ዬ ማጻፋ 13:2 - ጋሞ ማጻፋ

² ኣዉዴ ጋካናስ ታኒ ታ ቆፋራ ባጼታኔ? ኣዉዴ ጋካናስ ታ ዎዚናይ ጬጪሼ ዳኔ? ታ ሞርኬቲ ታ ቦላ ኣዉዴ ጋካናስ ጎባኔ?

Geeshsha Maxaafa

² Awude gakkanaas tani ta qofara baaxetanee? Awude gakkanaas ta wozinay ceecishe daanee? Ta morkketi ta bolla awude gakkanaas goobanee?

ዬ ማጻፋ 13:2 ပူးပေါင်းရင်းမြစ်များ

ኣስቴሪ ማጻፋ 7:6

ኣስቴራካ፥ «ኑ ባልጋራኔ ኑ ሞርኬ ጊዲዳ ሃ ኢታ ኣስ ሃማ» ጋዱስ። ሄ ዎዴ ሃማይ ካዎዛ ሲንኒኔ ጎዳቴይ ሲንን ኬሂ ዳጋሚዴስ።

ኢዮቤ ማጻፋ 10:15

ታ ናጋራ ኦዳኮ ኤሶራ ሜቶ ጊዶን ኩንዳና፤ ሎኦ ሚሽ ኦዳ ጊዲኮካ ጋላቴቲኬ፤ ታ ጊልቂን ዬላይ ታና ጋኪዴስ።

ዬ ማጻፋ 10:18

ኦኒካ ኢስታ ያሺሶንታ ማላ ማዶይ ባይንዳይታሲኔ ዪኦታስ ኔ ፒርዳ።

ዬ ማጻፋ 116:3

ሃይቆይ ዎጺማዴ ማላ ታና ዶዲ ኦይኪዴስ፤ ዱፎን ጌሎይ ታና ሂርጊሲዴስ። ጬጬይኔ ኡንኦይ ታና ቶሊ ኦይኪዴስ።

ዬ ማጻፋ 17:9

ኡንኤዛ ኢታታፔኔ ዶዲ ኡቲዳ ዎልቃማ ሞርኬታ ኩሼፔ ኔ ታና ኣሻ።

ዬ ማጻፋ 31:18

ጺሎዛ ቦላ ኦቶሮን፥ ካኒኔ ጻላቴን ሃሳይዛ ጊሻስ ዎርዳንቻታ ዶና ዱዲሳ።

ዬ ማጻፋ 38:17

ታኒ ኩንዳና ማታዲስ፤ ታ ሳኮይካ ፓጾንታ ኢጺዴስ።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

ዬ ማጻፋ 6:4

ኣቤት ጎዳዉ! ኔኒ ሲማዳ ታና ኣሻ፤ ኔ ማሮቴ ዳሮን ታና ኬሳ ኤካ።

ዬ ማጻፋ 7:2

ኔኒ ታና ኣሾንታ ኣጊኮ፥ ኢስቲ ታና ጋሞ ማላ ሜንሬዲ፥ ኦኒኔ ኣሾንታሶን ፑዜሬና።

ዬ ማጻፋ 74:10

ኣቤት ጾሳዉ! ኔ ሞርኬቲ ኣዉዴ ጋካናዉ ኔ ቦላ ቂልጫኔ? ኢስቲ ኔ ሱን ሜርናስ ካሼ ዳኔ?

ዬ ማጻፋ 74:18

ኣቤት ጎዳዉ! ኔ ሞርኬቲ ኔ ቦላ ዎስቲ ቂልጪዳኮ፥ ቃሴ ኤያ ኣሳቲ ኔ ሱን ዎስቲ ካዳኮ ቆፓ።

ዬ ማጻፋ 8:2

ኔኒ ኔ ሞርኬታ ጊሻስ ኔ ባልጋራኔ ኔ ቦላ ማንዲዛይሳ ሲርጲ ኦናዉ ጉ ናይታ ዶናኒኔ ሚዛ ናይታ ዶናን ጋላታ ኩንዳሳ።

ዬ ማጻፋ 9:6

ሞርኬቲ ሜሪ ሜርናስ ይዳ፤ ኢስታ ካታማታካ ሙሌራ ቃላ ይሳዳሳ፤ ኢስቲ ሙሌራ ዶጌቲ ኣቲዳ።

ሌሚሶ ማጻፋ 15:13

ዎዚና ኡፋይሲ ሲን ፖኢሴስ፤ ዎዚና ጬጬይ ጊዲኮ ኣያና ቆሄስ።

ኤራንቻታ ማጻፋ 5:17

ኢዚ ባ ላይ ኡባ ጬጬን፥ ዋዬን፥ ዪሎኒኔ ማ ዱሳን ዉርሴስ።

ኤርማሳ ቲንቢቴ 15:18

ታ ቦላ ሃርጌይ ኣይስ ሚኒዴ? ታ ማዱንይ ኣይስ ዳሪ ዳሪ ቢዴ? ኣይስ ፓጾንታ ኢጺዴ? ኔኒ ታስ ባሌዛ ሻፋ ማላኔ ጪሚዛ ፑልቶ ማላ ኣይስ ጊዳዲ?

