ዬ ማጻፋ 148:8 - ጋሞ ማጻፋ

⁸ ዎልቃንኔ ሻቺ፥ ኬንቾይኔ ጉባናይ፥ ኢዛ ኣዛዞ ፖሊዛ ጎቴ ጫርኮቲ ኡባቲካ ኢዛ ጋላቲቴ።

Geeshsha Maxaafa

⁸ Wolqqanththinne shachchi, kenchchoynne gubbanay, iza azazo poliza gote carkoti ubbatikka iza galatite.

ዬ ማጻፋ 148:8 ပူးပေါင်းရင်းမြစ်များ

ሜቴ ማጻፋ 19:24

ሄ ዎዴ ጎዳይ ታማኔ ጹጊዛ ዲኔ ሶዶሜ ቦላኔ ጋሞራ ቦላ ሳሎፔ ቡኪሲዴስ።

ኢዮቤ ማጻፋ 37:12

ጎዳ ካሌን ሻራቲ ቢታ ዩሾን ዩዬቴስ፤ ባንታና ማዲዛ ኣዛዞታካ ፖሌቴስ።

ዬ ማጻፋ 103:20

ኢንቴኖ ኢዛ ኪታንቻቶ! ኢዛ ኣዛዞ ፖሊዛ ዎልቃማቶ! ኢዚ ጊዛይሳ ኤዝጊዛይቶ! ጎዳ ጋላቲቴ።

ዬ ማጻፋ 18:12

ኢዛ ሲንን ዴኢዛ ጊታ ፖኦዛፔ ሻቺኔ ዎልቃን ኬኢዴስ፤ ፒ ጊዳ ሻራካ ካን ኬኢዴስ።

ኬሳ ማጻፋ 10:13

ሙሴይ ባ ኦይኪዳ ጉፋ ጊብጼ ቢታ ቦላ ቁ ሂስቲ ዴንን፥ ሄ ዎዴ ጋላሲኔ ቃማ ጎዳይ ኣርሼይ ሞኪዛ ባጋፌ ዎልቃማ ጫርኮ ቢታ ኡባ ቦላ ዬዲዴስ፤ ጋዴይ ዎንቲሺን ሄ ጫርኮይ ቦሌ ኤኪ ዪዴስ።

ኬሳ ማጻፋ 10:19

ጎዳይካ ኣርሼይ ሞኪዛ ባጋራ ዪዳ ጫርኮዛ ኣርሼይ ዉሊዛ ባጋራ ዪዳ ዎልቃማ ጫርኮን ላሚን ቦሌዛ ቶኪ ኤኪ ኤፊዲ፥ ዞኦ ኣባን ዬጊዴስ። ጊብጼ ቢታ ኩሜን ኢሲ ቦሌይካ ኣቲቤና።

ኬሳ ማጻፋ 14:21

ሄሳፌ ጉዬ ሙሴይ ኣባ ቦላን ባ ኩሼ ፒዲሲዴስ፤ ጎዳይ ሄ ጋላሳ ኦማርስ ኩሜ ኣርሼይ ሞኪዛ ባጋፌ ዎልቃማ ጫርኮ ዬዲዲ፥ ኣባ ሻኪ ሻኪዲ ሜላ ቢታ ኬሲዴስ። ሃይካ ናምኣን ሻኬቲዴስ።

ኢሳያሳ ቲንቢቴ 66:16

ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

ኢዩኤሌ ቲንቢቴ 2:30

ሳሎኒኔ ሳኣን ማላሊሲዛ ሚሻታ ታ ቤሳና፤ ሱ፥ ታማይኔ ጩዋ ቱሲ ቤታና።

ሌዌታ ማጻፋ 10:2

ኢስቲ ቆፖንታ ጾሳ ኣቻፌ ዪዳ ታማይ ኢስታ ሚዳ ጊሻስ ኢስቲ ጎዳ ሲንን ሃይቂዳ።

ኣሞጼ ቲንቢቴ 4:13

ዙማታ ኦዳዴይ ጫርኮታ ሜዳዴይ ባ ቆፒዳይሳ ኣሳስ ቆንጪሲዛይ ጋላሳ ፖኦ ጌዴ ማን ላሚዛይ ቢታ ቦላ ቃሶሆን ሄሜቲዛይሳ ሱንይ ጎዳ ሳሎ ጾሳ።

ኣሞጼ ቲንቢቴ 7:4

ኡባፌ ዎልቃማ ጎዳይ ታና ኣጁታ ቤሲዴስ፤ ጎዳይ ቃጻያናስ ታማ ፒርዳ ዬዲዴስ፤ ታማዚካ ዎጋ ጊታ ኣባ ሚቺዲ ቢታ ሙስ ኦይኪዴስ።

ዮናሳ ቲንቢቴ 1:4

ማርካቤዚ ቢሺን ጎዳይ ኣባ ቦላ ጎቴ ጫርኮ ዴንን ኣባ ዳምባላይ ኬሂ ዳሪዳ ጊሻስ ማርካቤዚ ሜቃና ጋኪዴስ።

ዮናሳ ቲንቢቴ 1:5

ሂስቲን ማርካቤዛን ዲዛ ኣሳይ ባቢዳ ጊሻስ ዉሪካ ባ ጾሳኮ ዋሲዴስ፤ ቃሴ ማርካቤዚ ካዉያና ማላ ኢዛ ጊዶን ዲዛ ጫና ዴንዲ ኣባን ኦሊዳ፤ ጊዲኮካ ዮናሲ ማርካቤዛስ ጋርሳ ኪፊሌ ዎዲ ሄን ዴጾ ስኮ ዎዴስ።

ታይቦ ማጻፋ 16:35

ቃሴካ ጎዳይ ሳሎፔ ታማ ዬዲዲ ኤጻኔ ጩዋሲዛ 250 ኣሳ ጹጊዴስ።

ኢያሶ ማጻፋ 10:11

ቤቲ-ሆሮኔፔ ዱጌ ኣዜቄ ኤፊዛ ኦጌ ኦይኪዲ ኢስቲ ኢስራኤሌ ኣሳ ሲንፌ ባቃቲሺን ጎዳይ ዎልቃማ ሻች ሳሎፔ ኢስታ ቦላ ቡኪሲዴስ። ሂስቲን ኢስራኤሌ ኣሳይ ማሻን ዎዳ ኣሳፔ፥ ሻቻይ ዎዳ ኣሳይ ኬሂፔ ዳሮ።

ዮሃኒሳ ኣጁታ 16:21

ኢሲ ኢሲ ሻቺ ኦይዱ ታማኔ ኢቻሹ ኪሎ ጊዲዛ ሻቺ ሳሎፔ ዱጌ ኣሳ ቦላ ዎዴስ፤ ቦሻዚ ዳሮ ኢታ ጊዲዳ ጊሻስ ኣሳይ ሄ ሻቻ ቦሻ ጋሶን ጾሳ ጫዪዴስ።