ዬ ማጻፋ 3:7 - ጋሞ ማጻፋ

⁷ ኣቤት ጎዳዉ! ዴንዳ! ኣቤት ታ ጾሳዉ! ታና ኣሻ! ኔኒ ታ ሞርኬታ ኡባ ባንቂላ ሾጫ፤ ኢታታ ኣቻካ ሜን።

Geeshsha Maxaafa

⁷ Abeet GODAWU! Denda! Abeet ta Xoossawu! Tana ashsha! Neni ta morkketa ubbaa banqila shoca; iitata achchaaka menththa.

ዬ ማጻፋ 3:7 ပူးပေါင်းရင်းမြစ်များ

2ሳሜላ ማጻፋ 18:8

ኦላይ ዴራ ጋርሳን ኣኪ ኣኪ ቢዴስ፤ ሄ ጋላስ ኦላይ ዉርሲዳይሳፌ ዎራይ ሚቲ ይሲዳ ኣሳይ ዳሬስ።

ኢዮቤ ማጻፋ 16:10

ኣሳይ ታ ዩሾን ሺቄቲዲ ታ ቦላ ጬቄቲዴስ፤ ታና ቂ ቃላን ባቂዳ።

ኢዮቤ ማጻፋ 29:17

ጌኔ ኣሳ ባንቂላ ሜንዲስ፥ ኢዚ ቦንቂ ኤኪዳይሳካ ኢዛ ዶናፔ ዬጊሳዲስ።

ዬ ማጻፋ 10:12

ኣቤት ጎዳዉ! ዴንዳ። ጾሶ! ኔ ኩሼዛ ቁ ሂስታ ዴን፤ ማዶይ ባይንዳ ሜቶታንቻታ ዶጎፓ።

ዬ ማጻፋ 12:5

ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

ዬ ማጻፋ 27:3

ሞርኬ ቶራይ ታና ዶዲዛኮካ ታ ዎዚናይ ያዬና፤ ኦላይ ታ ቦላ ዎራጂዳኮካ፥ ታኒ ጎዳን ኣማኔታይስ።

ዬ ማጻፋ 35:23

ኣቤት ጎዳዉ፥ ታ ጾሳዉ! ታ ጊሻስ ኦሌታ፤ ዴንዳ፤ ቤጋ፤ ታ ዶና ጊዳዳ ሞቴታ።

ዬ ማጻፋ 44:23

ኣቤት ጎዳዉ ቤጋ! ኣይስ ስካይ? ዴንዳ! ሜርናስ ኑና ኣጎፋ።

ዬ ማጻፋ 58:6

ኣቤት ጾሳዉ! ኢስታ ኣቻ ሜን፤ ኣቤት ጎዳዉ! ጋሞታ ባንቂላ ሜን።

ዬ ማጻፋ 59:5

ኣቤት ጎዳዉ! ኡባፌ ዎልቃማ ጾሳዉ! ኔኒ ኢስራኤሌ ጾሳ፤ ካዎቴታ ኡባ ቃጻያናስ ኔ ቤጋ፤ ማካላ ኦዛይታ ማሮፓ።

ዬ ማጻፋ 6:4

ኣቤት ጎዳዉ! ኔኒ ሲማዳ ታና ኣሻ፤ ኔ ማሮቴ ዳሮን ታና ኬሳ ኤካ።

ዬ ማጻፋ 7:6

ኣቤት ጎዳዉ! ኔ ሃንቆን ዴንዳ ኤቃ፤ ኤጺዛ ታ ሞርኬታ ሃንቆ ቦላ ዴንዳ፤ ታ ጾሳዉ ቤጋ፤ ቱሙ ፒርዳ ፒርዳ።

ዬ ማጻፋ 74:11

ኔ ኩሼዛ ሚጫዳ ኣይስ ኢስታ ይሲኪ? ኔ ኡሻቻ ኩሼዛ ኣይስ ሾጳ ጋርሳን ሎኮማ ኡታዲ?

ዬ ማጻፋ 76:9

ኣቤት ጾሳዉ! ሃይሲ ሳኣ ቦላ ኡንኤቲዳይታ ኣሻናስ ኔኒ ፒርዳስ ዴንዲን ሃንዴስ።

ኢሳያሳ ቲንቢቴ 51:9

ኣቤት ጎዳ ቄሴይ ዴንዳ፤ ዎልቃ ማይኣ፤ ካሴ ኣዳ ዎዴታን፥ ሚሚንቴ ቃንጼሬዳይ፥ ጊታ ዳዌዛ ጫዲዳይ ኔና ጊዲኪ?

ኤርማሳ ዚላስ 3:30

ባቃና ኮዪዳዴስ ኢዚ ባ ሻጋላ ቤሶ፤ ካዉሻቴካ ኤኮ።

ኢምባቆ ቲንቢቴ 2:19

ሚ፥ ‹ኔ ቤጋ!› ሼምፖይ ባይንዳ ሹቻካ፥ ‹ኔ ዴንዳ!› ጊዛዴስ ኣዬ ኣና! ቱሙካ ኢዚ ታማርሳና ዳንዳይዜ? ሄኮ ኢዚ ቦላራ ዎርቃኒኔ ቢራን ቲዬቲዴስ፤ ኢዛስ ሼምፖይካ ዴና።