ዬ ማጻፋ 6:8 - ጋሞ ማጻፋ

⁸ ጎዳይ ታኒ ዬኪዛ ዬሆ ሲዪዳ ጊሻስ፥ ኢንቴኖ ኢታ ኦዛ ኡባቶ! ታፔ ሃኪቴ።

Geeshsha Maxaafa

⁸ GODAY tani yeekkiza yeeho siyida gishshas, intteno iita ooththiza ubbatoo! Taappe haakkite.

ዬ ማጻፋ 6:8 ပူးပေါင်းရင်းမြစ်များ

ኢዮቤ ማጻፋ 17:7

ኣፉንፌ ዴንዲዳይሳን ታ ኣይፌቲ ዶልጁሚዳ፤ ኩሜ ታ ኣሳቴይካ ኤሾ ማላ ጊዲዴስ።

ዬ ማጻፋ 116:8

ጎዳይ ታና ሃይቆፔ፥ ታ ኣይፌ ኣፉንፌ፥ ታ ቶሆካ ጴፔ ኣሺዴስ።

ዬ ማጻፋ 119:115

ታኒ ታ ጾሳ ኣዛዞ ናጋና ማላ ኢንቴኖ ኢታ ኦዛይቶ! ታፔ ሃኪቴ!

ዬ ማጻፋ 139:19

ኣቤት ጾሳዉ! ኔኒ ኢታታ ሲፊዳኮ ኣዜ ዲዛይ! ሱ ጉሳና ሳሜቲዛ ኣሳቲ ታፔ ሃኪቴ!

ዬ ማጻፋ 145:18

ጎዳይ ባና ጼይጊዛይታስ ኡባስ ማታ፤ ዎዚናፔ ጼይጊዛ ኡባስ ማታን ዴስ።

ዬ ማጻፋ 3:4

ታኒ ታ ቃላ ቂሳዳ ጎዳኮ ዋሳና፤ ሂስቲኮ ኢዚ ባ ጌሻ ዙማ ቦላ ዲሼ ታ ዎሳ ሲያና።

ዬ ማጻፋ 31:10

ታ ሼምፖያ ዋዬን ዳቡራዱስ፤ ታ ላይይካ ጬጬን ዉሪዴስ። ሜቶ ዳሮን ታ ዎልቃይ ጪንጊዴስ፤ ታ ሜቄቲካ ጊዶን ሴሪዳ።

ዬ ማጻፋ 56:8

ኔኒ ታ ዬሆ ቤያዳሳ፤ ታ ኣፉን ማካዳሳ፤ ኡባቲካ ኔ ማዝጋባን ጻፌቲዳ።

ኢሳያሳ ቲንቢቴ 30:19

ኢንቴኖ ዬሩሳላሜን ዴኢዛ ጺዮኔ ዴሬዞ! ሃይሳፌ ሲንን ኢንቴ ዬኬኬታ፤ ኢንቴ ኢዛኮ ዋሲሺን ኢዚ ኢንቴና ዋኒ ማሬኔ? ኢንቴ ዋሶ ኢዚ ሲዪዲ ኢንቴስ ኤሶን ዛሮ ኢማና።

ኢሳያሳ ቲንቢቴ 38:3

ዎሲሼ፥ «ኣቤት ጎዳዉ፥ ታኒ ኔ ሲንን ኣማኔቴኒኔ ኩሜ ዎዚናፔ ኔና ኡፋይሲዛ ሚሽ ኦሼ ታ ዋና ዴኢዳኮ ኔኒ ኣኬካና ማላ ታኒ ኔና ዎሳይስ» ጊ ዎሲዴስ፤ ሂዝቂያሲካ ኬሂ ጫሞ ዬሆ ዬኪዴስ።

ኢሳያሳ ቲንቢቴ 38:5

ሂስቲዲ፥ «ኔኒ ባዳ ሂዝቂያሳ፥ ‹ጎዳይ ኔ ኣዋ ዳዊቴ ጾሳይ፥ ታኒ ኔ ዎሳ ሲያዲስ፤ ኔ ኣፉንካ ቤኣዲስ። ኔ ላይ ቦላ ታኒ ኔስ ታማኔ ኢቻሹ ላይ ጉጃና።

ኤርማሳ ዚላስ 3:56

ታ ዋሶ ኔ ሲያና ማላ ታ ኔና ዎሲን ሲያዳሳ።

Maatosa 25:41

«ቃሴካ ሃዲርሳ ባጋራ ዲዛይታስ፥ ‹ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።

Maatosa 7:23

ሄ ዎዴ ታ ኢስታስ፥ ‹ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ› ጋዳ ቆንጬራ ታ ኢስታስ ዮታና።

ሉቃሳ ሚሺራቾ 13:27

«ኢዚካ ዛሪዲ፥ ‹ኢንቴና ኢንቴ ኦናኮኔ ኢንቴ ኣዋፔ ዪዳኮ ታ ኢንቴና ኤሪኬ፤ ኢንቴ ማካላቲ ዉሪካ ታፔ ሃኪቴ› ጋና ጊዴስ።

Ibirawe 5:7

ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳይዛይሳኮ ኣፉንጺሼ ቃላ ቁ ሂስቲ ዎሲዴስ። ኣዳፌ ኣሽኬቴራ ኢዚ ኣዛዜቲዳ ጊሻስ ኢዛ ዎሳካ ጾሲ ሲዪዴስ።