ሌሚሶ ማጻፋ 24:23 - ጋሞ ማጻፋ

²³ ኣ ኤራንቻቲ ጉጂዲካ ሃይሳ ጊዳ፤ ፒርዲሼ ማዶ ፒርዳይ ሎኦ ጊዴና።

Geeshsha Maxaafa

²³ Aadho eranchchati gujjidikka hayssaththo gida; Pirdishe maado pirday lo7o gidenna.

ሌሚሶ ማጻፋ 24:23 ပူးပေါင်းရင်းမြစ်များ

2ታሪኬ ማጻፋ 19:7

ሃኢካ ኢንቴ ጎዳስ ያዪቴ፤ ጎዳ ኑ ጾሳ ማታን ናቆ ፒርዳይ፥ ማዶ ፒርዳይኔ ማታኤ ሙሲ ባይንዳ ጊሻስ ኢንቴ ኦዛ ኡባን ናጌቲዲ ኦቴ» ጊዴስ።

ኢዮቤ ማጻፋ 13:8

ኢዛ ቤሶንታ ኦጌራ ማዴቲ? ኢዛስ ጻባቃ ኤቃንዴቲ?

ዬ ማጻፋ 107:43

ኤራ ኣሲ ሃ ዮኦዛ ባ ዎዚናን ዎ፤ ኢዚካ ጎዳ ማሮቴ ኣኬኮ።

ሌሚሶ ማጻፋ 1:6

ሄሳ ማላን ሌሚሶታኔ ኢስታ ቢርሼታ፥ ኣ ኤራንቻታ ሃሳያኔ ኢስታ ማሌ ኣኬካናስ ዳንዳዬቴስ።

ሌሚሶ ማጻፋ 18:5

ኢታ ኣስ ማዲዲ፥ ጺሎዛ ፒርዳ ጌላሲዛይሲ ሎኦ ጊዴና።

ሌሚሶ ማጻፋ 22:17

ኣ ኤራንቻ ዞሬ ዎዚናፔ ሲያ፤ ኔ ዎዚናይካ ታ ቲሚርቴኮ ሲሞ!

ሌሚሶ ማጻፋ 28:21

ሻኪዲ ማዶይ ሎኤና፤ ጊዶ ኣቲን ኣሲ ጉ ካስ ጊዲ ሞሮ ኦስ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሌዌታ ማጻፋ 19:15

« ‹ኔኒ ፒርዳ ፒርዲዛ ዎዴ ፒርዳ ጌላሶፓ፤ ማንቆ ኢዛ ማንቆቴ ጊሻስ ማዳ ፒርዶፋ፤ ጊታ ኣሳታስ ዱማ ቦንቾ ኢሞፋ፤ ዴሬ ኣሳካ ዱማ ማዳ ፒርዶፋ፤ ኣሳ ኡባስ ቱሙ ፒርዳ ፒርዳ።

ዮሃኒሳ ሚሺራቾ 7:24

ሱሬ ፒርዳ ፒርዲቴ ኣቲን ኣሳ ኣይፌሶ ጼሊዲ ማዶ ፒርዳ ፒርዶፍቴ» ጊ ዛሪዴስ።

ዛሬ ማጻፋ 1:17

ኢንቴ ጌላ ፒርዳ ፒርዶፍቴ፤ ጉ ጊዲን ጊታ ጊዲን ማዶ ፒርዳ ፒርዶፍቴ፤ ፒርዳይ ጾሳስ ጊዲዳ ጊሻስ ኣይ ኣሳስካ ባቦፍቴ፤ ኢንቴፌ ቦላ ጊዲዳይሳ ኡባ ታኮ ኤሂቴ፤ ሄሳ ታኒ ፒርዳና› ጋዲስ።

ዛሬ ማጻፋ 16:19

ፒርዳ ጌላሶፓ፤ ኣሳ ኣይፌሶ ቤያዳ ማዳ ፒርዶፋ፤ ባሌፋ፤ ማጋንጾ ሞፓ፤ ጋሶይካ ማጋንጾይ ኣ ኤራንቻታ ኣይፌ ቆቂሴስ፤ ጺሎታ ቃላካ ቦኪሴስ።

ያቆቤ ኪታ 3:17

ሳሎፔ ጊዲዳ ኤራቴያ ጊዲኮ ኮይሮ ጌሻ፤ ጉዬፔካ ሳሮቴ ዶሲዛሮ፥ ዳንዳይዛሮ፥ ኤሮ ጊዛሮ፥ ማሮቴኔ ሎኦ ኣይፌይ ኩሚዳሮ፤ ቃሴ ዎርዶ ማዶንታሮኔ ኡሎን ጌኔይ ባይንዳሮ።

1ጴጽሮሳ ኪታ 1:17

ኦናካ ዱማ ሻኪ ማዶንታ ኢሳስ ኢሳስ ኢዛዴ ኦሶ ማላ ፒርዲዛ ጾሳ፥ «ኢዚ ኑ ኣዋ» ጊዲ ኢንቴ ጼይጊኮ ሃይሳ ኣላሜዛን ኢንቴ ኢማኔ ቤቴ ኣስ ጊዲዲ ዲዛ ዎዴ ኡባን ኢዛስ ባቢቴ።