4 ኣሽኬቴኔ ጎዳስ ያሺ፥ ዱሬቴ፥ ቦንቾኔ ዴኦ ኢሜስ።
4 Ashketeththinne GODAAS yashshi, dureteth, bonchchonne de7o immees.
ጎዳስ ያሺ ዴኦስ ካሌስ፤ ሄሳ ማላ ኣሲ ዎፓን ዴስ፤ ኢታይካ ኢዛ ቦቼና።
ዎዚናማ ኣሳ ሶን ማልኦ ቁማይኔ ዛይቴይ ዳጋቲ ዴስ፤ ጊዶ ኣቲን ኤያ ኣሲ ባስ ዲዛይሳ፥ ባይንዳ ኡባ ዲፒ ሂስቲ ሜስ።
ጺሎቴኔ ሲቆ ካሊዛዴይ ዴኦ፥ ዱሬቴኔ ቦንቾ ዴሜስ።
ኣኬካንቻ ኣሲ ኢታ ቤኢዲ ኣታናስ ባቃቴስ፤ ጊዶ ኣቲን ኣኬካይ ፓጪዳ ኣሲ ሜቶን ጌሊዲ ቆሄቴስ።
ኢታ ኣሳ ኦጌን ኣጉንኔ ያርዴይ ዴስ፤ ጊዶ ኣቲን ባና ናጊዛ ኣሲ ሄሳፌ ሃኬስ።
ኦቶሮይ ኣስ ካዉሼስ፤ ጊዶ ኣቲን ኣሽኬቴ ቦንቺሴስ።
ኢዛ ኡሻቻ ኩሼን ኣዱሳ ላይ፥ ሃዲርሳ ኩሼን ኣቆታኔ ቦንቾ ኦይካዱስ።
ማላ ሎኦይ ባሌስ፤ ፑላይካ ቆኬስ፤ ጊዶ ኣቲን ጎዳስ ያዪዛ ማጫሲ ኢዛ ኣንጄቲዳሮ።
ኢዚ ኔ ዲዛ ላይ ኡባን ኣማንዛ ዮች፥ ኣቶቴ፥ ኣ ኤራቴኔ ኤራቴ ጊዳና፤ ጎዳስ ያሻቴ ሃይሳ ሃ ኣቆታታስ ቁልፔ ጊዳና።
ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።
«ታ ዎዚና ካሃይ ታኮ ሲሚን ሄራካ ታ ካዎቴስ ቦንቾይ፥ ኣዮቴኔ ቴማይ ሲሚዴስ፤ ካሴ ታና ዞሪዛይቲኔ ታ ሹሜቲ ታና ኡፋይሳን ሞኪ ኤኪዳ፤ ካሴ ታኒ ካዎቴ ኣራታን ሲማ ኡታዲስ፤ ካሴይሳፌ ቦላራ ኣ ቦንቼታዲስ።
ሃራፔ ሲንቲዲ ጾሳ ካዎቴ ጺሎቴ ኮዪቴ፤ ሃይቲ ዉሪ ኢንቴስ ጉጄታና።
ኣሳቴ ኣሾ ኦጌን ዶሲሶይ ጉ ዎዴስ ጎኤስ ሺን ቱሙ ኣያና ዱሳስ ባና ታማርሶይ ጊዲኮ ሃይሳ ሃ ኣላሜዛሲኔ ቡሮ ያና ዱሳስ ሂዶታይ ዲዛ ጊሻስ ኡባስ ጎኤስ።
ጎዳ ሲንን ኢንቴ ኢንቴና ካዉሺቴ፤ ኢዚ ኢንቴና ቁ ቁ ሂስታና።
ጊዶ ኣቲን ኢዚ ባ ኪያቴ ኑስ ጉጂ ኢሜስ፤ ማጻፋይካ፥ «ጾሲ ኦቶራንቻታራ ኤቄቴስ፤ ኣሽኬታስ ጊዲኮ ባ ኪያቴ ኢሜስ» ጊዳይ ሄሳሳ።