ሌሚሶ ማጻፋ 15:8 - ጋሞ ማጻፋ

⁸ ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

Geeshsha Maxaafa

⁸ GODAY iitata yarsho shaatettees; suureta woosay gidikko iza ufayssees.

ሌሚሶ ማጻፋ 15:8 ပူးပေါင်းရင်းမြစ်များ

2ሳሜላ ማጻፋ 15:12

ኣቤሴሎሜይ ያርሾዛ ሺሺዛ ዎዴ ዳዊቴ ዞሪዛ ጊሎ ዴሬ ኣስ ኣክጾፌሌ ባ ቢታ ጊሎፔ ኢዛኮ ያና ማላ ኪቲዴስ፤ ሄሳ ጊሻስ ሴራዚ ሚኒዴስ፤ ኣቤሴሎሜ ካሊዛይታ ቆዳይ ጉጄቲ ጉጄቲ ቢዴስ።

1ካዎታ ማጻፋ 3:10

ሶሎሞኔይ ሄሳ ኦይቺዳ ጊሻስ ጎዳይ ኡፋዬቲዴስ።

1ታሪኬ ማጻፋ 29:17

«ታ ጾሳዉ! ኔኒ ዎዚና ፒልጋ ጼሊዛይሳኔ ሱሬቴ ዶሲዛይሳ ታኒ ኤራይስ፤ ታኒ ታ ሱሬ ዎዚናኒኔ ሎኦ ሼኔን ሃይሳ ኡባ ኢማዲስ፤ ሃይሳን ዲዛ ኔ ኣሳይካ ኔስ ባ ሎኦ ሼኔን ኢሚዲ ኡፋዬቲዳይሳ ታኒ ቤኣዲስ።

ዬ ማጻፋ 141:2

ታ ዎሳይ ኤጻኔ ጩዋ ማላ ኔ ሲን ሺቆ፤ ታኒ ታ ኩሼዛ ሚጪዛይሲ ኔስ ኦማርሳ ዎዴ ያርሾ ማላ ጊዶ።

ዬ ማጻፋ 17:1

ኣቤት ጎዳዉ! ታ ጺሎቴን ማጋኒዛ ማጋና ሲያ፤ ታ ዋሶዛ ኤዝጋ፤ ጪሞይ ባይንዳ ዎሲዛ ዎሳስ ዛሮ ኢማ።

ሌሚሶ ማጻፋ 10:24

ኢታ ኣስ ሂርጊዛ ሚሽ ኢዛ ቦላ ጋካና፤ ጊዶ ኣቲን ጺሎ ኣሞይ ኢዛስ ፖሌታና።

ሌሚሶ ማጻፋ 15:29

ጎዳይ ኢታታፔ ሃኮን ዴስ፤ ጊዶ ኣቲን ጺሎታ ዎሳ ሲዬስ።

ሌሚሶ ማጻፋ 15:7

ኣ ኤራንቻታ ዶናይ ኤራቴ ዜሬስ፤ ኤያታ ዎዚናይ ጊዲኮ ሄሳ ማላ ዴና።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ሌሚሶ ማጻፋ 21:3

ያርሾፌ ቦላራ ጺሎኔ ሱሬ ፒርዳ ጎዳይ ዶሴስ።

ሌሚሶ ማጻፋ 28:9

ዎጋ ሲያናፔ ባ ሃይ ዎራ ዛሪዛ ኣሳ ዎሳይ ጾሳ ሃራሴስ።

ኤራንቻታ ማጻፋ 5:1

ጾሳ ኬ ጌላሼ ኔ ቶሆ ሺሻ ኤካ፤ ሲያናስ ሺቆይ ኤያታ ያርሾፌ ኣስ፤ ኣይስ ጊኮ ኢስቲ ባንታ ኦሶይ ኢታ ጊዲዳይሳ ኤሬቴና።

Siiqo Saba 2:14

«ኔኒ ኣፎ ዶናን ዛላ ዛኣ ጊዶን ዲዛ ሃራጴይ ማላ፤ ኣኔ ኢሲቶ ኔ ኣይፌሶ ታና ቤሳ፤ ኔ ቃላ ጬንጉርሲካ ታና ሲሳ። ኣይስ ጊኮ ኔ ጬንጉርሳይ ታና ኡፋይሴስ፤ ኔ ኣይፌሶይካ ታና ሎኤስ» ጊዴስ።

