ሌሚሶ ማጻፋ 12:22 - ጋሞ ማጻፋ

²² ጎዳይ ዎርዶ ሃሳያ ሃራሴቴስ፤ ቱማንቻታን ጊዲኮ ኡፋዬቴስ።

Geeshsha Maxaafa

²² GODAY wordo haasaya harasettees; tumanchchatan gidikko ufayettees.

ሌሚሶ ማጻፋ 12:22 ပူးပေါင်းရင်းမြစ်များ

1ካዎታ ማጻፋ 13:18

ጪማ ናቤዚ ጊዲኮ፥ «ታኒካ ኔ ማላ ቲንቢቴ ዮቲዛዴ፤ ኪታንቻይ ጎዳ ቃላን ታና፥ ‹ካ ኢዚ ማና ማላኔ ሃ ኡያና ማላ ኢዛ ዛራዳ ኔ ሶ ኔናራ ኤካ ባ› ጊዴስ» ጊ ዮቲዴስ። ጊዶ ኣቲን ጪማ ናቤዚ ሄሳ ኢዛስ ዎርዶ ዮቲዴስ።

ዬ ማጻፋ 120:2

ኣቤት ጎዳዉ! ዎርዶቲዛ ሜቴርሻታፔኔ ጪሚዛ ኢንጻርሳታፔ ታና ኣሻ።

ዬ ማጻፋ 5:6

ዎርዶ ሃሳይዛይታ ኔኒ ይሳሳ። ሱ ጉሲዛይታኔ ጪሚዛ ኣሳታ ኔኒ ሃራሴታሳ።

ሌሚሶ ማጻፋ 11:1

ጎዳይ ዎርዶ ጌዳራ ኢጼስ፤ ጊዶ ኣቲን ሱሬ ጌዳራን ኡፋዬቴስ።

ሌሚሶ ማጻፋ 11:20

ጎዳይ ኢታ ቆፋይ ዴኢዛ ኣሳታ ሻቴቴስ፤ ጊዶ ኣቲን ሱሬ ሄሜቲዛይታን ኡፋዬቴስ።

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ሌሚሶ ማጻፋ 17:7

ሎኦ ሃሳያይ ኤያስ ጊጌና፤ ዎርዶ ሃሳያይ ዴሬ ኣይሲዛዴስ ኣይ ማላ ዴጾ!

ኢሳያሳ ቲንቢቴ 9:15

ጪማቲኔ ቦንቼቲዳይቲ ሁኤ፤ ዎርዶ ታማርሲዛ ናቤቲ ጎይና።

ኤርማሳ ቲንቢቴ 9:24

ጊዶ ኣቲን ጬቄቲዛ ኦኒካ ታኒ ጎዳ ጊዲዳይሳ ኤሮኒኔ ቢታ ቦላ ሲቆ፥ ሱሬ ፒርዳኔ ጺሎቴ ኦዛይ ታና ጊዶይሳ ኣኬኮን ጬቄቶ። ታኒ ሃይታን ኡፋዬታይስ» ጌስ።

ሂዚቄላ ቲንቢቴ 13:19

ኩቼ ጊዶንታ ባንጋሲኔ ባርስ ጊዶንታ ካስ ጊዲ ዎርዶ ሲዪዛ ታ ዴራስ ኢንቴ ዎርዶቲሼ ሃይቃና ቤሶንታይሳ ዎሼ፥ ዳናስ ቤሶንታይታ ኣሺሼ ታ ሱን ዴሬ ሲንን ካዉሺዴታ› ጌስ።

ሂዚቄላ ቲንቢቴ 13:22

ታኒ ቆሆንታ ጺሎዛ ኢንቴ ዎርዶራ ጬጪሲዳ ጊሻስ፥ ናጋራንቻይ ባ ኢታ ኦጌፔ ሲሚዲ ባ ሼምፖ ኣሾንታ ማላ ኢንቴ ኢዛ ኢዛ ናጋራን ሚንዴታ።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

ዮሃኒሳ ኣጁታ 22:15

ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።