ዬ ማጻፋ 66:3 - ጋሞ ማጻፋ

³ ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

Geeshsha Maxaafa

³ Xoossas, «Ne oosoti ay keena malalisizoo! Ne wolqqay daro gidida gishshas ne morkketi yashshan ne sinththan kokkoreettes.

ዬ ማጻፋ 66:3 ပူးပေါင်းရင်းမြစ်များ

ኢዮቤ ማጻፋ 25:2

«ማታይኔ ያሻቴ ጾሳሳ፤ ቦላን ባ ሃሪዛሶን ሳሎን ሳሮቴ ሜና።

ዬ ማጻፋ 18:44

ታና ኤሮንታ ኣላጋ ዴሬይ ታስ ኣዛዜቴስ፤ ኢስቲ ታ ጎባቴ ሲዪዲ ታስ ዚጌቴስ።

ዬ ማጻፋ 18:45

ኢስቲ ያሻን ካሃ ዬቴስ፤ ባንቲ ናጊዛ ሚጻፔ ኬዚዲ ኮኮሪሼ ታኮ ዬቴስ።

ዬ ማጻፋ 47:2

ቢታ ኡባ ቦላ ባይራ ካዎይ ኡባፌ ቃ ጾሳይ ኢዚ ያሺሲዛ ጾሳ።

ዬ ማጻፋ 65:5

ኣቤት ኑና ኣሺዛ ጾሳዉ ኔ ጺሎ ኦሶን ማላሊሲዛ ሚሽ ኑስ ኦ፤ ሳኣ ጋጻፔ ጋጻ ጋካናስ፥ ሃሆ ኣባታፔካ ሄ ፒንን ዲዛ ኣሳ ኡባስ ሂዶታይ ኔና።

ዬ ማጻፋ 68:30

ማቃ ጊዶን ዲዛ ዶኣታ ኔኒ ሴራ። ቦራታኔ ማራታ ዉዴ ሚሳቲዛ ካዎታ ኔኒ ላላ፤ ኢስቲ ጉልባቲዲ ባንታ ቢራ ኔስ ጊራና ማላ ኦ፤ ኦሌታናስ ዬሞቲዛ ኣሳታ ላላ።

ዬ ማጻፋ 76:12

ኢዚ ኦቶሬቲዛ ዳናታ ካዉሻና፤ ዎልቃማ ካዎታካ ኢዚ ያሺሳና።

ዬ ማጻፋ 81:15

ጎዳ ኢጺዛይቲ ኢዛ ሲንን ኩንዳና፤ ኢስቲ ሜርናስ ቃጻዬታና።

ኬሳ ማጻፋ 15:21

ማራማ ኢስታስ ዬዛ ዬጻሼ፥ «ጎዳይ ኬሂ ቁ ቁ ጊዳ ጊሻስ ኢዛስ ዬጺቴ። ፓራኔ ፓራ ቶጊዳይታ ኢዚ ኣባን ኦሊዴስ» ጋ ዬጻዱስ።

ኢሳያሳ ቲንቢቴ 2:19

ጎዳይ ሃይሳ ቢታ ቃናስ ዴንዲዛ ዎዴ ያሺሲዛ ጎዳ ሃንቆፌኔ ኢዛ ቴማፔ ኣታናስ ኣሳይ ቆቴታናስ ሹቻ ጋርሲኔ ኦላይ ዲዛሶ ባቃታና።

ኢሳያሳ ቲንቢቴ 25:3

ሄሳ ጊሻስ ሚኖ ዴሬቲ ኔና ቦንቻና፤ ሜንጼ ኢታ ካዎቴቲ ኔስ ያያና።

ኢሳያሳ ቲንቢቴ 40:26

ኢንቴ ኣይፌ ቁ ሂስቲዲ ፑዴ ሳሎ ጼሊቴ፤ ሃይታንታ ኡባ ሜዳይ ኦኔ? ሳሎ ጾሊንቴታ ኢሳ ኢሳ ኬሲዛይ፥ ኢስታ ሱንን ሱንን ጼይጊዛይ ኢዛ። ኢዚ ባ ጊታቴኒኔ ባ ኤራቴ ሚኖቴፌ ዴንዲዳይሳን ኢስታፌ ኢሶይካ ዬና።

ኢሳያሳ ቲንቢቴ 64:3

ካሴካ ኔኒ ኑ ቆፖንታ ያሺሲዛ ሚሽ ኔ ኦዳ ዎዴ ኔ ዎን ዙማቲ ኮኮሪዳ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።