ናሂሚያ ማጻፋ 9:6 - ጋሞ ማጻፋ

⁶ ሄሳፌ ጉዬ ኢስራኤሌ ኣሳይ፥ «ጾሶ፥ ኔ ጻላ ጎዳ፤ ሳሎኔ ሳሎ ቦላ ዲዛይታ፥ ሳኣኔ ሳኣ ቦላ ዲዛይታ፥ ጊታ ኣባኔ ኢዛ ጊዶን ዲዛይታ ኡባ ሜዳይ ኔና። ኡባስ ዴኦ ሼምፖ ኢማዳሳ፤ ሳሎ ሜቴቲ ኡባይ ኔስ ጎይኔቴስ።

Geeshsha Maxaafa

⁶ Hessafe guye Isra7eele asay, «Xoossoo, ne xalla Goda; Salonne salo bolla dizayta, sa7anne sa7a bolla dizayta, gita abbanne iza giddon dizayta ubbaa medhdhiday nena. Ubbaas de7o shemppo immadasa; Salo medheteththati ubbay nees goynneettes.

ናሂሚያ ማጻፋ 9:6 ပူးပေါင်းရင်းမြစ်များ

ሜቴ ማጻፋ 1:1

ጾሲ ኮይሮ ሳሎኔ ሳኣ ሜዴስ።

ሜቴ ማጻፋ 1:9

ሄሳፌ ጉዬ ጾሲ፥ «ሳሎፔ ጋርሳራ ዲዛ ሃ ኢሲሶን ሺቂ ኤሊኮ ሜላ ቢታይ ቆንጮ» ጊን ሃኒዴስ።

ሜቴ ማጻፋ 2:1

ሳሎ ቦላኔ ሳኣ ቦላ ዲዛይ ዉሪ ሃይሳ ኦሴቲ ፖሌቲዴስ።

ሜቴ ማጻፋ 32:2

ያቆቤይ ኢስታ ቤኢዲ፥ «ሃይሲ ጾሲ ኣቂዛሶ» ጊሼ ሄ ሶሆዛ ማሃናይሜ ጊ ሱንዴስ።

1ካዎታ ማጻፋ 22:19

ሚኪያሲ ዛሪዲ፥ «ሂስቲኮ ጎዳይ ጊዛይሳ ሲያ! ጎዳይ ባ ካዎቴ ኣራታን ኡቲን ሳሎ ኦላንቻቲ ኡባይ ኢዛ ኡሻቻራኔ ሃዲርሳራ ኤቂዳይታ ታኒ ቤኣዲስ።

1ካዎታ ማጻፋ 8:27

«ቱማፔ ጾሲ ሳኣ ቦላ ዴኢ ኤሪዜ? ቤኣ ሳሎይ፥ ሳሎታፔ ቦላን ዲዛ ሳሎይካ ኔና ኦይካና ዳንዳዬና፤ ሂስቲን ሃይሲ ታ ኬጺዳ ጾሳ ኬይ ኔስ ኣይ ጊዳኔ!

2ካዎታ ማጻፋ 19:15

ሄሳፌ ጉዬ ሂዝቂያሲ ጎዳኮ፥ «ኪሩቤ ቦላ ኔ ኣራታን ኡቲዳ ጎዳ ኢስራኤሌ ጾሶ! ቢታ ቦላ ዲዛ ኡባ ቦላ ጾሲ ኔና፤ ሳሎኔ ሳኣ ሜዳይ ኔና።

2ካዎታ ማጻፋ 19:19

ሃኢካ ጎዳዉ ኑ ጾሳዉ! ኔኒ ጻላ ጾሳ ጊዲዳይሳ ሃ ቢታ ቦላ ዲዛ ካዎቴቲ ኤራና ማላ ኢዛ ኩሼፔ ኑና ኣሻ» ጊ ዎሲዴስ።

ናሂሚያ ማጻፋ 9:5

ኢያሶ፥ ቃዲምኤሌ፥ ባኔ፥ ሃሻቢናዬ፥ ሼሬቢያ፥ ሆዲያ፥ ሼባኒያኔ ፓታያ ጌቴቲዛ ሌዌ ባጋ ኣሳቲ፥ «ኢንቴ ዴንዲ ኤቂዲ ሜርና ጎዳ ኢንቴ ጾሳ ጋላቲቴ፤ ጋላታፔኔ ኣንጆፌ ቁ ቁ ጊዳ ቦንቼቲዳ ጾሳ ሱን ሳቢቴ» ጊዳ።

ዬ ማጻፋ 102:25

ኔኒ ቤኒ ሳኣ ሜዳሳ፤ ሳሎቲካ ኔ ኩሼ ኦሶ።

ዬ ማጻፋ 103:21

ኢንቴኖ ሳሎን ዴኢዛ ሚኖቶ! ኢዛ ሼኔ ኦዛ ኣይሌቶ! ጎዳ ጋላቲቴ።

ዬ ማጻፋ 115:15

ሳሎኔ ሳኣ ሜዳ ጎዳይ ኢንቴና ኣንጆ!

