ዬ ማጻፋ 42:9 - ጋሞ ማጻፋ

⁹ ታ ጾሳዉ ታስ ዛላዉ! «ኔ ታና ኣይስ ዶጋዲ? ታ ሞርኬቲ ታና ቆሂሺን ታ ጬጫሼ ኣይስ ዴኦ?» ጋይስ።

Geeshsha Maxaafa

⁹ Ta Xoossawu taas Zaallawu! «Ne tana ays dogadii? Ta morkketi tana qohishin ta ceecashe ays de7oo?» gays.

ዬ ማጻፋ 42:9 ပူးပေါင်းရင်းမြစ်များ

ዬ ማጻፋ 13:1

ኣቤት ጎዳዉ! ኣዉዴ ጋካናስ ኔኒ ታና ዶጋኔ? ኔ ታና ሜርናስ ባላኔ? ኣዉዴ ጋካናስ ኔኒ ታፔ ጌማኔ?

ዬ ማጻፋ 18:2

ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 28:1

ኣቤት ጎዳዉ! ታ ዛላዉ! ታኒ ኔና ጼይጊሺን ታስ ሲሲ ኢጾፋ፤ ታ ዋሲሺን ኔ ጮኡ ጊኮ ታኒ ዱፎን ጌሊዛ ኣሳታ ማላ ጊዳና።

ዬ ማጻፋ 38:6

ታኒ ሆካዲሲኔ ቁናዲስ። ጋላስ ኩሜ ዬካሼ ፔኣዲስ።

ዬ ማጻፋ 43:2

ታ ጾሳዉ! ታስ ኔ ሚኖ ሚጻ፤ ሂስቲን ኔ ታና ኣይስ ኣጋዲ? ታ ሞርኬቲ ታና ቆሂሺን ታ ጬጫሼ ኣይስ ዴኦ?

ዬ ማጻፋ 55:3

ታ ሞርኬቲ ማንዲን ሂርጋዲስ፤ ኢታ ኣሳቲ ቆሂን ዳጋማዲስ፤ ኢስቲ ታ ቦላ ሜቶ ኤሂዳ፤ ሃንቆን ዴንዲዲ ታና ሞርኪዳ።

ዬ ማጻፋ 62:2

ኢዚ ጻላ ታስ ዛላኔ ታና ኣሺዛይሳ፤ ታ ቆቴታ ኣቲዛሶ ጊዲዳ ጊሻስ ሙሌካ ሂርጊኬ።

ዬ ማጻፋ 77:9

ጾሲ ባ ማሪዛይሳ ኣጊዴ? ሃንቆን ባ ቃታ ኣጊዴ?» ጋ ኦይቻይስ።

ዬ ማጻፋ 78:35

ኢስቲ ጾሲ ኢስታስ ዛላ ጊዲዳይሳኔ ኡባፌ ቃ ጾሲ ኢስታ ዎዚዳይሳ ሃሳኢዳ።

ዬ ማጻፋ 88:9

ኣቤት ጎዳዉ! ካዮ ጋሶን ታ ኣይፌቲ ዶልጁሚዳ፤ ኡባ ጋላስ ታኒ ኔኮ ዋሳይስ፤ ታ ኩሼታካ ኔኮ ሚጫይስ።

ዬ ማጻፋ 92:3

ታሙ ሻያን ዋጼቲዳ ባጋናኒኔ ማሲንቆ ዲጺሼ ኣዋጃይ ሎኦ።

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኢሳያሳ ቲንቢቴ 40:27

ያቆቤ ኔ ኣይስ ሄሳ ጋይ? ኢስራኤሌ ኔ ኣይስ ሄሳ ሃሳያይ? «ታ ኦጌይ ጎዳፔ ጌሚዴስ፤ ታ ፒርዳይ ጾሳ ኣቻን ዉዱ ጌቴቲቤና» ኣይስ ጋይ?

ኢሳያሳ ቲንቢቴ 49:15

ጎዳይ፥ «ኣያ ባ ንዛ ና ባላናስ ዳንዳያዜ? ባ ዬሊዳ ናስ ቃቴኬ? ኦኔ ኤሪዛይ ኢዛ ባላና ዳንዳያዉስ፤ ታኒ ጊዲኮ ኔና ባሊኬ።