ዬ ማጻፋ 11:1 - ጋሞ ማጻፋ

¹ ጎዳይ ታኒ ባቃታ ኣቲዛሶ፤ ሂስቲን ኢንቴ ታና ኣይስ፥ «ኔኒ ካፎ ማላ ፑዴ ዙማ ቦላ ባቃታ» ጌቲ?

Geeshsha Maxaafa

¹ GODAY tani baqata attizaso; histtiin intte tana ays, «Neni kafo mala pude zuma bolla baqata» geetii?

ዬ ማጻፋ 11:1 ပူးပေါင်းရင်းမြစ်များ

2ታሪኬ ማጻፋ 14:11

ሄሳፌ ጉዬ ኣሲ ጎዳ ባ ጾሳ፥ «ኣቤት ጎዳዉ! ዎልቃይ ባይንዳ ኦላንቻቲ ዎልቃማ ኦላንቻታ ጾናና ማላ ማዲዛይ ኔፔ ኣቲን ሃራይ ባዋ! ኣቤት ጎዳዉ ኑ ጾሳዉ! ኑኒ ኔናን ኣማኔቲዲ ሃ ጮራ ኦላንቻታራ ኔ ሱንን ኦሌታናስ ዪዳ ጊሻስ ኑና ማዳ። ኣቤት ጎዳዉ! ኔኒ ኑ ጾሳ፤ ኔና ኣሲ ጾኔና» ጊዲ ዎሲዴስ።

2ታሪኬ ማጻፋ 16:8

ቶጵያ ኣሳቲኔ ሊቢያ ኣሳቲ፥ ጮራ ፓራ-ጋሬቲኔ ፓራቲ ዴኢዛ ዳሮ ኦላንቻታ ጊዴቴኔ? ጊዶ ኣቲን ኔኒ ጎዳን ኣማኔቲዳ ጊሻስ ጎዳይ ኢስታ ኔ ኩሼን ኣ ኢሚዴስ።

ናሂሚያ ማጻፋ 6:11

ጊዶ ኣቲን ታኒ፥ «ታ ማላ ኣሲ ባቃቲ ቆቴቲ ኤሪዜ? ታ ማላ ኣሲ ባ ሼምፖ ኣሻና ጊዲ ጾሳ ኬ ጌሊ ቆቴታና ቤሲዜ? ሃይሳ ኡባካ ታ ሃኒኬ!» ጋ ዛራዲስ።

ዬ ማጻፋ 16:1

ኣቤት ጎዳዉ! ታ ባቃታ ኣቲዛሶይ ኔና፤ ኔ ኪኦን ታና ቆታ።

ዬ ማጻፋ 25:2

ኣቤት ታ ጾሳዉ! ታኒ ኔናን ኣማኔታይስ፤ ታና ዬላሶፓ፤ ታ ሞርኬቲካ ታ ቦላ ጬቄቶፌቶ።

ዬ ማጻፋ 31:14

ጊዶ ኣቲን ጎዳዉ! ታኒ ኔናን ኣማኔታዳ፥ «ኔኒ ታ ጾሳ» ጋይስ።

ዬ ማጻፋ 56:11

ታኒ ሄ ጾሳን ኣማኔቲዛ ጊሻስ ባቢኬ፤ ኣሲ ታና ኣይ ኦኔ?

ዬ ማጻፋ 7:1

ኣቤት ጎዳዉ! ታ ጾሳዉ ኔኒ ታስ ቆቴቲዛሶ፤ ታና ጎዲዛ ኡባፌ ኔኒ ታና ኣሻ።

ዬ ማጻፋ 7:2

ኔኒ ታና ኣሾንታ ኣጊኮ፥ ኢስቲ ታና ጋሞ ማላ ሜንሬዲ፥ ኦኒኔ ኣሾንታሶን ፑዜሬና።

ዬ ማጻፋ 9:10

ኔ ሱን ኤሪዛይቲ ኔናን ኣማኔቴቴስ፤ ኣይስ ጊኮ ጎዳዉ! ኔኒ ኔና ኮይዛይታ ዬጋ ኣጋቤካ።

ሌሚሶ ማጻፋ 6:5

ሻንካንቻታፔ ጌኔሲ ኬሲ ኤኪ ኣቲዛ ማላ፥ ያርዴን ኦይኬቶንታ ኣቲዳ ካፎ ማላ ኔና ኣሻ።

ኤርማሳ ቲንቢቴ 48:14

«ኢንቴ፥ ‹ኑኒ ሚኖ ኦላንቻታ› ጋናስ ዋኒ ዳንዳይዴቲ?

ሉቃሳ ሚሺራቾ 13:31

ሄ ዎዴ ፋርሳዌታፔ ኢሲ ኢሲ ኣሲ ዪዲ፥ «ሄርዶሲ ኔና ዎናስ ኮይዛ ጊሻስ ሃይሳፌ ዴንዳ ኪቻ» ጊዳ።

1ሳሜላ ማጻፋ 19:11

ሳኦሊ ዳዊቴ ኬ ዩዪ ኣዲ ኢዛ ዎና ኣሳታ ኪቲዴስ፤ ዳዊቴ ማቻ ሚልኮላ ጊዲኮ፥ «ኔኒ ኔ ሼምፖ ኣሻናስ ባቃቶንታ ኣጊኮ ዎንቶ ሃይቃሳ» ጋዳ ሚን ዮታዱስ።

1ሳሜላ ማጻፋ 20:38

ኢዚካ፥ «ኤሌላ! ዎጻ! ኤቆፋ!» ጊ ዋሲ ዮቲዴስ፤ ናዚካ ዪሻታ ሺሺዲ ባ ጎዳኮ ሲሚዴስ።

1ሳሜላ ማጻፋ 22:3

ዳዊቲ ሄፔ ዴንዲዲ ሞኣቤ ዴሬን ዲዛ ሚጺጳ ቢዴስ፤ ሞኣቤ ካዎስ፥ «ጾሲ ታስ ኦናይሳ ታ ኤራና ጋካናስ ታ ኣዋይኔ ታ ኣያ ሃ ዪዲ ኔ ኣቻን ዳና ማላ ፒቃዴ ኢማርኪ!» ጊዴስ።

1ሳሜላ ማጻፋ 23:14

ዳዊቲ ባዞን ዲዛ ሚጻታኒኔ ዚፌ ባዞን ዙምቡላታ ቦላ ዴኢዴስ፤ ሳኦሊ ኢዛ ኡባ ጋላስ ካሌቴስ፤ ጊዶ ኣቲን ጾሲ ዳዊቴ ኢዛስ ኣ ኢሚቤና።

1ሳሜላ ማጻፋ 27:1

ዳዊቲ ጊዲኮ ባ ዎዚናራ፥ «ሃ ጋላሳታፔ ኢሲ ጋላስ ሳኦሌ ኩሼን ሃይቆይ ታስ ኣቶንታ ጊሻስ ፊሊስጼሜ ዴሬ ባቃታይ ታና ኣሻና፤ ሄሳፌ ጉዬ ሳኦሊ ታና ኢስራኤሌ ጋርሳፌ ጎዲዛይሳ ኣጋጋና፤ ታኒካ ኢዛ ኩሼፔ ኬሳ ኤካና» ጊ ቆፒዴስ።