ዬ ማጻፋ 149:3 - ጋሞ ማጻፋ

³ ዱሪሼ ካራቤ ባቂሼኔ ዲ ዲጺሼ ኢዛ ሱን ሳቤቶ።

Geeshsha Maxaafa

³ Durishe karabe baqqishenne diith diixxishe iza sunth sabbetto.

ዬ ማጻፋ 149:3 ပူးပေါင်းရင်းမြစ်များ

2ሳሜላ ማጻፋ 6:14

ዳዊቲ ላይኖፔ ዳዴቲዳ ኤፉዴ ባ ጼሳን ጊጺዲ ኩሜ ዎልቃን ጎዳ ሲንን ማጉሊዴስ።

2ሳሜላ ማጻፋ 6:16

ጎዳ ጫቆ ቃላ ታቦታይ ዳዊቴ ካታማ ጌሊሺን ሳኦሌ ና ሚልኮላ ማስኮቴራ ጼላዱስ፤ ካዎ ዳዊቲ ጎዳ ሲንን ጉፒሺኒኔ ዱሪሺን ቤኣዳ ባ ዎዚናራ ኢዛ ካዱስ።

1ታሪኬ ማጻፋ 16:42

ሄማኔሲኔ ኤዶታኔስ ጹሩምባ ፑናናስ፥ ዳላ ጊሪሳናሲኔ ዬ ዬጺሼ ጎኤቲዛ ሃራ ማሳራታ ቦላ ኣዋቴ ኢስታስ ኢሜቲዴስ፤ ኤዶታኔ ናይቲ ዲርሳ ፔንጌ ናጋና ማላ ኣላፌቴ ኢሜቲዴስ።

1ታሪኬ ማጻፋ 25:6

ሃይቲ ኡባይ ጎዳ ኬን ዳላ ጊሪሲሼ፥ ማሲንቆኔ ዲ ዲጺሼ ባንታ ኣዋፔ ጋርሳራ ጾሳ ኬን ኦቴስ። ኣሳፌይ፥ ኤዶታኔይኔ ሄማኔይ ካዎዛፔ ጋርሳራ ኣዛዜቲሼ ዴቴስ።

2ታሪኬ ማጻፋ 20:28

ኢስቲ ዬሩሳላሜ ጋኪዳ ማላ ዲ ዲጺሼ፥ ማሲንቆ ሾጪሼኔ ዛዬ ፑኒሼ ጾሳ ኬ ቢዳ።

2ታሪኬ ማጻፋ 29:25

ሄሳፌ ጉዬ ጎዳይ ካዎስ ቲንቢቴ ዮቲዛ ጋዴ ባጋራ፥ ናቤ ናታኔ ባጋራኔ ካዎ ዳዊቴ ባጋራ ኣዛዚዳ ኣዛዞ ሂዝቂያሲ ካሊዲ ሌዌታ ዳላ፥ ዲኔ ማሲንቆ ኦይዲ ጾሳ ኬን ኤሲዴስ።

ኢዝራ ማጻፋ 3:10

ኦሳንቻቲ ጾሳ ኬ ዮች ዬጊዳ ዎዴ ቄሴቲ ባ ቄሴቴ ማይኦ ማይኢዲኔ ዲንኬ ማላ ዬ ሚሽ ኦይኪዲ ቃሴ ኣሳፌ ዜሬፌ ጊዲዳ ሌዌቲ ዳላ ኦይኪዲ ኢስራኤሌ ካዎ ዳዊቴ ዎዴሶፔ ዎጋ ጊዲዲ ዪዳ ማላ ጾስ ዚሬን ኤቂዲ ጋላቲዳ።

ዬ ማጻፋ 30:11

ታ ዬሆ ዬን ላማዳሳ። ካዮ ማይኦዛ ታፔ ቃራዳ ኡፋይሳ ማይኦ ታና ማይዛዳሳ።

ዬ ማጻፋ 33:2

ማሲንቆ ሾጪሼ ጎዳ ጋላቲቴ፤ ታሙ ሻያን ዋጼቲዳ ዲን ኢዛስ ዬጺቴ።

ዬ ማጻፋ 81:2

ማዛሙሬ ዶሚቴ፤ ካራቤ ባቂቴ፤ ዲኒኔ ማሲንቆን ሎኦ ማዛሙሬ ዬጺቴ።

ዬ ማጻፋ 81:3

ኣጊናይ ጼሪዛ ዎዴኔ ማን ጌሊዛ ዎዴ ባኣሌስ ዛዬ ፑኒቴ።

ዬ ማጻፋ 87:7

ዬጺዛይቲኔ ጉፒዛይቲ፥ «ኑ ኣንጆ ኡባይ ጺዮኒፔ ፑልቴስ» ጊሼ ኡፋይሳን ዬጻና።

ኬሳ ማጻፋ 15:20

ኣሮኔ ሚቼያ፥ ናቤ ማራማ ካራቤ ኤካዱስ፤ ማጫሳይ ዉሪ ካራቤ ባቂዲ ዬጺሼኔ ጉፒሼ ኢዞ ካሊዴስ።

ኤርማሳ ቲንቢቴ 31:13

ሄ ዎዴ ጌላኦቲ ኡፋዬቲዲ ዬጻና፤ ዎዳላቲኔ ጪማቲ ጉፓና፤ ታ ኢስታ ዬሆዛ ኡፋይሳን ላማና፤ ታ ኢስታ ሙዞቴፌ ሚንና፤ ታ ኢስታስ ኡፋይስ ኢማና።

ኤርማሳ ቲንቢቴ 31:4

ኢስራኤሌ ዴሬዞ! ታኒ ኢንቴና ዛራ ኬጻና፤ ኢንቴካ ኬጼታና። ኢንቴ ካራቤ ዛሪ ዴንዲ ኡፋይሳን ሆምቦጪዛይታራ ኢንቴ ሆምቦጫና።

ዳናታ ማጻፋ 11:34

ዮፍታሄይ ሚጺጳን ዲዛ ባሶ ሲሚ ዪዛ ዎዴ ኮይሮታዳ ኢዛ ናያ ካራቤ ባቃ ዬጻሼኔ ዱራሼ ኢዛ ሞካናስ ኬዛዱስ፤ ኢዚፔ ኣቲን ሃራ ናይ ኢዛስ ባዋ።