ዬ ማጻፋ 28:9 - ጋሞ ማጻፋ

⁹ ጎዳዉ! ኔ ዴራ ኣሻ፤ ኔስ ጊዲዛይታ ኣንጃ፤ ኢስታ ሄንንቻይ ኔና ጊዳ፤ ኔኒ ኢስታ ሜርናስካ ቶካ።

Geeshsha Maxaafa

⁹ GODAWU! Ne deraa ashsha; nees gidizayta anjja; istta heenththanchchay nena gida; neni istta mernaaskka tookka.

ዬ ማጻፋ 28:9 ပူးပေါင်းရင်းမြစ်များ

2ሳሜላ ማጻፋ 21:3

ሄሳ ጊሻስ ዳዊቲ ጌባኦኔ ኣሳ፥ «ታ ኢንቴስ ኣይ ኦ? ጎዳ ጺንጾ ኢንቴ ኣንጃና ማላ ናጋራ ኡባስ ታ ኣይ ኦና ቤሲዜ?» ጊ ኦይቺዴስ።

2ሳሜላ ማጻፋ 7:7

ታኒ ኢስራኤሌ ኣሳራ ቢዳሶ ኡባን ታ ዴሬ ኢስራኤሌ ናጋና ማላ ታ ኣዛዚን ካሌዛይታፔ ኢሳ፥ ‹ኔ ታስ ዚጋ ሚፌ ኣይስ ኬጻቤኪ?› ጊዳዴይ ዲዜ?

1ካዎታ ማጻፋ 8:51

ጋሶይካ ኢስቲ ቢራታ ሴሪሲዛ ኢቶኔ ታማ ማላ ጊዲዳ ጊብጼ ቢታፌ ኔኒ ኔስ ሻካ ኬሲዳ ኔ ዴሬታኔ ኔ ጺንጾታ።

1ካዎታ ማጻፋ 8:53

ኣቤት ጎዳዉ፥ ታ ጾሳዉ! ኔኒ ኑ ኣዋታ ጊብጼፔ ኬሲዳ ዎዴ ኔ ኣሽካራ ሙሴ ባጋራ ዮቲዳ ማላ ኢስታ ኔኒ ሳኣን ዲዛ ካዎቴታ ኡባ ጊዶፌ ኔስ ጺንጾ ጊዳና ማላ ዱማሳዳሳ» ጊዲ ዎሲዴስ።

ኢዝራ ማጻፋ 1:4

ሃይቆፔ ኣቲዲ ባ ዴሬ ሲሚዛይታስ ሄን ባ ዲዛሶን ኣቲዛይቲ ዬሩሳላሜን ዲዛ ጾሳ ኬ ኬጾስ ኢሚዛ ኢሞታፔ ቦላራ ቢራ፥ ዎርቃ፥ ሜሄታኔ ሃራ ሚሻታ ጉጂ ኢሞን ማዴቶ፤ ሄሲካ ኢስቲ ባንታ ዶሳን ኢሚዛ ኢሞታ ጊዶ» ጌስ።

ዬ ማጻፋ 14:7

ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

ዬ ማጻፋ 25:22

ኣቤት ጾሳዉ! ኢስራኤሌ ኣሳ ሜቶ ኡባፌ ኔኒ ዎዛ።

ዬ ማጻፋ 78:71

ኢዛ ዶርሳታ ሄሚዛሶሆፔ ኬሲዲ ባ ዴሬ ያቆቤኔ ባ ጺንጾ ኢስራኤሌ ሄንንቻ ኦዴስ።

ኢሳያሳ ቲንቢቴ 40:11

ኢዚ ባ ዉዴ ሄንንቻ ማላ ሄሜስ፤ ባ ላቃታካ ባ ቄሴን ቶኬስ፤ ባ ኪኦንካ ኢዲሜስ፤ ንዛይታካ ሎዳራ ካሌስ።

ኢሳያሳ ቲንቢቴ 46:3

ጎዳይ፥ «ኢንቴኖ ያቆቤ ሶ ኣሳቶ! ኢስራኤሌፔ ኣቲዳ ኡባቶ! ኢንቴ ኢንቴ ኣዪ ኡሎን ሻራ ኣቶሳፌ ሃ ሲሚን ኢንቴና ታ ኦይኪዳይቶ! ኢንቴ ዬሌቶሶፌ ዶማዳ ታ ቶኪዳይቶ! ታ ጊዛ ሲዪቴ።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ኤርማሳ ቲንቢቴ 31:7

ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ሚኪያሳ ቲንቢቴ 5:2

ሃኔ ኔ ቃሴ ቤቴሊሄሜ ኤፍራታ፥ ዩሁዳ ዛርኬታፔ ኔኒ ጉ ጊዲኮካ ኢዛስ ኬሳይ ካሴ ቤኒ ዎዴፔ ጊዲዳ ኢስራኤሌ ሃሪዛዴይ ኔ ጊዶፌ ታስ ኬዛና።

ሚኪያሳ ቲንቢቴ 5:4

ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና።

ሚኪያሳ ቲንቢቴ 7:14

ዎራ ጊዶኒኔ ጪሊላ ማታ ጊዶን ባርካ ዲዛይቲ ኔ ሜሄ ጊዲዳ ኔ ዴሬታ ኔኒ ኔ ጉፌራ ሄማ፤ ቤኒ ዎዴ ማላ ኢስቲ ባሳኔኒኔ ጋላኣዴን ሄሜቴቶ።

ኤፌሶኔ ኣሳስ 1:18

ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።

ዛሬ ማጻፋ 1:31

ኣዋይ ባ ና ኣልኢሲዛ ማላ ኢንቴ ቢዛ ባዞ ቢታ ኡባን ኢዚ ኢንቴና ካሌሼ ኢንቴና ሳሮን ሃይሳ ዎስቲ ጋዳኮ ኢንቴ ቤዪዴታ።

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

ዛሬ ማጻፋ 9:26

ታኒ ዎሳሼ፥ «ኡባፌ ቃ ጎዳዉ! ኔኒ ኔ ጊታ ዎልቃኒኔ ኔ ሚኖ ቄሴን ዎዛዳ ጊብጼፔ ኬሲዳ ኔ ዴሬዛ ይሶፋርኪ!

ዛሬ ማጻፋ 9:29

ጊዶ ኣቲን ሃ ኣሳይ ኔኒ ኔ ጊታ ዎልቃኒኔ ኔ ሚኖ ቄሴን ኔስ ጊዳና ማላ ኔ ዶራ ኬሲዳ ዴሬ።