ዬ ማጻፋ 27:6 - ጋሞ ማጻፋ

⁶ ሄ ዎዴ ታና ዶዲዳ ታ ሞርኬታፔ ቦላራ ቁ ቁ ጋና፤ ታኒ ኢዛ ዱንካኔዛ ሲንን ኡፋይሳ ያርሾ ያርሻና፤ ታኒ ጎዳስ ዲጻናኔ ዬጻና።

Geeshsha Maxaafa

⁶ He wode tana dooddida ta morkketappe bollara dhoqqu dhoqqu gaana; tani iza Dunkaaneza sinththan ufayssa yarsho yarshana; tani GODAAS diixxananne yexxana.

ዬ ማጻፋ 27:6 ပူးပေါင်းရင်းမြစ်များ

ሜቴ ማጻፋ 40:13

ሄ ጋላሳታ ጊዶን ካዎይ ኔና ዴንዲ ኢዚ ኔና ካሴ ኔ ዲዛ ኣላፌቴን ዎና፤ ካሴ ኔኒ ኡሹ ዱቂዛ ዎዴ ኦዳ ማላ ኔኒ ካዎ ዋንጫ ኢዛ ኩሼን ዎና።

ሜቴ ማጻፋ 40:20

ሄን ጋላስ ጊብጼ ካዎይ ባ ዬሌቲዳ ጋላስ ባ ካዎቴን ዲዛ ሹሜታ ኡባስ ጊቢራ ጊግሲዴስ። ኡሹ ዱቂዛይታ ሃላቃኔ ካ ካዛይታ ሃላቃ ቃሾ ኬፌ ኬሲዲ ባ ሹሜታ ሲንን ኤሲዴስ።

2ሳሜላ ማጻፋ 22:1

ጎዳይ ዳዊቴ ኢዛ ሞርኬታ ኡባ ኩሼፔኔ ሳኦሌ ኩሼፔ ኣሺዳ ዎዴ ዳዊቲ ሃይሳፌ ካሊዛ ማዛሙሬ ጎዳ ቦንቾስ ዬጺዴስ፤

2ሳሜላ ማጻፋ 22:49

ኢዚ ታ ሞርኬታ ኩሼፔ ታና ኬሴስ፤ ታ ሞርኬታፔ ታና ቁ ቁ ሂስታዳሳ፤ ሜንጼ ኢታታፔ ታና ኣሻዳሳ።

2ሳሜላ ማጻፋ 7:9

ኔ ቢዳሶ ኡባን ታ ኔናራ ጊዳዲስ፤ ኔ ሞርኬታ ኡባ ታ ኔ ሲንፌ ይሳዲስ፤ ሃኢካ ኢስታ ሱንይ ቢታ ቦላ ኬሂ ኤሬቲዳ ዳሮ ጊታ ኣሳታፔ ኢሳ ሱን ማላ ታ ኔ ሱን ቂሳና።

2ካዎታ ማጻፋ 25:27

ዩሁዳ ካዎ ኢዮኣኪኔይ ዲኤቲዳ ሄ ታማኔ ላፑን ላይን ታማኔ ናምኣን ኣጊናን ናምኡ ታማኔ ላፑን ጋላስ ዮሪ-ማሮዴቄይ ባቢሎኔን ካዎቲዳ ላይ ኢዮኣኪኔ ቃሾፔ ቢርሺ ዬዲዴስ።

1ታሪኬ ማጻፋ 22:18

«ጎዳ ኢንቴ ጾሳይ ሃይሳ ጋካናስ ኢንቴናራ ዴስ ጊዴኔ? ኢዚ ኢንቴና ኡባሶራ ሼምፒሲቤኔ? ሃ ቢታን ዲዛ ኣሳ ኢዚ ታ ኩሼን ኣ ኢሚዳ ጊሻስ ሃ ቢታያ ጎዳ ጾሳሲኔ ኢዛ ዴራስ ሃሬታዱስ።

