ታይቦ ማጻፋ 15:39 - ጋሞ ማጻፋ

³⁹ ሄ ማጫራታ ኢንቴ ቤኢዛ ዎዴ ኡባን ታ ኣዛዞታ ሃሳኢ ኤኪዲ ፖሊቴ፤ ሂስቲኮ ኢንቴ ኢንቴ ኣይፌን ቤኢዳይሳኔ ኢንቴ ዎዚናን ኣሞቲዳይሳ ካሊዲ ታፔ ሻኬቴኬታ።

Geeshsha Maxaafa

³⁹ He macarata intte be7iza wode ubbaan ta azazota hassa7i ekkidi polite; histtiko intte intte ayfen be7idayssanne intte wozinan amottidayssa kaallidi taappe shaaketteketa.

ታይቦ ማጻፋ 15:39 ပူးပေါင်းရင်းမြစ်များ

1ካዎታ ማጻፋ 12:33

ኢዚ ባ ዶሪዳ ኦስፑን ኣጊናን ታማኔ ኢቻሻን ጋላስ ቤቴሌ ቢዲ ሄ ጋላስ ኢስራኤሌ ኣሳስ ባኣሌ ጊዳና ማላ ኣዋጂዴስ፤ ሂስቲዲ ኤጻኔ ጩዋሳናስ ፑዴ ያርሾ ያርሺዛሶ ኬዚዴስ።

ኢዮቤ ማጻፋ 31:7

ታ ሱሬ ኦጌፔ ኬኢዳ ጊዲኮ፥ ታ ኣይፌይ ቤኢዳ ኡባ ታ ዎዚናይ ኣሞቲዳ ጊዲኮ፥ ቃሴካ ታ ኩሼይ ናጋራን ቱኒዳ ጊዲኮ፥

ዬ ማጻፋ 106:39

ሄሳ ኢስቲ ባንታ ኦሶን ቱኒዳኔ ላይማ ማጫሳ ማላ ባንታ ጾሳስ ኣማኔቶንታ ኢጺዳ።

ዬ ማጻፋ 73:27

ኔፔ ሃኪዛይቲ ያና፤ ኔስ ኣማኔቶንታይታ ኡባ ኔኒ ይሳና።

ኬሳ ማጻፋ 13:9

ጎዳይ ኢንቴና ባ ዎልቃማ ኩሼን ጊብጼፔ ኬሲዳ ጊሻስ፥ ጎዳ ዎጋይ ኢንቴ ዶናፔ ሻኬቶንታ ማላ፥ ሃይሲ ባኣሌዚ ኢንቴ ኩሼ ቦላ ቃሼቲዳኔ ኢንቴ ሊጴን ዎን ቆፍሲዛ ሚሻ ማላ ጊዳና።

ሌሚሶ ማጻፋ 28:26

ባናን ኣማኔቲዛ ኣሲ ኤያ፤ ጊዶ ኣቲን ኣ ኤራቴን ሄሜቲዛይ ሳሮን ዴኤስ።

ሌሚሶ ማጻፋ 3:1

ታ ናዞ! ታኒ ኔና ታማርሲዛይሳ ዶጎፓ፤ ታ ኣዛዞታካ ኔ ዎዚናን ዎ።

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

ኤርማሳ ቲንቢቴ 9:14

ሂስቲዲ ኢስቲ ባንታ ዎዚና ሙሜቴን ቢዲ ባንታ ኣዋቲ ታማርሲዳ ማላካ ባኣሌ ጌቴቲዛ ኤቃ ጾሳ ካሊዳ» ጊዴስ።

ሂዚቄላ ቲንቢቴ 6:9

ሃይቲ ሃይቆፔ ኣቲዳይቲ ዲኤቲ ቢዳሶን ዲሼ ኢስቲ ታና ቆፓና፤ ኢስቲ ታፔ ሃኪዲ ላይማቴን ኩሚዳ ዎዚናኒኔ ዚታይ ኩሚዳ ኤቃ ጾሳታ ካሊዛ ኢንቴ ኣይፌታን ታና ሚሺሲዴታ፤ ባ ኦዳ ኢታቴፌኔ ሃራሲዛ ኤቃ ጾሳታፔ ዴንዲዳይሳን ኢስቲ ባርካ ባና ሃራሴታና።

ሆሴኤ ቲንቢቴ 2:2

«ታ ናይቶ! ኢንቴ ኣዮ ዞሪቴ፤ ሃይሳፌ ጉዬ ኢዛ ታስ ማቾ ጊዱኩ፤ ታኒካ ኢዚስ ኣዚና ጊዲኬ፤ ባ ሲንፌ ላይማ ሱኬ ሃኖ፥ ባ ዎዲራ ጊዶፌ ላይማቴ ዲጉ።

ዛሬ ማጻፋ 29:19

ሃ ጫቆ ቃላ ሲዪዲ ባ ዎዚናን፥ «ታኒ ታ ሼኔ ማላ ዲኮካ ታስ ሳሮይ ዴስ» ጊዲ ባና ጪሚኮ ሄሳ ማላ ኣሲ ሎኦታ ቦላኔ ኢታታ ቦላ ባሽ ኤሃና።

ዛሬ ማጻፋ 4:23

ሄሳ ጊሻስ ጾሳይ ኢንቴናራ ጌሊዳ ጫቆ ቃላ ኢንቴ ባሎንታ ማላ ሻኪ ኤሪቴ፤ ጎዳ ኢንቴ ጾሳይ ኢንቴና ኦፍቴ ጊዲ ኣዛዚዳ ኤቃ ሚስሌታ ኣይ ሜንካ ሚሳቲሲ ኦ ኬሶፍቴ።

ዛሬ ማጻፋ 6:12

ካሴ ኢንቴ ኣይሌቴን ዴዪዳ ጊብጼ ዴሬፔ ኢንቴና ዎዚ ኬሲዳ ጎዳ ኢንቴ ባሎንታ ማላ ናጌቲቴ።

ዛሬ ማጻፋ 8:11

ኢንቴ ጎዳ ኢንቴ ጾሳ ዶጊዲ ታኒ ሃች ኢንቴስ ኢሚዛ ኣዛዞታ፥ ዎጋታኔ ማራታ ሞሮንታ ማላ ናጌቲቴ።

ዛሬ ማጻፋ 8:14

ኢንቴ ዎዚናይ ኦቶሬቶንታ ማላኔ ኢንቴ ጊብጼፔ ኣይሌቴ ቢታፌ ኢንቴና ዎዚ ኬሲዳ ጎዳ ኢንቴ ጾሳ ባሎንታ ማላ ናጌቲቴ።

ያቆቤ ኪታ 4:4

ኢንቴኖ ላይማቲዛይቶ! ኣላሜራ ሲቄቴ ጾሳራ ሞርኬቴ ጊዲዳይሳ ኤሬኬቲ? ሄሳ ጊሻስ ሃይሳ ኣላሜዛራ ሲቄቴ ኮይዛይ ዉሪካ ጾሳስ ሞርኬ።