ሌሚሶ ማጻፋ 14:2 - ጋሞ ማጻፋ

² ሱሬ ሄሜቲዛ ኣሲ ጎዳስ ያዬስ፤ ጌላ ኦጌ ሄሜቲዛይ ጊዲኮ ኢዛ ካስ።

Geeshsha Maxaafa

² Suure hemettiza asi GODAAS yayyees; geella oge hemettizay gidikko iza kadhees.

ሌሚሶ ማጻፋ 14:2 ပူးပေါင်းရင်းမြစ်များ

2ሳሜላ ማጻፋ 12:9

ሂስቲን ኢዛ ሲንን ኢታ ሚሽ ኦዳ ጎዳ ቃላ ኣይስ ካዉሻዲ? ሂቴ ዴሬ ኣስ ኦሪዮ ማሻን ሲፋዳሳ፤ ኢዛ ማቼዮ ኔስ ኤካዳሳ፤ ኢዛካ ኣሞኔታ ማሻን ዎሳዳሳ።

1ካዎታ ማጻፋ 3:6

ሶሎሞኔይ ኢዛስ፥ «ታ ኣዋ ዳዊቲ ኔ ሲንን ጺሎቴን፥ ቱማቴኒኔ ሱሬቴ ዎዚናን ሲሜሬቲዳ ጊሻስ ኔ ኣይሌዛ ጊታ ኪያቴ ቤሳዳሳ፤ ኔኒ ሄ ጊታ ኪያቴ ኣጎንታ ሃች ኢዛ ካዎቴ ኣራታን ኡቲዛ ኣቱማ ና ኢዛስ ኢማዳሳ።

2ካዎታ ማጻፋ 17:34

ሄ ሎሴዛ ሃች ጋካናስ ኣጊቤቴና፤ ጎዳስ ቤሲዛ ማላ ጎይኔቴና፤ ኢስራኤሌ ጊ ጼይጊዳ ያቆቤ ቆሞታስ ኢዚ ኢሚዳ ማራታኔ ዞሬታ፥ ዎጋታኔ ኣዛዞታ ካሌቴና።

ኢዮቤ ማጻፋ 1:1

ኡጼ ጌቴቲዛ ዴሬን ኢሲ ኢዮቤ ጌቴቲዛ ኣሲ ዴስ። ኢዚካ ኢታ ኡባፌ ሃኪዳዴ፤ ዎሶይ ኢዛ ቦላ ባይንዳዴ፤ ጾሳስ ያዪዛዴኔ ሱሬ ኣሳ።

ኢዮቤ ማጻፋ 12:4

«ታ ጾሳ ጼይጊን ታስ ኢዚ ዛሪዳ ዎዴይ ዴስ፤ ሃኢ ታኒ ታ ላጌታስ ቂስ ጊዳዲስ፤ ታኒ ሞሮይ ባይንዳ ጺሎ ኣሳ ኡባስ ቂስ ኣታዲስ።

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ዬ ማጻፋ 112:1

ጎዳይ ጋላቴቶ! ጎዳስ ያዪዛ ኣሲ፥ ኢዛ ኣዛዞታካ ፖላናስ ኡፋዬቲዛ ኣሲ ኣንጄቲዳይሳ።

ዬ ማጻፋ 25:21

ኔ ታስ ሂዶታ ጊዲዳ ጊሻስ ሱሬቴይኔ ቱማቴይ ታና ናጎ።

ሌሚሶ ማጻፋ 11:12

ዎዚና ፓጬ ኣሲ ባ ሾሮዛ ካስ፤ ኣኬካንቻ ኣሲ ጊዲኮ ባ ዶና ሺሺ ኤኬስ።

ሌሚሶ ማጻፋ 16:17

ሱሬታ ኦጌይ ኢታታፔ ሃኮን ዴስ፤ ባ ሄሜታ ናጊዛ ኣሲ ባ ሼምፖ ናጌስ።

ሌሚሶ ማጻፋ 16:6

ሲቆኒኔ ኣማኔቴን ናጋራይ ኣቶ ጌቴቴስ፤ ጎዳስ ያሻቴን ኣሲ ኢታፔ ሃኬስ።

ሌሚሶ ማጻፋ 19:1

ጌላ ዮኦ ሃሳይዛ ኢታ ኣሳፔ ባ ዴኦን ቦሬይ ባይንዳ ሂዬሳ ኣሲ ሎኦ።

ሌሚሶ ማጻፋ 2:15

ኢስታ ኦጌይ ጌላ፤ ኢስታ ሄሜታይ ሚርቄ።

ሌሚሶ ማጻፋ 28:6

ጌላ ኣስ ጊዲ ኡቲዲ ዱሬ ጊዳናፔ ቦሬይ ባይንዳ ሂዬሳ ጊዴ ሎኦ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ሉቃሳ ሚሺራቾ 10:16

«ኢንቴ ጊዛይሳ ሲዪዛ ኣሲ ታና ሲዬስ፤ ኢንቴና ኤኮንታ ኣሲ ታናካ ኤኬና፤ ታና ኤኮንታይካ ታና ኪቲዳይሳ ኤኬና» ጊዴስ።

ሉቃሳ ሚሺራቾ 16:14

ሚሽ ዳርሲ ሲቂዛ ፋርሳዌቲ ሄሳ ኡባ ሲዪዲ ዬሱሳ ቂዳ።

ሃዋሬታ ኦሶ 10:22

ኢስቲካ ኢዛስ፥ «ኑኒ ማቶ ሃላቃ ቆርኖሎሳ ማታፔ ዪዶስ፤ ኢዚካ ጾሳስ ባቢዛ ጺሎ ኣሳኔ ኣይሁዳ ኣሳ ኡባ ማታን ዳሮ ቦንቼቲዳ ኣሳ፤ ኔካ ኢዛ ሶ ባና ማላኔ ኔ ጊዛይሳ ኢዚ ሲያና ማላ ጌሻ ኪታንቻይ ኢዛስ ዮቲዴስ» ጊዳ።

ሃዋሬታ ኦሶ 10:35

ጊዶ ኣቲን ጾሳስ ባቢዛይታኔ ጺሎ ኦዛይታ ኡባ ኦና ባጋፌ ጊዲንካ ኢዚ ኤኬስ።

ሃዋሬታ ኦሶ 9:31

ሄ ዎዴ ዩሁዳኒኔ ጋሊላን፥ ሳማሪያንካ ዲዛ ኣማኒዛይቲ ሳሮን ዲዲ ካሴፔ ሚኒዳ፤ ቃሴካ ጾሳ ያሻቴን ሲሜሬቲሼ ጺሎ ኣያናን ሚኔቲዳኔ ካሴፔ ቆዳን ዳሪ ዳሪ ቢዳ።