ዬ ማጻፋ 106:5 - ጋሞ ማጻፋ

⁵ ሄሲካ ኔ ዶሪዳ ኣሳስ ሳኣይ ኪዪን ታኒ ቤያና ማላ፥ ኔ ኣሳ ኡፋይሳ ታኒ ኡፋዬታና ማላ፥ ኔ ናይቲ ቦንቼቲዳ ጋሶን ታኒካ ኡፋይሳን ማጉላና ማላሳ።

Geeshsha Maxaafa

⁵ Hessika ne doorida asaas sa7ay kiyiin tani beyana mala, ne asaa ufayssa tani ufayettana mala, ne nayti bonchchettida gaason tanikka ufayssan magulana malassa.

ዬ ማጻፋ 106:5 ပူးပေါင်းရင်းမြစ်များ

ዬ ማጻፋ 105:43

ኢዚ ባ ኣሳ ኡፋይሳን፥ ባ ዶሪዳይታ ኢሊሊሳን ኬሲዴስ።

ኤፌሶኔ ኣሳስ 1:18

ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።

ዮሃኒሳ ሚሺራቾ 15:16

ታ ኢንቴና ዶራዲስ ኣቲን ኢንቴ ታና ዶሪቤኬታ፤ ኢንቴ ቢዲ ዳሮ ኣይፌ ኣይፋና ማላ ኢንቴ ኣይፌይ ኤቂ ዳና ማላ ታ ኢንቴና ዎዲስ፤ ሄሳ ጊሻስ ኢንቴ ታ ሱንን ዎሲዳይሳ ኡባ ታ ኣዋይ ኢንቴስ ኢማና።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ሶፎናሳ ቲንቢቴ 3:14

ሃኔ ጺዮኔ ናዬ ኣኔ ዬጻ! ኢስራኤሌ ኣሳዉ ኣኔ ኢሊሊቴ! ሃኔ ዬሩሳላሜ ናዬ! ኩሜ ዎዚናፔ ኡፋዬታ! ኡፋዬታሼ ሃሹ ጋ!

ኢሳያሳ ቲንቢቴ 66:10

«ኢንቴኖ ዬሩሳላሞ ሲቂዛ ኡባቶ፥ ኢዚራ ኡፋዬቲቴ፤ ኢንቴ ኢዚራ ሆምቦጪቴ፤ ኢዚስ ዬኪዳ ኡባቲ ኢዚራ ኬሂ ኡፋዬቲቴ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ዬ ማጻፋ 1:3

ሄሳዴይ ጎጊዛ ሃ ኣቻን ቶኬቲዲ፥ ሃይካ ቆኮንታ ዎዴን ዎዴን ኣይፌ ኣይፊዛ ሚ ማላ፤ ኢዚ ኦዛ ኡባይ ኢዛስ ሃኔስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

2ታሶሎንቄ ኣሳስ 2:13

ጎዳን ዶሴቲዳ ታ ኢሻቶ! ኑ ጊዲኮ ኡባ ዎዴ ኢንቴ ጊሻስ ጾስ ጋላታናስ ኑስ ቤሴስ፤ ጋሶይካ ጾሲ ኢንቴና ኮይሮፔ ኦይኪዲ ኢንቴ ጺሎ ኣያናን ዱማቲዳይታኔ ቱሙ ኣማኒዲ ኢንቴ ኣታና ማላ ኢንቴና ዶሪዴስ።

ፒሊጲሲዮሴ ኣሳስ 3:3

ቱሙ ቃጻሬቲዳይቲ፥ ጾስ ዎሲዛይቲ፥ ዬሱስ ኪርስቶሳን ጬቂዛይቲ፥ ኣሾን ጬቄቶንታይቲኔ ኣሾንካ ኣማኔቶንታይቲ ኑና።

ኤፌሶኔ ኣሳስ 1:4

ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ።

ዮሃኒሳ ሚሺራቾ 16:22

ሄሳ ኢንቴካ ሃኢ ሙዞቴታ፤ ቃሴ ታ ኢንቴና ቤያና ኢንቴ ዎዚናይካ ኡፋዬታና፤ ኢንቴ ኡፋይሳ ዛሪ ኤካናዴይ ዴና።

ኢዩኤሌ ቲንቢቴ 2:23

ኢንቴኖ ጺዮኔ ዴሬቶ፥ ጎዳን ኢንቴ ጾሳን ኡፋይሲ ኦቴ፤ ኢዚ ቱሙ ፒርዲዲ ባሳ ኢራኔ ኦፊን ኢራ ዎጋራ ኢሚዴስ።

ኢሳያሳ ቲንቢቴ 45:25

ጊዶ ኣቲን ኢስራኤሌ ዜሬ ኡባይ ጎዳን ጺላና፤ ቦንቾካ ዴማና።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

ዬ ማጻፋ 118:15

ጺሎታ ዱንካኔ ጊዶን ጾኖ ኢሊሊሲኔ ኡፋይሳ ዬ፥ «ጎዳ ኡሻቻ ኩሼይ ዎልቃማ ሚሽ ኦዴስ!» ጊሼ ሴቴቴስ።

ዬ ማጻፋ 48:11

ኔ ፒርዳ ጊሻስ፥ ጺዮኔ ኣሳይ ኡፋዬቴስ፤ ዩሁዳ ካታማቲካ ኡፋይሳን ሆምቦጬቴስ።

ዬ ማጻፋ 14:7

ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

ዛሬ ማጻፋ 7:6

ጋሶይካ ጎዳ ኢንቴ ጾሳይ ኢንቴና ባስ ጊዳና ማላ ዶሪዳ ዱማ ዴሬ፤ ቢታ ቦላ ዲዛ ዴሬ ኡባፌ ኢንቴ ኢዛስ ዱማ ዴሬ ጊዳና ማላ ዶሬቲዴታ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

ያቆቤ ኪታ 2:5

ታ ሲቆ ኢሻቶ! ኣኔ ሲዪቴ፤ ኢስቲ ኣማኖን ዱሬታ ጊዳና ማላ ጾሲ ባና ዶሲዛይታስ ሂዶታ ኢስታስ ኢሚዳ ካዎቴ ኢስቲ ላታና ማላ ሃይሳ ሃ ኣላሜዛን ዲዛ ማንቆታ ዶሪቤኔ?

ሃዋሬታ ኦሶ 9:15

ጎዳይካ ኢዛስ፥ «ኔ ባ! ሃይሲ ኣዴዚ ኣይዛቤታ ሲንኒኔ ካዎታ ሲንን ሄሳካ ኢስራኤሌ ዴሬ ሲንን ታ ሱን ቶካና ማላ ኢዚ ታስ ዶሬቲዳይሳ።

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

2ሳሜላ ማጻፋ 20:19

ሄ ካታማያ ጊታ ካታማ፤ ኢስራኤሌን ሳሮይ ኩሚዳራኔ ኣማኔቲዳ ካታማያ ኢዞ፤ ሂስቲን ኔኒ ኢስራኤሌን ኣዮ ጊዲዳሮ ይሳና ኮያሳ። ጎዳ ጺንጾዮ ሚታናስ ኣይስ ኔ ኮያይ?» ጋዱስ።