ዬ ማጻፋ 17:3 - ጋሞ ማጻፋ

³ ኔኒ ቃማን ታና ጾሞሳዳሳ፤ ታ ዎዚና ፓጫዳሳ፤ ኔ ፓጪዳ ጊዲኮካ ታ ቦላ ኣይኮካ ዴማቤካ። ታ ኢንጻርሳይ ኢታ ሃሳይቤና።

Geeshsha Maxaafa

³ Neni qamman tana xomosadasa; ta wozina paaccadasa; ne paaccidaa gidikkoka ta bolla aykkoka demmabeekka. Ta inxarsay iita haasaybeenna.

ዬ ማጻፋ 17:3 ပူးပေါင်းရင်းမြစ်များ

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

1ታሪኬ ማጻፋ 29:17

«ታ ጾሳዉ! ኔኒ ዎዚና ፒልጋ ጼሊዛይሳኔ ሱሬቴ ዶሲዛይሳ ታኒ ኤራይስ፤ ታኒ ታ ሱሬ ዎዚናኒኔ ሎኦ ሼኔን ሃይሳ ኡባ ኢማዲስ፤ ሃይሳን ዲዛ ኔ ኣሳይካ ኔስ ባ ሎኦ ሼኔን ኢሚዲ ኡፋዬቲዳይሳ ታኒ ቤኣዲስ።

