ሌሚሶ ማጻፋ 18:10 - ጋሞ ማጻፋ

¹⁰ ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

Geeshsha Maxaafa

¹⁰ GODAA sunththi mino gimbe mala; xillo asi hee woxxidi iitappe attees.

ሌሚሶ ማጻፋ 18:10 ပူးပေါင်းရင်းမြစ်များ

ሜቴ ማጻፋ 17:1

ኣብራሜ ላይ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንን ሱሬ ሄሜታ።

ሜቴ ማጻፋ 32:11

ታ ኔና ዎሳይስ፤ ታ ኢሻ ኤሳዌ ኩሼፔ ታና ኣሻ፤ ጋሶይካ ኢዚ ዪዲ ታናኔ ታ ናይታ ኣዬታ ኢስታ ናይታራ ይሳናኮ ጋዳ ባባዲስ።

2ሳሜላ ማጻፋ 22:2

«ጎዳይ ታስ ዛላ፥ ታስ ሚጻኔ ታና ኣሺዛዴ።

2ሳሜላ ማጻፋ 22:3

ታ ጾሳይ ታ ጌሜቲዛ ዛላ፥ ታስ ጎንዳሌኔ ኣቶቴ ካጬ፤ ኢዚ ታስ ሚኖ ሚጻ፤ ታስ ዜምፖኔ ታና ኣሺዛዴ፤ ኔ ታና ማካላንቻታፔ ኣሻሳ።

2ሳሜላ ማጻፋ 22:51

ኢዚ ካዎዛስ ጊታ ጾኖ ኢሜስ፤ ባ ቲይዳ ዳዊቴሲኔ ኢዛ ዜሬስ፥ ባ ሜርና ኪያቴ ቤሴስ።»

ዬ ማጻፋ 144:2

ኢዚ ታና ሲቂዛኔ ጌንዛ ጾሳ፤ ኢዚ ታስ ሚጻኔ ታና ኣሺዛይሳ፤ ኢዚ ታ ጎንዳሌኔ ታኒ ባቃታዳ ኣቲዛሶ፤ ካዎቴታካ ኢዚ ታስ ሃሪሲዛይሳ።

ዬ ማጻፋ 18:2

ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 20:2

ባ ኬፌ ኔስ ማዶ ኪቶ፤ ጺዮኔፔ ማዶይ ዮ።

ዬ ማጻፋ 27:1

ጎዳይ ታስ ፖኦኔ ታና ኣሺዛይሳ፤ ሂስቲን ታኒ ኦናስ ያያኔ? ጎዳይ ታ ሼምፖይስ ኣቲዛ ሚጻ፤ ሂስቲን ታኒ ኦናስ ባባኔ?

ዬ ማጻፋ 91:14

ጎዳይ፥ «ኢዚ ታና ሲቂዳ ጊሻስ ታኒ ኢዛ ኣሻና፤ ኢዚ ታ ሱን ኤሪዳ ጊሻስ ታኒ ኢዛ ናጋና።

ዬ ማጻፋ 91:2

ታኒ ጎዳ፥ «ኔኒ ታስ ዜምፖ፥ ሚጻኔ ታኒ ኔናን ኣማኔቲዛ ታ ጾሳ» ጋና።

ኬሳ ማጻፋ 6:3

ታኒ ኡባ ዳንዳይዛ ጾሳ ጊዳዳ ኣብራሃሜስ፥ ዪሳቃሲኔ ያቆቤስ ቆንጫዲስ ሺን ታኒ፥ ‹ጎዳ› ጌቴቲዛ ታ ሱንን ታናቴ ኢስታ ኤሪሳቤኬ።

ሌሚሶ ማጻፋ 14:26

ጎዳስ ያዪዛ ኣሳስ ሚኖ ሚጻይ ዴስ፤ ኢዛ ናይታስካ ባቃቲ ኣቲዛ ሶሆይ ዴስ።

ሌሚሶ ማጻፋ 29:25

ኣሳስ ያዪዛይሲ ኢዛዴስ ዎጺማዴ ጊዴስ፤ ጊዶ ኣቲን ጎዳን ኣማኔቲዛ ኣሲ ሳሮን ዴኤስ።

ኢሳያሳ ቲንቢቴ 26:4

ሜርናስ ጎዳን ኣማኔቲቴ፤ ጎዳይ ኑስ ሜርና ዛላ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ኢምባቆ ቲንቢቴ 3:19

ጎዳ ታ ጾሳይ ታስ ዎልቃ፤ ታ ቶሆታ ኢዚ ጌኔሳ ቶሆ ማላ ሚን፤ ኢዚ ታና ቃሶሆራ ሄሜና። ዬጺዛይታ ካሌዛዴስ ዬ ሚሻን ዬጼቲዳ ማዛሙሬ።

ዮሃኒሳ ኣጁታ 1:8

ካሴካ፥ ሃኢካ ዲዛይሲ ቡሮፔካ ያናይሲ ኡባ ዳንዳይዛ ጎዳ ጾሲ፥ «ኣልፋይኔ ኦሜጋይ፥ ኮይሮይኔ ዉርሴ ታና» ጌስ።

1ሳሜላ ማጻፋ 17:45

ዳዊቲ ፊሊስጼሜ ኣዴዛስ፥ «ኔኒ ጊ ማሻ፥ ቶራኔ ጺንቃ ቶራ ኤካዳ ታ ቦላ ያሳ፤ ታኒ ጊዲኮ ኔ ኢዛራ ኤቄቲዳ ኢስራኤሌ ኦላንቻታ ጾሳን፥ ኡባ ዳንዳይዛ ጎዳ ሱንን ኔ ቦላ ባይስ።

1ሳሜላ ማጻፋ 30:6

ኢዛራ ዲዛ ኣሳይ ባንታ ኣቱማ ናይታ ጊሻሲኔ ባንታ ማጫ ናይታ ጊሻስ ዪሎቲዲ ኢዛ ሹቻን ጫዳናስ ዞሬቲዳ፤ ሂስቲን ዳዊቲ ኬሂ ጬጪዴስ፤ ጊዶ ኣቲን ዳዊቲ ጎዳ ባ ጾሳን ሚኔቲዴስ።