ዬ ማጻፋ 107:22

ኢስቲ ኢዛስ ጋላታ ያርሾ ያርሼቶ፤ ቃሴካ ኡፋይሳ ዬን ኢዚ ኦዳ ኦሶ ቆንጪሴቶ።

ዬ ማጻፋ 110:7

ካዎዚ ኦጌ ላንቄን ዲዛ ሃ ፑልቶፌ ኡዪዲ፥ ኢዚ ባ ሁኤ ቁ ቁ ሂስታና።

ዬ ማጻፋ 119:108

ኣቤት ጎዳዉ! ታ ዶናፔ ኬዚዛ ጋላታ ያርሾዛ ኔ ኤካ፤ ኔ ዎጋ ታና ታማርሳ።

ዬ ማጻፋ 138:5

ጎዳ ቦንቾይ ጊታ ጊዲዳ ጊሻስ ኢስቲ ኢዚ ኦዳ ኦሶ ጊሻስ ዬጼቶ።

ዬ ማጻፋ 21:1

ኣቤት ጎዳዉ! ካዎይ ኔ ኢሚዳ ዎልቃ ጊሻስ ኡፋዬቴስ፤ ኔኒ ኢሚዳ ጾኖን ኢዚ ኬሂ ሆምቦጬስ።

ዬ ማጻፋ 21:13

ኣቤት ጎዳዉ! ኔ ሚኖቴይ ቁ ቁ ጎ፤ ኔ ጊታ ዎልቃ ጊሻስ ጋላታ ዬ ዬጾስ።

ዬ ማጻፋ 3:3

ጊዶ ኣቲን ጎዳዉ! ኔኒ ታ ዩሾን ጎንዳሌ። ታና ቦንቺሲዛይኔ ሚንዛይ ኔና።

ዬ ማጻፋ 3:4

ታኒ ታ ቃላ ቂሳዳ ጎዳኮ ዋሳና፤ ሂስቲኮ ኢዚ ባ ጌሻ ዙማ ቦላ ዲሼ ታ ዎሳ ሲያና።

ዬ ማጻፋ 47:1

ካዎቴ ኡባይ ኢንቴ ኩሼ ባቂቴ፤ ኢንቴ ቃላ ቁ ኦዲ ጾሳስ ኢሊሊ ጊቴ።

ዬ ማጻፋ 57:8

ታ ሼምፖዬ ቢርካ! ዲቲኔ ማሲንቆቲ ቤጊቴ! ታኒካ ዎንታራ ዴንዳና።

ዬ ማጻፋ 81:1

ኑስ ዎልቃ ጊዲዳ ጾሳስ ኡፋይሳን ዬጺቴ፤ ያቆቤ ጾሳስ ኢሊሊቴ!

ዬ ማጻፋ 95:1

ሃ ዪቴ! ኣኔ ጎዳስ ኡፋይሳን ዬጾስ፤ ኑና ኣሺዛ ዛላስ ኢሊሎስ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኤርማሳ ቲንቢቴ 31:7

ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

Ibirawe 13:15

ሄሳ ጊሻስ ኡባ ዎዴ ጋላታ ያርሾ ሄሲካ ኢዛ ሱንስ ማርካቲዛ ኑ ዶናፔ ቤቲዛ ኣይፌ ጊዲዳዝ ዬሱሳ ባጋራ ጾሳስ ኣኔ ሺሾስ።

1ጴጽሮሳ ኪታ 2:5

ኢንቴ ጎዳ ዬሱሳኮ ሺቃናይካ ዴኦ ሹቻ ማላ ጺሎ ኣያና ዱሳሶ ጊዳና ማላ ኦሴቴታ፤ ሄሳካ ኢንቴ ዬሱስ ኪርስቶሳ ባጋራ ኡፋይሲዛ ኣያና ያርሾ ጾሳስ ሺሻናስ ጌሻ ቄሴታ ጊዳንዴታ።

ዮሃኒሳ ኣጁታ 15:3

ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።