ታይቦ ማጻፋ 14:14 - ጋሞ ማጻፋ

¹⁴ ሄሳ ሃኒዳ ዮኦ ኡባ ሃይሳ ዴሬዛን ዲዛ ኣሳ ኩሜስ ኢስቲ ዮታና፤ ሃይቲ ሃ ኣሳቲ ኔኒ ጎዳይ ኑናራ ዲዛይሳኔ ሻራይ ኑፔ ቦላራ ቆንጬን ቤቲዛ ማላ ኔኒ ጋላስ ጋላስ ሻራ ማላ ቱሳን ኦማርስ ኦማርስ ታማ ማላ ቱሳን ጊዳዳ ኑፔ ሲን ኣ ካሌዛይሳ ሲዪሼ ጋምኢዳ።

Geeshsha Maxaafa

¹⁴ hessa hanida yo7o ubbaa hayssa derezan diza asaa kumeththas istti yootana; hayti ha asati neni GODAY nunara dizayssanne shaaray nuuppe bollara qonccen beettiza mala neni gallas gallas shaara mala tuussan omars omars tama mala tuussan gidada nuuppe sinththe aadhdha kaaleththizayssa siyishe gam7ida.

ታይቦ ማጻፋ 14:14 ပူးပေါင်းရင်းမြစ်များ

ሜቴ ማጻፋ 32:30

ሄሳ ጊሻስ ያቆቤይ ሄ ሶሆዛ ጲንኤሌ ጊ ሱንዴስ፤ ኣይስ ጊኮ ኢዚ፥ «ታኒ ጾሳ ታ ኣይፌራ ቤኣዳ ሃይቆንታ ኣታዲስ» ጊዴስ።

ናሂሚያ ማጻፋ 9:12

ጋላስ ቱሳ ማላ ኤቂዳ ሻራን፥ ኦማርሲ ቱሳ ማላ ታማን ፖኢሳዳ ኢስቲ ባናስ ቤሲዛ ኦጌራ ባና ማላ ካሌዳሳ።

ናሂሚያ ማጻፋ 9:19

«ኔ ማሮታይ ጊታ ጊዲዳ ጊሻስ ኢስቲ ሄን ባዞ ቢታን ዪ ኣታና ማላ ኣጋቤካ፤ ጊዶ ኣቲን ኢስቲ ጋላስ ቱሳ ማላ ሻራን ኦማርስ ቱሳ ማላ ታማን ኢስቲ ባናስ ቤሲዛ ኦጌራ ኢስታ ካሌ ኣጋቤካ።

ዬ ማጻፋ 105:39

ጾሳይ ኢስታ ካማናስ ሻራ ሚጪዴስ፤ ኦማርስ ኢስታስ ፖኢሳናዉ ታማ ጊግሲዴስ።

ዬ ማጻፋ 78:14

ኢዚ ኢስታ ጋላስ ሻራን፥ ኦማርስ ታማ ፖኦን ካሌዴስ።

ኬሳ ማጻፋ 15:14

ዴሬ ኣሳይ ሄሳ ሲዪዲ ኮኮሪዴስ። ፊሊስጼሜ ቢታ ኣሳታካ ሂርጋ ሚጻይ ኦይኪዴስ።

ኬሳ ማጻፋ 33:11

ኣሲ ባ ላጌራ ሃሳይዛ ማላ ጎዳይ ሙሴራ ሲንን ኤቂዲ ሃሳዬስ። ሄሳፌ ጉዬ ሙሴይ ዱንካኔይ ዲዛሶ ጉዬ ሲሜስ ሺን ኢዛ ማዲዛ ናቴ ና፥ ናዌ ና ኢያሶይ ጋይቶቴ ዱንካኔዛፔ ሻኬቴና።

ኬሳ ማጻፋ 33:16

ኔኒ ኑናራ ቦንታ ኢጺኮ ታናኒኔ ኔ ኣሳን ኔኒ ሳቤቲዳይሳ ኣሳይ ዉሪ ዎስቲ ኤራኔ? ቢታ ቦላ ዲዛ ሃራ ኣሳ ኡባፌ ታናኔ ኔ ኣሳ ዱማሲዛይ ሃራ ሚሺ ኣዜ?» ጊዴስ።

ኬሳ ማጻፋ 40:38

ኢስታ ኦጌ ኡባን ጎዳ ሻራይ ኢስራኤሌ ኣሳይ ዉሪ ቤኢሺን፥ ጋላስ ጋላስ ጾሳ ዱንካኔ ካሜሲኔ ቃማ ቃማ ቃሴ ታማይ ሄ ሻራ ጊዶን ኤጼስ።

