ናሂሚያ ማጻፋ 9:15 - ጋሞ ማጻፋ

¹⁵ ኢስቲ ጋፌቲዳ ዎዴ ሳሎፔ ካ ኢማዳሳ፤ ኢስቲ ሳሜቲዳ ዎዴ ሃ ዛላፌ ኢስታስ ፑልቲሳዳሳ፤ ቃሴ ኔ ኢስታስ ኢማና ጋዳ ጫቂዳ ቢታ ጌሊዲ ኤካና ማላ ኣዛዛዳሳ።

Geeshsha Maxaafa

¹⁵ Istti gafettida wode saloppe kath immadasa; istti saamettida wode haath zaallafe isttas pulttisadasa; qasse ne isttas immana gaada caaqqida biittaa gelidi ekkana mala azazadasa.

ናሂሚያ ማጻፋ 9:15 ပူးပေါင်းရင်းမြစ်များ

ሜቴ ማጻፋ 14:22

ጊዶ ኣቲን ኣብራሜይ ሶዶሜ ካዎ፥ «ታኒ ጎዳስ፥ ኡባፌ ቃ ጾሳስ፥ ሳሎኔ ሳኣ ሜዳይሳስ፥ ታ ኩሼ ዴንዳ ጫቃይቻዲስ።

ናሂሚያ ማጻፋ 9:20

ሎኦ ጊዲዳ ኔ ኣያና ኢስታ ታማርሳና ማላ ኢማዳሳ፤ ኢስታስ ማና ማላ ማና፥ ኡያና ማላ ሃ ኢማዳሳ።

ዬ ማጻፋ 114:8

ኢዚ ዛላ ኤሌ ሃ ኬሲዴስ፤ ዎልቃማ ዛላ ፑልቶ ሃ ኬሲዴስ።

ኬሳ ማጻፋ 16:4

ሂስቲን ጎዳይ ሙሴስ፥ «ታኒ ኢንቴስ ሳሎፔ ሚዛ ካ ቡኪሳና፤ ኣሳይ ኡባ ጋላሲካ ኬዚዲ ሃቺስ ሃቺስ ጊዳናዝ ጻላላ ማጻና ኮሼስ። ኣሳይ ታ ኣዛዞ ካሊዛኮኔ ካሎንታኮ ታኒ ኢስታ ሄሳን ፓጫ ጼላና።

ኬሳ ማጻፋ 17:3

ጊዶ ኣቲን ኣሳይ ሄን ሳሜቲዲ ሙሴ ቦላ ዙዙሚዴስ። ኢስቲ፥ «ኔኒ ኑና፥ ኑ ናይታኔ ኑ ሜሄ ሳሞን ዎናስ ጊብጼፔ ኣይስ ኬሳዲ?» ጊዲ ሙሴ ቦላ ጉጉሚዳ።

ኬሳ ማጻፋ 17:6

ታኒ ሲና ዙማን ዲዛ ዛላ ቦላ ሄን ኔ ሲንን ኤቃዳ ናጋና፤ ኔኒ ሄ ዛላ ሾጫ፤ ኣሳይ ኡያና ማላ ሃ ኢዛፔ ኬዛና» ጊን ሙሴይ ኢስራኤሌ ጪማታ ሲንን ኢዚ ጊዳ ማላ ኦዴስ።

ኬሳ ማጻፋ 6:8

ቃሴ ታኒ ኢንቴና ኣብራሃሜስ፥ ዪሳቃሲኔ ያቆቤስ ኢማና ጋዳ ታ ኩሼ ዴንዳ ጫቂዳ ቢታ ኤሃና፤ ሄ ቢታ ታኒ ኢንቴስ ኢንቴ ጋዴ ሂስታ ኢማና፤ ታኒ ጎዳ› ጋ» ጊዴስ።

ኢሳያሳ ቲንቢቴ 48:21

ኢዚ ኢስታ ባዞ ቢታራ ካሌሺን ኢስቲ ሳሜቲቤቴና። ኢዚ ኢስታስ ዛላፌ ሃ ፑልቲሲዴስ፤ ኢዚ ዛላ ጳልቂዴስ፤ ሃካ ቂ ኬዚዴስ።

ኤርማሳ ቲንቢቴ 32:23

ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።

ሂዚቄላ ቲንቢቴ 20:15

ቃሴ ታኒ ኢስታ ኡባፌ ሎኦ ጊዲዳ ማኔ ኤሲ ጎጊዛ ቢታ ታ ኢስታስ ኢሚዳ ቢታ ታ ኢስታ ጌልኬ ጋዳ ታ ኩሼ ዴንዳ ባዞ ቢታን ኢስታ ሲንን ጫቃዲስ።

ታይቦ ማጻፋ 14:30

ኢንቴ ሄ ዴሬዮ ጌሊዲ ዴኣና ማላ ካሴ ታ ኢንቴስ ጫቃዲስ፤ ጊዶ ኣቲን ዮፊኔ ና ካሌቤፔኔ ናዌ ና ኢያሶፔ ኣቲን ኢንቴፌ ኢሳዴይካ ሄ ቢታዮ ጌሌና።

ዛሬ ማጻፋ 1:21

ሄ ዴሬዮ ሃኖ ቤኢቴ! ጎዳይ ኑ ኣዋታ ጾሳይ ቤኒ ኣዛዚዳ ማላ ኢንቴ ጌሊዲ ኢዞ ላቲቴ፤ ባቦፍቴኔ ሂዶታ ቃንጾፍቴ› ጋ ዮታዲስ።

ዛሬ ማጻፋ 1:8

ሄኮ ታኒ ሃ ቢታዮ ኢንቴስ ኢማዲስ፤ ኢንቴካ ቢዲ ኢንቴ ኣዋታስ ኣብራሃሜስ፥ ዪሳቃስ፥ ያቆቤሲኔ ኢስታፌ ጉዬን ያና ኢስታ ዜሬታስ ኢማናስ ጎዳይ ጫቂዳ ቢታዮ ላቲቴ› ጊዴስ» ጊዲ ዮቲዴስ።

ዛሬ ማጻፋ 8:3

ኣሲ ጾሳ ዶናፔ ኬዚዛ ቃላን ኣቲን ካን ጻላ ሼምፖራ ፓጻ ዳናስ ዳንዳዮንታይሳ ታማርሳናስ ኢንቴና ጋፊሲዴስ፤ ኢንቴኒኔ ኢንቴ ኣዋቲ ኤሮንታ ማና ሚዚዴስ።