ናሂሚያ ማጻፋ 8:7 - ጋሞ ማጻፋ

⁷ ሄሳፌ ጉዬ ኣሳይ ባ ዲዛሶን ዲዛሶን ዴንዲ ኤቂዴስ፤ ሃይሳፌ ካሊ ሱንይ ጻፌቲዳ ሌዌ ባጋቲ ዎጋ ማጻፋ ዴራስ ናባቢዳ፤ ኢስቲካ ኢያሶ፥ ባኔ፥ ሼሬቢያ፥ ያሚኔ፥ ኣቁቤ፥ ሳባታ፥ ሆዲያ፥ ማኢሳያ፥ ቃሊጻ፥ ኣዛሪያሳ፥ ዮዛባዴ፥ ሃናኔኔ ፓላዬ።

Geeshsha Maxaafa

⁷ Hessafe guye asay ba dizason dizason dendi eqqides; hayssafe kaalli sunththay xaafettida Lewe baggati woga maxaafa deraas nababida; isttika Iyaaso, Baane, Sherebiya, Yaamine, Aqube, Sabata, Hoddiya, Ma7isaya, Qalixa, Azaariyaasa, Yozabaade, Hanaanenne Palaye.

ናሂሚያ ማጻፋ 8:7 ပူးပေါင်းရင်းမြစ်များ

1ካዎታ ማጻፋ 8:14

ኢስራኤሌ ኣስ ኡባይ ዱላታን ኩሚ ኤቂዲሺን ካዎይ ኢስታኮ ሲሚዲ፥

2ታሪኬ ማጻፋ 30:22

ሄሳፌ ጉዬ ሂዝቂያሲ ጎዳ ኦሶን ኣኬካራ ዲዛ ሌዌታ ኡባ ሚንዴስ። ሌዌቲ ኡባይ ባንታስ ኢሜቲዳ ጊሻስ ኢሲፌቴ ያርሾ ያርሺሼ ጎዳ ባንታ ኣዋታ ጾሳ ጋላቲሼ፥ ሚሼኔ ኡዪሼ ባኣሌዛ ላፑን ጋላስ ቦንቺዳ።

2ታሪኬ ማጻፋ 35:3

ጎዳስ ባና ዱማሲዲ ኢስራኤሌ ኡባ ታማርሲዛ ሌዌታስ፥ «ጫቆ ቃላ ታቦታ ካዎ ዳዊቴ ና ሶሎሞኔይ ኦሲሲዳ ጾሳ ኬን ዎቴ፤ ሄሳፌ ጉዬ ታቦታ ኢንቴ ሃሼን ቶካናስ ኮሼና፤ ሃኢካ ጎዳ ኢንቴ ጾሳሲኔ ኢስራኤሌ ኣሳስ ኦቴ።

ኢዝራ ማጻፋ 8:18

ጊታ ጾሳ ዎልቃይ ኑናራ ዲዛ ጊሻስ ኢስቲ ሎኦ ኤራቴ ዲዛይሳ ማሂሌ ዜሬታፔ ኢስራኤሌ ና ሌዌ ዛሬ ጊዲዳ ሼሬቢያ ዬዲዳ፤ ኢዚካ 18 ባ ኣቱማ ናይታኔ ባ ኢሻታ ካሌ ኤኪዲ ኑኮ ዪዴስ።

ናሂሚያ ማጻፋ 10:18

ሆዲያ፥ ሃሹሜ፥ ቤሳዬ፥

ናሂሚያ ማጻፋ 10:2

ቄሴታ ባጋፌ ሳራያ፥ ኣዛሪያሳ፥ ኤርማሳ

ናሂሚያ ማጻፋ 11:16

ሳባታይኔ ዮዛባዴ ጌቴቲዛ ኤዌ ባጋታ ካሌዛይቲ ጾሳ ኬስ ካሬ ባጋራ ኦሴቲዛ ኡባ ኦሶስ ኣላፌታ።

ናሂሚያ ማጻፋ 11:19

ጾሳ ኬ ጊቤ ናጊዛ ዛቤቲ፥ ኣቁቤ፥ ጻልሞኔኔ ኢስታራ ኢሲፌ ኦዛ ዛቤቲ 172።

ናሂሚያ ማጻፋ 12:33

ሃራቲ ቃሴ ኢስታራ ዲዛ ኣዛሪያሲ፥ ኢዝራይ፥ ማሹላሜይ፥

ናሂሚያ ማጻፋ 3:17

ጊምቤዛ ኦሶን ዲዛ ሌዌ ዜሬታ ሱን ሃይሳፌ ካሊ ዲዛይሳ፤ ባኔ ና ኤሬሁሜይ ኢዛፔ ካሊ ዲዛይሳ ዛሪ ኦዴስ፤ ቃሴ ቂኢላ ዎራዳ ሄካ ባጋ ኣይሲዛ ሃሻቢያይ ባ ዎራዳ ሱንን ካሊ ዲዛይሳ ዛሪ ኦዴስ።

