ዬ ማጻፋ 107:2 - ጋሞ ማጻፋ

² ጎዳይ ኢስታ ዎዚዳይቲ፥ ኢስታ ሞርኬታ ኩሼፔ ኢዚ ኣሺዳይቲ ሂዝጌቶ፤

Geeshsha Maxaafa

² GODAY istta wozzidayti, istta morkketa kusheppe izi ashshidayti hizgetto;

ዬ ማጻፋ 107:2 ပူးပေါင်းရင်းမြစ်များ

ጋላቲያ ኣሳስ 3:13

«ሚ ቦላ ካቄቲዛ ኣሲ ቃንጌቲዳዴ» ጌቴቲ ጻፌቲዳ ጊሻስ ኪርስቶሲ ኑ ጊሻስ ቃንጌቲዳዴ ጊዲዲ ኑና ዎጋ ቃንጌፌ ዎዚዴስ።

ዬ ማጻፋ 106:10

ኢዚ ኢስታ ኢጺዛይታ ኩሼፔ ኣሺዴስ፤ ሞርኬታ ኩሼፔ ኢስታ ዎዚዴስ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ዬ ማጻፋ 31:5

ኣቤት ጎዳዉ ቱሙ ጾሳዉ! ታኒ ታ ሼምፖ ኔ ኩሼን ሃዳራ ኢማይስ፤ ኔኒ ታና ዎዛ።

ሉቃሳ ሚሺራቾ 1:68

«ዪዲ ባ ኣሳ ኣሺዳ ጊሻስ ኢስራኤሌ ጾሲ ጋላቴቶ።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኢሳያሳ ቲንቢቴ 35:9

ሄን ጋሞይ ዴኤና፤ ዳፊ ሚዛ ዶኣይካ ኢዛን ኬዜና፤ ሄይታንቲ ሄን ቤቴቴና፤ ዎዜቲዳይቲ ጻላ ሄራ ባና።

ኢሳያሳ ቲንቢቴ 43:1

ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

ኤርማሳ ቲንቢቴ 15:21

ኢታታ ኩሼፔ ታኒ ኔና ዎዛና፤ ሜንጼ ኢታታ ቆሆፔካ ታ ኔና ኣሻና» ጌስ።

ኢሳያሳ ቲንቢቴ 62:12

ኢስቲ፥ «ጎዳይ ዎዚዳ ጌሻ ዴሬታ፤ ኔካ ዬጌታ ኣቶንታሮ ኮዬቲዛ ካታማዮ» ጌቴታና።

ዛሬ ማጻፋ 7:8

ጊዶ ኣቲን ጎዳይ ኢንቴና ሲቂዳ ጊሻሲኔ ካሴ ኢንቴ ኣዋታስ ጌሊዳ ሂዶታ ቃላ ናጋናስ ኮዪዳ ጊሻስ ኢዚ ኢንቴና ጊብጼ ካዎስ ኣይሌቴን ዲዛ ጊብጼ ቢታፌ ባ ጊታ ዎልቃን ዎዚዲ ኬሲዴስ።

ኤርማሳ ቲንቢቴ 31:11

ጋሶይካ ጎዳይ ያቆቤ ዎዛና፤ ኢዛፔ ሚኒዛይታ ኩሼፔ ኢዛ ኬሲ ኤካና።

ዛሬ ማጻፋ 15:15

ኢንቴካ ካሴ ጊብጼ ቢታን ኣይሌ ጊዲዳይሳኔ ጎዳ ኢንቴ ጾሳይ ኢንቴና ሄፔ ዎዚዳይሳ ዶጎፕቴ፤ ታኒ ኢንቴና ሃች ኣዛዚዛይ ሄሳሳ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ሉቃሳ ሚሺራቾ 24:21

ኑኒ ጊዲኮ፥ « ‹ኢስራኤሌ ዎዛናይ ኢዛ› ጊዲ ኡፋዬቲዶሲሺን ሃራፔካ ሄሲ ሃኒን ቃሴ ሃች ሄን ጋላሳ።

ኢሳያሳ ቲንቢቴ 63:4

ታኒ ሃሎ ኬሳና ጋላሳይ ታ ዎዚናን ዴስ፤ ታ ዎዛና ጋላሳይካ ጋኪዴስ።

ዬ ማጻፋ 130:8

ኢዚ ኢስራኤሌ ኣሳ ኢስታ ናጋራ ኡባፌ ኣሻና።

ሚኪያሳ ቲንቢቴ 4:10

ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።