ታይቦ ማጻፋ 10:34

ኢስቲ ባ ዲዛሶፔ ዴንዲ ዴንዲ ቢሺን ጎዳ ሻራይ ጋላስ ጋላስ ኢስታ ካሚ ኦይኬስ።

ታይቦ ማጻፋ 12:8

ሄሳ ጊሻስ ታኒ ኢዛራ ሲንን ቆንጬራ ሃሳያይስ ኣቲን ጉዬራ ቆታን ሃሳይኬ፤ ኢዚ ታ ሜ ቤዬስ፤ ሂስቲን ኢንቴ ታ ኦሳንቻዛ ሙሴ ቦላ ዋኒ ያዮንታ ካ ቃላ ሃሳይዴቲ?» ጊዴስ።

ዮሃኒሳ ሚሺራቾ 1:18

ጾስ ቤኢዳይ ኦኒካ ባ። ጊዶ ኣቲን ጾሳ ኣዋ ማታን ዲዛ ጾሳ ና ኢሶይ ጻላላ ኢዛ ቆንጪሲዴስ።

ዮሃኒሳ ሚሺራቾ 14:9

ዬሱሲካ ኢዛስ፥ «ፒሊጶሳ! ሃይሳ ጋካናስ ታ ኢንቴናራ ዴኢንካ ኔ ታና ኤርኪ? ታና ቤኢዳዴይ ኣዋካ ቤዪዴስ፤ ሂስቲን ኔኒ ዋናዳ፥ ‹ኑና ኣዋ ቤሳ› ጋይ?

1ቆሮንቶሴ ኣሳስ 13:12

ኑኒ ሃኢ ቤኢዛይሲ ሃን ጼሊዛ ማላ ጮ ቦዢ ቦዤስ ሺን ሄ ዎዴ ጊዲኮ ኑ ኢዛ ኣይፌሶ ሎኤ ቤያና፤ ታ ሃኢ ኩሜ ጊዶንታ ባጋ ጻላላ ኤራይስ፤ ሄ ዎዴ ጊዲኮ ታኒ ታ ሁኤስ ኤሬቲዳይሳ ማላ ኤራና።

ዛሬ ማጻፋ 1:19

«ሄሳፌ ጉዬ ኑ ጎዳይ ኑና ኣዛዚዳ ማላ ሲና ዙማፔ ዴንዲዲ ኢንቴ ቤኢዳ ኢታ ባዞዛራ ካንዲ ኣሞሬ ዴሬን ሻራ ሜንራ ኣ ቢዲ ቃዴሴ ባሪኔ ጋኪዶስ።

ዛሬ ማጻፋ 34:10

ኣሲ ኣሳራ ሃሳይዛ ማላ ጎዳራ ሃሳይዳ ሙሴ ማላ ናቤይ ኢስራኤሌ ቢታን ዴንዲቤና።

ዛሬ ማጻፋ 5:24

‹ጎዳ ኑኒ ጾሳ ጬንጉርሳ ታማ ጊዶፌ ሲዪዳ ዎዴ ጎዳ ኑ ጾሳይ ባ ጊታቴኔ ባ ቦንቾ ኑና ቆንጬን ቤሲዴስ፤ ጾሲ ኣሳራ ሃሳይዳፔ ጉዬን ኣሲ ሃይቆንታ ሼምፖራ ፓጻ ዴኣና ዳንዳይዛይሳ ኑ ሃች ቤይዶስ።

ዛሬ ማጻፋ 5:4

ሄን ሄ ዙማ ቦላ ኤጺዛ ታማ ጊዶን ዲሼ ጎዳይ ኢንቴና ቆንጬራ ሃሳይሲዴስ።

ኢያሶ ማጻፋ 5:1

ዮርዳኖሴ ሻፋፔ ኣርሼይ ዉሊዛ ባጋራ ዲዛ ኣሞሬታ ካዎቲኔ ሜዲቴራኔ ኣባ ላንቄ ላንቄ ኦይኪዲ ዲዛ ካናኔታ ካዎቲ ዉሪ ኢስራኤሌ ኣሳይ ፒናና ጋካናስ ጎዳይ ዮርዳኖሴ ሻፋ ሃ ሜሊሲዳይሳ ሲዪዳ ዎዴ ኢስታ ዎዚናይ ባቦን ሴሪዴስ። ሂስቲን ኢስቲ ኢስራኤሌ ኣሳራ ኤቄታናስ ጻሊቤቴና።

1ዮሃኒሳ ኪታ 3:2

ታ ኢሻቶ! ኑኒ ሃኢ ጾሳ ናይታ፤ ቡሮ ኑ ኣይ ሃናናኮ ሃኢ ቆንጪቤና፤ ኪርስቶሲ ቆንጪዛ ዎዴ ኑ ኢዛ ቤያናይሳኔ ኢዛካ ሚሳታናይሳ ኑ ኤሮስ።