ናሂሚያ ማጻፋ 3:19

ሚጺጳ ዎራዳ ኣይሲዛ ኢያሶ ና ኤዜሬይ ኦላ ሚሻታ ዎዛ ኬ ሲን ባጋን ዲዛይሳፌ ቢዲ ጊምቤዛስ ጉላ ጋካናስ ዲዛይሳ ኡባ ዛሪ ኦዴስ።

ናሂሚያ ማጻፋ 3:23

ኢስታፌ ካሊዛይሳ ቢኒያሜይኔ ሃሹቤይ ባንታ ኬ ሲንራ ዲዛ ጊምቤዛ ዛሪ ኦዳ፤ ቃሴ ኣናኒያ ናዛ ና ማኢሳያ ና ኣዛሪያሲ ባ ኬ ሲን ባጋራ ዲዛ ጊምቤዛ ዛሪ ኦዴስ።

ናሂሚያ ማጻፋ 8:12

ኣሳይ ባ ሲዪዳ ቃላ ሎኤ ኤሪዳ ጊሻስ ባሶ ቢዲ ካ ሚዲኔ ሃ ኡዪ ኡፋዬቲዲ ባስ ዲዛ ካፌ ሃራታስ ሻኪ ኢሚዴስ።

ናሂሚያ ማጻፋ 8:4

ሄ ኦሶዛስ ኢንጄ ጊዳና ማላ ኢዝራይ ሚፌ ኦሴቲዳ ቃሶሆን ኤቂዴስ፤ ኢዛስ ኡሻቻ ባጋራ ኤቂዳ ኣሳቲ ማቲቲያ፥ ሼማኤ፥ ኣናያ፥ ኡሪያ፥ ሂልቂያኔ ማኢሳያ ጊዲሺን ሃዲርሳ ባጋራ ኤቂዳይቲ ፓዳያ፥ ሚሻኤሌ፥ ማልኪያ፥ ሃሹሜ፥ ሃሺባዳኔ፥ ዛካራሳኔ ማሹላሜ።

ናሂሚያ ማጻፋ 8:6

ኢዝራይ ጊታ ጾሳ ጋላቲዴስ፤ ኣሳይ ዉሪ ባ ኩሼ ፑዴ ዴንዲ «ኣሚን! ኣሚን!» ጊ ዛሪዴስ፤ ቢታ ቦላ ዉሪ ጉፋኒዲ ጾሳስ ጎይኒዴስ።

ናሂሚያ ማጻፋ 8:8

ኢስቲካ ኣሳስ ናባቤቲዳ ጾሳ ዎጋ ማጻፋይ ሎኢ ጌላና ማላ ሎኤ ቢርሺ ዮቲዳ።

ናሂሚያ ማጻፋ 9:3

ሄን ኢስቲ ኤቂዳ ማላ ዲሺን ኢስታ ጾሳ ዎጋ ማጻፋይ ሄ ሳቴ ኩሜ ኢስታስ ናባቤቲዴስ፤ ቃሴ ሃራ ሄ ሳቴ ኩሜ ኢስቲ ባ ናጋራ ፓጺሼ ጎዳስ ባ ጾሳስ ሆኪ ጎይኒዳ።

ናሂሚያ ማጻፋ 9:4

ሌዌ ባጋታስካ ኤቂዛ ማዲራኬይ ዴስ፤ ሄ ማዲራኬዛ ቦላ ኢያሶይ፥ ባኔይ፥ ቃዲምኤሌይ፥ ሼባኒያይ፥ ቡኔይ፥ ሼሬቢያይ፥ ባኔይኔ ካናኔይ ኤቂዲ ባ ቃላ ቁ ሂስቲዲ ጎዳ ባንታ ጾሳኮ ዎሲዳ።

ሌዌታ ማጻፋ 10:11

ታ ኢንቴስ ሙሴ ባጋራ ኢሚዳ ዎጋ ኡባ ኢስራኤሌ ናይታ ታማርሲቴ።»

ሚልካሳ ቲንቢቴ 2:7

ቄሴይ ኡባ ዳንዳይዛ ኡባፌ ዎልቃማ ጎዳስ ኪቴቲዛዴ ጊዲዳ ጊሻስ ኢዛ ዶናይ ኤራቴ ናጋናስ ኣሳይ ኢዛ ዶናፔ ቲሚርቴ ኮያናስ ቤሴስ» ጌስ ኡባፌ ዎልቃማ ጎዳይ።

ዛሬ ማጻፋ 33:10

ኢስቲ ኔ ዎዳ ማራ ያቆቤ፥ ኔ ዎጋካ ኢስራኤሌ ኣሳ ታማርሴቴስ፤ ኢስቲ ኔ ሲንን ኤጻኔ ጩዋሴቴስ፤ ጹጌቲዛ ያርሾካ ያርሾ ያርሺዛሶዛ ቦላ ሺሼቴስ።