ኢዮቤ ማጻፋ 23:10

ኢዚ ታ ታንጎ ኡባ ኤሬስ፤ ታና ኢዚ ፓጪኮካ ታኒ ዎርቃ ማላ ጌሽ ጊዳ ዲሺን ኢዚ ታና ዴማና።

ኢዮቤ ማጻፋ 24:14

ሼምፖ ዎዛ ኡራይ ዎንቶንታ ዴንዲዲ ማንቆታኔ ሜቶታንቻታ ዎስ፤ ኦማርሲካ ካይሶስ ኬዜስ።

ዬ ማጻፋ 11:5

ጎዳይ ጺሎታኔ ናጋራንቻታ ፒልጊ ጼሌስ። ጊዶ ኣቲን ጌላቴኔ ማካላቴ ሲቂዛይታ ኢዚ ኬሂፔ ኢጼስ።

ዬ ማጻፋ 119:106

ኔ ጺሎ ዎጋ ናጋናስ ታኒ ጫቂዳ ጫቆዛ ሚንና።

ዬ ማጻፋ 139:1

ኣቤት ጎዳዉ! ኔኒ ታና ፒልጋ ኤራዳሳ።

ዬ ማጻፋ 139:23

ኣቤት ጾሳዉ! ታ ዎዚና ፒልጋዳ ኤራ፤ ታና ፓጫዳ ታ ጬጬ ቆፋካ ሻካ ኤራ።

ዬ ማጻፋ 16:7

ታና ዞሪዛ ጎዳ ጋላታይስ፤ ኦማርስ ታ ዎዚናይ ታና ታማርሴስ።

ዬ ማጻፋ 26:2

ኣቤት ጎዳዉ! ታና ፓጫ፤ ታ ቃን ፒልጋ፤ ታ ዎዚና ጼላ፤

ዬ ማጻፋ 39:1

ታኒ፥ «ኢንጻርሳን ናጋራ ኦንታ ማላ ታኒ ታ ኦጌ ናጋና፤ ኢታ ኣሳቲ ታ ሲንን ዲዛ ዎዴ ታ ዶና ጎርዳና» ጋዲስ።

ዬ ማጻፋ 66:10

ኣቤት ጾሳዉ! ኔኒ ኑና ፓጫ ጼላዳሳ፤ ቢራ ሴሪሲ ጌሺዛ ማላ ኑና ጌሻዳሳ።

ሌሚሶ ማጻፋ 13:3

ባ ዶና ናጊዛ ኣሲ ባ ሼምፖ ናጌስ፤ ዶናን ዪዳ ማላ ሃሳይዛ ኣሲ ባና ይሴስ።

ኤርማሳ ቲንቢቴ 12:3

ጊዶ ኣቲን ኣቤት ጎዳዉ! ኔኒ ታና ኤራሳ። ታና ቤኣሳ፤ ታኒ ኔስ ኣይ ቆፒዛኮ ፓጫሳ። ሹኬታና ቢዛ ዶርሳታ ማላ ኔኒ ኢስታ ላጋ! ሹካ ጋላሳስ ኢስታ ዱማ ሻካ ዎ!

ኤርማሳ ቲንቢቴ 50:20

ሄ ዎዴታኒኔ ሄ ጋላሳታን ጎዳይ፥ «ኢስራኤሌ ሞሮይ ኮዬታና፤ ጊዶ ኣቲን ኢሲናካ ቤቱኩ፤ ዩሁዳ ናጋራይካ ኮዬታና፤ ጊዶ ኣቲን ሙሌካ ቤቴና፤ ሃይቆፔ ታ ኣሺዳ ሾጌታ ታ ማራና» ጌስ።

ሆሴኤ ቲንቢቴ 7:6

ኢስታ ዎዚናይ ጮጬ ታማ ማላ ሴሊዴስ፤ ጌኔን ኢዛኮ ሺቄቴስ። ኢስቲ ኦማርሲ ኩሜ ሃንቆ ጩዋቲሼ ኣቄቴስ ዎንቴ ጋላስ ኤጺዛ ታማ ማላ ፖፖልኡ ጌቴስ።

ሚኪያሳ ቲንቢቴ 2:1

ኢታ ኦናስ ቆፒዛይታሲኔ ሂጻን ዲሼ ጌኔ ኦናስ ዮኦ ቱኪዛይታስ ኣዬ ኣና! ኦማርስ ቆፖይሳ ማላዶ ዎንታራ ፖሌቴሲኔ ሄሳ ኦናስካ ዎልቃራ ዴቴስ።

ዛካራሳ ቲንቢቴ 13:9

ሄ ኣቲዳ ኢሲ ኩሼ ኣሳ ታ ጌዴ ታማን ዬጋና፤ ቢራ ታማን ጌሺዛ ማላ ታ ጌሻና፤ ዎርቃ ማላካ ፓጫና፤ ኢስቲ ታ ሱን ጼይጋና፤ ታኒካ ኢስታስ ኮያና፤ ታ ኢስታስ፥ ‹ታ ዴሬታ› ጋና፤ ኢስቲካ፥ ‹ኑ ጎዳ› ጋና» ጊዴስ።

ሚልካሳ ቲንቢቴ 3:2

ኢዚ ያና ጋላሳ ቴቃና ዳንዳይዛይ ኦኔ? ኢዚ ቆንጪዛ ጋላስ ኢዛ ሲንን ኤቃናስ ዳንዳያናይ ኦኔ? ኢዚ ጮጬ ታማ ማላ ዎይኮ ማይኦ ሜጪዛ ሳሙና ማላ፤

ሃዋሬታ ኦሶ 11:23

ኢዚካ ሄ ቢ ጋኪዲ ጾሲ ባ ኣ ኪያቴ ዴራስ ኢሚዳይሳ ቤኢዲ ኡፋዬቲዴሲኔ ኣሳይ ዉሪካ ኩሜ ዎዚናፔ ጎዳ ኣማኖን ሚናና ማላ ዞሪዴስ።