ኢሳያሳ ቲንቢቴ 61:8

ታኒ ጎዳይ ሱሬ ፒርዳ ዶሳይስ፤ ቦንቃኔ ቆሆ ኢጻይስ። ታ ኣማኔቴን ኢስታስ ቤሲዛይሳ ኢማና፤ ኢስታራ ሜርና ጫቆ ቃላ ጌላና።

ኢሳያሳ ቲንቢቴ 66:3

«ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ዳኔላ ቲንቢቴ 9:23

ኔ ኬሃ ዶሴቲዳዴ ጊዲዳ ጊሻስ ኔ ቡሮ ዎሳ ዶሚሺን ጾሲ ኔ ዎሳ ሲዪዴስ፤ ታኒካ ሄሳ ኔስ ዮታና ያዲስ፤ ሄሳ ጊሻስ ሃኢ ታ ኔስ ዮቲዛይሳ ዎዚናን ዎ፤ ኣጁታዛካ ኣኬካ።

ሌዌታ ማጻፋ 7:18

ሄን ጋላስ ጋካናስ ኣቲዳ ኣይ ኣሾይካ ሜቴቲዛ ጊዲኮ ሄ ያርሾዛ ሺሺዳዴ ያርሾዚ ኤኬቴና፤ ያርሾዚ ያርሼቲዳ ማላ ቆዴቴና፤ ሄ ያርሾይካ ቱና ጊዲ ቆዴታና፤ ሄ ኣሾዛ ሚዳዴይ ባ ናጋራን ኦይሼታና።

ሚኪያሳ ቲንቢቴ 6:6

ታ ኣይ ኤካዳ ጾሳ ሲን ሺቆ? ዴኦ ጾሳስ ዎስታ ጎይኖ? ጹጌቲዛ ያርሾ ኢሲ ላይ ማራራ ጋ ኤካ ባዳ ኢዛ ሲን ሺቆሻ?

ሚኪያሳ ቲንቢቴ 6:7

ኢሲ ሺ ርሾታኔ 10,000 ጎጊዛ ዛይቴይ ጾሳ ኡፋይሳንዴሻ? ታ ኢዛ ቆሆይሳ ጊሻስ ታ ባይራ ናዛ ኢሚዛኮ ታ ሼምፖ ናጋራ ጊሻስ ታ ኡሎፔ ዎዳ ዬሎ ኢዛስ ኢሞሻ?

ሃጌ ቲንቢቴ 2:14

ሄሳፌ ጉዬ ሃጌይ፥ « ‹ሃይሲ ዴሬይኔ ሃይሳ ባጋ ኣሳይካ ሄሳ ማላ፤ ኢስታ ኦሶይኔ ኢስቲ ታስ ሺሺዛ ኢሞታይ ዉሪካ ሄሳ ማላ ታ ሲንን ቱና› ጌስ ጎዳይ።

ሚልካሳ ቲንቢቴ 1:10

«ታስ ያርሾ ያርሺዛሶን ጎኣይ ባይንዳ ታማ ኢንቴ ኤንታ ማላ ኢንቴፌ ኢሳዴይካ ጾሳ ኬ ፔንጌ ጎርዲዛኮ ኣዜ ዲዛይ! ታ ኢንቴናን ኡፋዬቲኬኔ ኢንቴ ኩሼፔ ኣይ ያርሾካ ኤኪኬ» ጌስ ኡባፌ ዎልቃማ ጎዳ ጾሳይ።

ዮሃኒሳ ሚሺራቾ 4:24

ጾሲ ባ ሁኤስ ኣያና፤ ኢዛ ጎይኒዛይቲ ኣያናኒኔ ቱማን ጎይናናስ ቤሴስ» ጊዴስ።