ኤርማሳ ቲንቢቴ 45:3

ኔኒ፥ ‹ጎዳይ ታ ሳኮ ቦላ ጬጬ ጉጂዳ ጊሻስ ታስ ኣዬ ኣና! ታኒ ዳሮ ዬኪዳ ጊሻስ ዳቡራዲስ፤ ሼምፖይካ ታስ ባዋ› ጋዳሳ» ጌስ።

ኤርማሳ ቲንቢቴ 8:18

ታ ጬጪዛ ዎዴ ታና ሚንዛይሶ! ታ ዎዚናይ ኬሂ ሜቂዴስ።

ኤርማሳ ዚላስ 1:5

ኢዚ ናጋራይ ዳሮ ጊዲዳ ጋሶን ጎዳይ ኢዚ ቦላ ሜቶ ዬጊዴስ፤ ኢዚ ሞርኬቲ ኢዞ ሃሪዳ፤ ኢዚ ናይቲካ ሞርኬታን ዲኤቲዳ፤ ኢዚ ሞርኬታስ ዱሲ ሎኢዴስ።

ኤርማሳ ዚላስ 1:9

ኢዚ ቱናቴ ኢዚ ማይኦ ቦላ ቤቲዴስ፤ ሲንፌ ኢዚ ቦላ ሃናናይሳ ኢዛ ቆፓቤኩ፤ ኢዚ ኩንዴ ዳጋንዛዝ ጊዲዴስ፤ ኢዛ፥ «ታ ጎዳ ጾሶ! ታ ሜቶቲዛ ሜቶዛ ቤኣ፤ ታ ሞርኬቲ ታና ጾኒዳ» ጋ ዎሲንካ ኢዞ ሚንዛይ ኦኒካ ቤቲቤና።

ኤርማሳ ዚላስ 5:20

ኔ ኑና ኣይስ ኡባ ዎዴ ጮኡ ጋይ? ቃሴ ኣይስ ሃይሳ ጋካናስ ኣጋጋዲ?

Maatosa 26:38

ሄሳፌካ፥ «ታ ሼምፖያ ሃይቃና ጋካናስ ዳሮ ሙዞታዱስ፤ ታናራ ሚኒዲ ሃኒን ታኪቴ» ጊዴስ።

ሉቃሳ ሚሺራቾ 22:53

ጋላስ ጋላስ ታ ኢንቴናራ ጾሳ ኬን ዲሺን ታ ቦላ ኩሼ ዎቤኬታ፤ ሃይሲ ማይ ካዎቲዳ ኢንቴ ዎዴ» ጊዴስ።

ዮሃኒሳ ሚሺራቾ 16:6

ጊዶ ኣቲን ሃይሳ ዉርሳ ታ ኢንቴስ ዮቲዳ ጊሻስ ኢንቴ ዎዚናይ ሙዞቴስ።

ኦሮሜ ኣሳስ 9:2

ታስ ዎዚናፔ ኪቾንታ ጊታ ቆፋይኔ ሚሻይ ዴስ።

ፒሊጲሲዮሴ ኣሳስ 2:27

ቱማፔካ ኢዚ ሃርጊዲ ሃይቂሼ ኣቲዴስ፤ ጊዶ ኣቲን ጾሲ ኢዛ ማሪዴስ፤ ታ ካሴ ሙዞቲዛይሳ ቦላ ሃራ ሙዞይ ጉጄቶንታ ማላ ታናካ ማዲዴስ።

1ሳሜላ ማጻፋ 18:29

ሳኦሊ ካሴፔ ኣ ባቢዴስ፤ ሃይቃናሼ ጋካናስ ኢዛስ ሞርኬ ጊዲዴስ።

1ሳሜላ ማጻፋ 24:19

ባ ሞርኬ ዴሚዲ ኢዛ ቦላ ቆሆ ጋንታ ዲሼ ዬዲዛይ ኦኔ? ኔኒ ሃች ታስ ኦዳ ኪያቴ ኩሼ ጎዳይ ኔስ ዛሮ።