ዬ ማጻፋ 5:7 - ጋሞ ማጻፋ

⁷ ጊዶ ኣቲን ታኒ ኔ ማሮ ዳሮን ኔ ኬ ጌላና። ኔ ጌሻ ኬኮ ሲማዳ ቦንቾኒኔ ያሻቴን ኔስ ጎይናና።

Geeshsha Maxaafa

⁷ Gido attiin tani ne maaro daron ne keeththa gelana. Ne geeshsha Keeththaako simmada bonchchoninne yashshateththan nees goynnana.

ዬ ማጻፋ 5:7 ပူးပေါင်းရင်းမြစ်များ

1ካዎታ ማጻፋ 8:35

«ኔ ኣሳይ ኔ ቦላ ኦዳ ናጋራ ጋሶን ሳሎይ ጎርዴቲን ኢራይ ቡኮንታ ኢጺኮ፥ ኢስቲ ሃይሳ ኬኮ ሲሚ ኔ ሱን ጼይጊ ዎሲኮ፥ ኢስቲ ባንታ ናጋራፔ ሲሚኮ ኔኒ ኢስታ ዎሳ ሳሎን ዳሼ ሲያ።

1ካዎታ ማጻፋ 8:38

ኔ ዴሬ ኢስራኤሌፔ ኦኒካ ባ ዎዚናን ኡንኤቲዳይሳ ኤሪዲ ባ ኩሼታ ሃ ጾሳ ኬኮ ሚጪዲ ሾቢ ዎሲኮ፥

ዬ ማጻፋ 101:7

ጪሞ ኦዛይ ኦኒካ ታ ኬን ዴና፤ ዎርዶ ሃሳይዛይ ታ ሲንን ኤቄና።

ዬ ማጻፋ 130:4

ጊዶ ኣቲን ኑኒ ኔና ቦንቻና ማላ ኔኒ ኑ ናጋራ ኣቶ ጋሳ።

ዬ ማጻፋ 132:7

ኑኒ፥ «ኣኔ ኢዚ ዲዛሶ ቦስ፤ ኢዛ ቶሆይ ዬዛሶን ጉፋኒዲ ኢዛስ ጎይኖስ።

ዬ ማጻፋ 138:2

ኔ ጌሻ ኬኮ ሲማዳ ኔና ጎይናይስ፤ ኔ ሲቆ ጊሻሲኔ ኔ ኣማኔቴ ጊሻስ ታኒ ኔ ሱን ሳባይስ፤ ኔኒ ኔ ሱንኔ ኔ ቃላ ኡባፌ ኣዳ ቁ ሂስታዳሳ።

ዬ ማጻፋ 28:2

ታ ኩሼዛ ኔ ጌሻ ኣቆሶ ሚጫዳ ዎሲሺኔ ታና ማዳርኪ ጋዳ ታ ዋሲሺን ኔ ሲያ።

ዬ ማጻፋ 34:17

ጺሎቲ ዋሴቴስ፤ ጎዳይ ኢስታ ዋሶ ሲዬስ፤ ኢዚካ ኢስታ ሜቶ ኡባፌ ኣሼስ።

ዬ ማጻፋ 51:1

ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃታ ዳሮን ታ ሞሮዛ ቁጫ።

ዬ ማጻፋ 52:8

ጊዶ ኣቲን ኣጪዛ ዎጋራ ሚ ማላ ታኒ ጾሳ ኬን ኣጫይስ፤ ኢዛ ሜርና ሲቆን ታኒ ሜሪ ሜርናስ ኣማኔታይስ።

ዬ ማጻፋ 55:16

ታኒ ጊዲኮ ታ ጾሳ ጼይጋይስ፤ ጎዳይ ታና ኣሼስ።

ዬ ማጻፋ 69:13

ኣቤት ጎዳዉ! ታኒ ጊዲኮ ኔና ዎሳይስ። ኣቤት ጾሳዉ! ኔ ዶሪዳ ዎዴ ታ ዎሳ ሲያ፤ ኔ ሜርና ሲቆን ኔ ኣሺዛ ኣሾዛ ታና ቤሳ።

ዬ ማጻፋ 69:16

ኣቤት ጎዳዉ! ኔ ሜርና ሲቆ ኪያቴ ማላ ታስ ዛሮ ኢማ፤ ኔ ቃታ ዳሮን ታኮ ሲማ።

ሌሚሶ ማጻፋ 6:16

ጎዳይ ኢጺዛ ኡሱፑን ዮኦቲ ዴቴስ፤ ላፑንዛ ኬሂ ሃራሴቴስ።

ሌሚሶ ማጻፋ 6:17

ኦቶሬቴን ጼሊዛ ኣይፌ፥ ዎርዶቲዛ ኢንጻርስ፥ ጺሎ ኣሳታ ዎዛ ኩሼ፥

ኢሳያሳ ቲንቢቴ 55:7

ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ኢሳያሳ ቲንቢቴ 64:11

ኑ ኣዋቲ ካሴ ኔና ኢዛን ጋላቲዛ ጾሳ ኬይ ታማን ጹጌቲዴስ፤ ካሴ ሎኦሶቲ ኡባቲካ ይዳ።

ዳኔላ ቲንቢቴ 6:10

ዳኔሊ ኣዋጃዚ ፓራሜቲዲ ኬዚዳይሳ ኤሪዳ ማላ ባሶ ቢዴስ፤ ፖቄ ቦላ ማስኮቴይ ዬሩሳላሜ ባጋ ሲሚዲ ዶዬቲ ዲዛ ኪፊሌዛን ካሴ ዎሲዛይሳ ጋላስ ጋላስ ሄቶ ጉልባቲዲ ዎሲዴስ፤ ባ ጾሳካ ጋላቲዴስ።

ሆሴኤ ቲንቢቴ 3:5

ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

ሃዋሬታ ኦሶ 9:31

ሄ ዎዴ ዩሁዳኒኔ ጋሊላን፥ ሳማሪያንካ ዲዛ ኣማኒዛይቲ ሳሮን ዲዲ ካሴፔ ሚኒዳ፤ ቃሴካ ጾሳ ያሻቴን ሲሜሬቲሼ ጺሎ ኣያናን ሚኔቲዳኔ ካሴፔ ቆዳን ዳሪ ዳሪ ቢዳ።

Ibirawe 4:16

ሄሳ ጊሻስ ኑኒ ማሮቴ ኤካናሲኔ ኑና ኮሺዛ ዎዴ ኑና ማዲዛ ኢዛ ኪያቴ ኑ ዴማና ማላ ጌዴ ኢዛ ማሮቴ ኣልጋኮ ኣኔ ኣማኖን ሺቆስ።

ኢያሶ ማጻፋ 24:15

ጎዳስ ጎይኖይ ኮሾንታ ሚሽ ሚሳቲ ኢንቴስ ቤቲኮ ካሴ ኢንቴ ኣዋቲ ሻፋፔ ሄ ፒንን ዲሼ ጎይኒዳ ኤቃ ጾሳታ ዎይኮ ሃኢ ኢንቴ ዲዛ ኣሞሬቲ ጎይኒዛ ጾሳታ ጎይናና ጊዲኮ ኢንቴ ጎይናናይሳ ሃች ዶሪቴ፤ ታኒኔ ታ ኬ ኣሳይ ጊዲኮ ጎዳስ ጎይናና» ጊዴስ።