ ዳዊቲ ኢስታፌ 700 ፓራ-ጋሬ ኣሳታኔ 40,000 ቶሆን ቢዛ ኦላንቻታ ዎዴስ። ሄሳ ኢስቲ ኦላ ኣሳ ኣዛዚዛ ሶባኬካ ጫዲ ማዱንዳ ጊሻስ ኢዚ ሄን ሃይቂዴስ።

ዬ ማጻፋ 22:14

ታኒ ሃ ማላ ጎጋዲስ፤ ታ ሜቄቲ ሶሜፔ ሶሜፔ ኮሌቲዳ። ታ ዎዚናይ ሙቃዳ ማላ ታ ጊዶን ሴሪዴስ።

ዬ ማጻፋ 37:20

ኢታ ኣሳቲ ጊዲኮ ሃይቃና፤ ጎዳ ሞርኬቲ ባዞ ጪሻ ማላ ቆካና፤ ጩዋ ማላካ ጮ ያና።

ዬ ማጻፋ 76:7

ኣቤት ጾሳዉ! ኔኒ ያሻሳ! ኔ ሃንቆይ ሱሊዳ ዎዴ ኔ ሲንን ኦኔ ኤቃናይ?

ዬ ማጻፋ 80:16

ሞርኬቲ ኔ ዎይኔ ቄጺዲ ታማን ጹጊዳ፤ ሄሳ ጊሻስ ኔኒ ኢስታ ኔ ሃንቆዛ ሱሌን ይሳ።

ዬ ማጻፋ 97:5

ጎዳ ሲንን፥ ሳኣ ኡባ ጎዳ ሲንን ዙማቲ ሙቃዳ ማላ ሴሪዳ።

ኢሳያሳ ቲንቢቴ 33:3

ኔ ጬንጉርሳይ ዳዳ ማላ ጉሚዛ ዎዴ ዴሬይ ባቃቴስ፤ ኔኒ ዴንዳ ኤቂዛ ዎዴ ካዎቴቲ ላሌቴቴስ።

ኢሳያሳ ቲንቢቴ 64:2

ቃይጻሬ ታማይ ሃ ፔንቲሲዛ ማላ፥ ኔ ሞርኬታ ማታን ኔ ሱን ኤሬታና ማላ ዎ፤ ካዎቴታካ ኔ ሲንን ኮኮርሳ።

ኢሳያሳ ቲንቢቴ 9:18

ዴራ ኢታቴ ኪንዲቾኔ ኣጉን ጹጊዛ ታማ ማላ፤ ፒ ጊዳ ዎራይ ጹጌቲሺን ኬዚዛ ጩዋ ቱሳ ማላ ሲቲ ጊዲ ፑዴ ኬዜስ።

ኤርማሳ ቲንቢቴ 46:15

ዎልቃማ ጊዲዳ ኣጵሴ ጌቴቲዛ ኤቃ ጾሳይ ኣይስ ኩንዲዴ? ጎዳይ ኢዛ ሱጊ ዬጊዳ ጊሻስ ኤቃና ዳንዳይቤና።

ሆሴኤ ቲንቢቴ 13:3

ሄሳ ጋሶን ኢስቲ ዎንታ ማላዶ ሻራ ማላ ጮ ቲምኢ ጋና፤ ማላዶ ጻዛ ማላካ ጮ ዎ ያና፤ ዎይኮ ባንጋ ቡኪዛ ባሌፔ ጎቴ ጫርኮይ ኤፊዛ ሱላ ማላ ጊዳና፤ ዎይኮ ኬፌ ኬዚዲ ቤቲሼ ጮ ይዛ ጩዋ ማላ ጊዳና።

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ታይቦ ማጻፋ 10:35

ጫቆ ቃላ ታቦታይ ባና ዴንዲሺን ዴንዲሺን ሙሴይ፥ «ጎዳዉ! ኔካ ዴንዳ፤ ኔ ሞርኬቲ ላሌቴቶ፤ ኔና ኢጺዛይቲ ዉሪካ ኔ ሲንፌ ኪቼቶ!» ጌስ።