ሃዋሬታ ኦሶ 16:9

ኢሲ ማቂዶኒያ ኣሲ ኤቂዲ ጳዉሎሳ ማቂዶኒያ ፒናዳ ኑና ማዳ ጊሺን ጳዉሎሲ ኦማርስ ኣጁታን ቤዪዴስ።

1ቆሮንቶሴ ኣሳስ 4:4

«ታ ኤሪዛ ማላ ታኒ ታ ዎዚናራ ሲዛ ሚሺ ባ፤ ጊዶ ኣቲን ሄሳ ጉሲ ታ ቦላ ሞሮይ ባ» ጉስ ጊዴና። ቡሮ ታ ቦላ ፒርዳናይ ጎዳ።

2ቆሮንቶሴ ኣሳስ 1:12

ሂስቲኮ ኑ ጬቄቴ ሃይሳ ማላ፤ ሃ ኣላሜዛን ሃራፔካ ኢንቴሳራ ኑሳራ ዲዛ ጋይቶቴን ጾሳፌ ጊዲዳ ጌሻቴኒኔ ሱሬቴን ኑ ዴኢዳይሳ ኑ ዎዚናይ ኑስ ማርካቴስ፤ ሄሲካ ኣሳ ጪንጫቴን ጊዶንታ ጾሳ ኪያቴና።

ያቆቤ ኪታ 3:2

ኑ ዉሪካ ዳሮ ሚሻን ጴቶስ። ሃሳያን ጴቶንታዴይ ዲኮ ኢዚ ባ ኣሳቴ ሎኤ ናጋናስ ዳንዳይዛ ኩሜ ኣሳ።

1ጴጽሮሳ ኪታ 1:7

ሄሲ ሄ ፓጬዚ ኢንቴ ቦላ ጋኪዛይ ኢንቴ ኣማኖዚ ቱሙ ጊዲዳይሳ ቆንጪሳናሳ። ያና ዎርቃይካ ታማን ፓጬቴስ፤ ዎርቃፌ ኣ ቦንቾ ጊዲዳ ኢንቴ ኣማኖይካ ሄሳ ፓጬታናስ ቤሴስ። ሄሲ ፓጬቲዳ ኢንቴ ኣማኖይ ዬሱስ ኪርስቶሲ ቆንጪዛ ጋላስ ጋላታስ፥ ቦንቾሲኔ ሳባስ ኢንቴና ጋና።

1ሳሜላ ማጻፋ 24:10

ሃች ጎንጎሎ ጊዶን ኔና ታ ኩሼን ዎስቲ ኣ ኢሚዳኮ ሄኮ ኔኒ ኔ ኣይፌራ ቤኣዳሳ፤ ኢሲ ኢሲ ኣሳቲ ታ ኔና ዎና ማላ ዴንዳ፤ ጊዶ ኣቲን ታኒ፥ ‹ጎዳይ ቲይዳ ታ ጎዳ ቦላ ታ ኩሼ ዎኬ› ጋዳ ታ ኔስ ቃታዲስ።

1ሳሜላ ማጻፋ 24:12

«ጎዳይ ኔ ጊዶኒኔ ታ ጊዶን ፒርዶ። ኔኒ ኢታ ኦዳ ጊሻስ ጎዳይ ኔ ቦላ ሃሎ ኬሶ ኣቲን ታ ኔ ቦላ ኩሼ ዎኬ።

1ሳሜላ ማጻፋ 26:11

ጎዳይ ቲይዳይሳ ቦላ ታኒ ታ ኩሼ ዎናፔ ጎዳይ ታና ናጎ! ጊዶ ኣቲን ኢዛ ሁኤሶን ዲዛ ቶራኔ ሃራ ዲዛይሳ ሃ ኤካ ያ፥ ኣኔ ቦስ» ጊዴስ።

1ሳሜላ ማጻፋ 26:23

ጎዳይ ኢሳስ ኢሳስ ኢዛ ጺሎቴ ማላኔ ኢዛ ኣማኔቴ ማላ ኢዛስ ቃንጾ፤ ታኒ ጊዲኮ ሃች ጎዳይ ኔና ታ ኩሼን ኣ ኢሚን ታኒ ጎዳይ ቲይዳይሳ ቦላ ታ ኩሼ ዴንቤኬ።