ዬ ማጻፋ 124:8

ሳሎኔ ሳኣ ሜዳ ጎዳ ሱንን ኑስ ማዶይ ዬስ።

ዬ ማጻፋ 146:6

ጎዳይ ሳሎኔ ሳኣ፥ ጊታ ኣባኔ ኢስታ ጊዶን ዲዛ ኡባ ሜዳይሳ፤ ኢዚ ባ ኣማኔቴ ሜርናስ ናጊዛይሳ።

ዬ ማጻፋ 24:10

ሃ ቦንቾ ካዎይ ኦኔ? ሄ ቦንቾ ካዎይ ሳሎ ሜቴ ጎዳ!

ዬ ማጻፋ 33:6

ሳሎቲ ጎዳ ቃላን ሜቲዳ። ኢዛ ዶናፔ ኬዚዛ ፔኖን ሳሎን ዲዛ ሜቴቲ ሜቲዳ።

ዬ ማጻፋ 36:6

ኣቤት ጎዳዉ! ኔ ጺሎቴይ ኡባፌ ቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ።

ዬ ማጻፋ 86:10

ኔኒ ጊታ፤ ማላሊሲዛ ሚሽ ኦሳ። ኔኒ ጻላ ጾሳ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኢሳያሳ ቲንቢቴ 37:20

ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

ኢሳያሳ ቲንቢቴ 43:10

«ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

ኢሳያሳ ቲንቢቴ 44:6

ኢስራኤሌ ካዎይኔ ኢስታ ዎዚዛይ፥ ጎዳይ ኡባፌ ዎልቃማ ጾሳይ፥ «ኮይሮይ ታና፤ ዉርሴካ ታና። ታፔ ሃራ ጾሲ ባዋ።

ኢሳያሳ ቲንቢቴ 44:8

ያዮፍቴ፤ ዳጋሞፍቴ። ሃይሳ ታኒ ኢንቴስ ዮታቤኪና? ቤኒሶፌ ታ ኢንቴና ኤሪሳቤኪና? ሄሳስ ኢንቴ ታ ማርካታ። ታፔ ኣቲን ሃራ ጾሲ ዲዜ? ሙሌካ ዴና፤ ዎይኮ ሃራ ዛላይ ዲዜ? ዴና፤ ታ ኦናካ ኤሪኬ» ጌስ።

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ሂዚቄላ ቲንቢቴ 20:11

ኣሲ ናጊዛኮ ሼምፖራ ፓጻ ዎዛ ማራ ታ ኢስታስ ኢማዲስ፤ ታ ዎጋካ ታ ኢስታ ኤሪሳዲስ።

ዮናሳ ቲንቢቴ 1:9

ሂስቲን ዮናሲ ዛሪዲ፥ «ታኒ ኢብራዌ ኣሳ፤ ኣባኔ ቢታ ሜዳ ሳሎ ጎዳ ጎይናይስ» ጊዴስ።

ዮሃኒሳ ሚሺራቾ 10:30

ታኒኔ ታ ኣዋይ ኑ ኢሲኖ» ጊዴስ።

ሃዋሬታ ኦሶ 4:24

ኢስቲካ ሄሳ ሲዪዳ ማላ ባ ቃላ ቁ ሂስቲዲ ኢሲፌ ጾሳኮ፥ «ዎጋ ጎዳዉ! ኔኒ ሳሎኔ ሳኣ፥ ኣባኔ ኣባ ጊዶን ዲዛይታ ዉርሳ ሜዳሳ።

ዛሬ ማጻፋ 10:14

ሳሎይኔ ሳሎፔ ቦላን ዲዛ ሳሎቲ፥ ቢታይኔ ቢታ ቦላ ዲዛ ኡባይ ጎዳሳ።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

ዛሬ ማጻፋ 6:4

ኢስራኤሌ ኣሳቶ! ኢንቴ ሃይሳ ኣኬኪቴ! ጎዳ ኑ ጾሳይ ኢዚ ጻላ ጾሳ።

Ibirawe 1:3

ኢዚካ ጾሳ ቦንቾ ቤሲዛዴኔ ጾሳ ጾሳቴስ ሎኦ ሌሚሶ ጊዲዲ ባ ዎልቃማ ቃላን ዉርሲካ ሺሺ ኦይኪዴስ፤ ኢዚ ኣሳ ናጋራፔ ጌሺዳፔ ጉዬ ሳሎን ቦንቾ ጾሳ ኡሻቻን ኡቲዴስ።

Ibirawe 1:6

ቃሴካ ጾሲ ባ ባይራ ናዛ ዱጌ ሃ ቢታ ቦላ ዬዲሼ፥ «ጾሳ ኪታንቻቲ ዉሪካ ኢዛስ ጎይኔቶ» ጊዴስ።

ዮሃኒሳ ኣጁታ 14:7

ኢዚካ ባ ቃላ ቁ ሂስቲዲ፥ «ጾሳስ ባቢቴኔ ኢዛ ቦንቺቴ፤ ኢዛ ፒርዳ ዎዴይ ጋኪዴስ፤ ሳሎኔ ሳኣ፥ ኣባኔ ሃ፥ ፑልቶታካ ሜዳ ጾሳስ ጎይኒቴ» ጊዴስ።

ዮሃኒሳ ኣጁታ 4:11

«ኑ ጎዳ ጾሶ! ኔኒ ኡባ ሜዳ ጊሻስ ሜቴ ዉሪካ ሜቲዳይኔ ሼምፖራ ዲዛይ ኔ ሼኔን ጊዲዳ ጊሻስ ጊታቴ፥ ቦንቾይኔ ዎልቃይካ ኔስ ቤሴስ» ጊዳ።