ዬ ማጻፋ 14:5 - ጋሞ ማጻፋ

⁵ ጊዶ ኣቲን ጾሲ ጺሎ ኣሳታራ ዴኢዛ ጊሻስ ኢታ ኣሳቲ ሄሳን ዳጋማና።

Geeshsha Maxaafa

⁵ Gido attiin Xoossi xillo asatara de7iza gishshas iita asati hessan dagammana.

ዬ ማጻፋ 14:5 ပူးပေါင်းရင်းမြစ်များ

ኣስቴሪ ማጻፋ 8:7

ሄሳፌ ጉዬ ካዎ ኣርጼኪሲሲ ጎዳቶ ኣስቴሪሲኔ ኣይሁዳ ኣስ ማርዲኪዮሳስ፥ «ሃማይ ኣይሁዳታ ዎናስ ኣዋጃ ኬሲዳ ጊሻስ ታኒ ሚ ኮጫ ቦላ ኢዛ ካቂሲዳይሳኔ ኢዛ ሃሮካ ኡባ ጎዳቶ ኣስቴሪስ ኢሚዳይሳ ኢንቴ ኤሬታ።

ዬ ማጻፋ 112:2

ኢዛ ናይቲ ቢታን ዎልቃማ ጊዳና፤ ሱሬ ኣሳታ ዬሌታይ ኣንጄታና።

ዬ ማጻፋ 22:30

ቡሮ ያና ዬሌታይ ኢዛስ ኦና፤ ሄ ዬሌታይ ካሊ ዪዛ ዬሌታስ ጎዳ ኦሶ ዮታና።

ዬ ማጻፋ 24:6

ጾሳኮ ጼሊዛ ኣሳይኔ ያቆቤ ጾሳ ሲን ኮይዛ ኣሳይ ሄይታንታ ማላ።

ዬ ማጻፋ 46:11

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

ዬ ማጻፋ 46:5

ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

ዬ ማጻፋ 46:7

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

ዬ ማጻፋ 53:5

ጾሲ ባ ኣሳ ሞርኪዛይታ ሜቄ ላላና፤ ኢስቲ ካሴ ዳጋሚ ኤሮንታ ዳጋማ ዳጋማና። ጾሲ ኢስታ ካዳ ጊሻስ ኢስቲ ዬላታና፤

ዬ ማጻፋ 73:15

ታኒ ኢስቲ ሃሳይዛይሳ ማላ ሃሳያና ቆፒዳኮ ኔ ዴራስ ታ ኣማኔቶንታ ኣስ ጊዳና።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ሌሚሶ ማጻፋ 28:1

ኢታ ኣሲ ኦኒካ ዬዴንታ ባቃቴስ፤ ጊዶ ኣቲን ጺሎይ ጋሞ ማላ ዎዚና ኩሜ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 8:10

ኦላስ ዞሬቲቴ፤ ጊዶ ኣቲን ኢንቴስ ሱሬና፤ ሃልቾ ኬሲቴ፤ ጊዶ ኣቲን ኢንቴስ ሚኔና። ጋሶይካ ጾሳይ ኑናራ ዴስ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

1ሳሜላ ማጻፋ 14:15

ጉታ ጊዶን ዴራ ቦላኒኔ ጎሻታ ቦላን ሺሮይ ዴንዲዴስ፤ ካምቤ ናጊዛይቲኔ ዳፋ ጋዛይቲ ኡባይ ኮኮሪዳ፤ ቢታይካ ቃጺዴስ። ሄ ሺሮዚካ ጾሳፌ ኪቴቲዴስ።