ናሂሚያ ማጻፋ 6:9 - ጋሞ ማጻፋ

⁹ ኡባይካ፥ «ኢስታ ኩሼይ ኢጼቲኮ ኦሶይ ፖሌቶንታ ኣታና» ጊዲ ታና ሂርጊሳናስ ፓጪዳ፤ ታኒ ጊዲኮ፥ «ታ ጾሳዉ! ታ ዎዚና ኔኒ ሚን» ጋዳ ዎሳዲስ።

Geeshsha Maxaafa

⁹ Ubbayka, «Istta kushey ixettiko oosoy polettontta attana» giidi tana hirgisanaas paaccida; tani gidikko, «Ta Xoossawu! Ta wozina neni minththa» gaada woossadis.

ናሂሚያ ማጻፋ 6:9 ပူးပေါင်းရင်းမြစ်များ

2ታሪኬ ማጻፋ 15:7

ኢንቴ ጊዲኮ ኢንቴ ኦዳ ኦሶስ ዎይቶይ ዴኢዛ ጊሻስ ሚኒቴ! ላፎፒቴ!» ጊዴስ።

2ታሪኬ ማጻፋ 32:18

ሴናኪሬሜ ኦሳንቻቲ ካታማ ዲኣናስ ኮዪዲ ዲርሳ ጊምቤዛ ቦላ ኡቲዳ ዬሩሳላሜ ኣሳ ያሺሳናሲኔ ዳጋንናስ ባንታ ጬንጉርስ ቁ ሂስቲዲ ኢብራዌታ ቃላን ዋሲዳ።

ኢዝራ ማጻፋ 1:6

ዶቲካ ዉሪ ባ ኪያቴን ኢሚዳ ኢሞታ ቦላ ጉጂዲ ቢራፔኔ ዎርቃፌ ኦሴቲዳ ሚሻታ፥ ዱማ ዱማ ሶ ጊዶን ጎኤቲዛ ሚሻታኔ ሜሄታ ጾሳ ኬን ሙጹዋታ ጊዲዛ ሃራ ጎኢዛ ሚሻታ ኢሚ ማዲዳ።

ናሂሚያ ማጻፋ 6:14

ታኒካ፥ «ጾሳዉ! ጾቢያይኔ ሳንባላጼይ ኦዳይሳ ኔ ቤያ፤ ቃሴ ኢስታ ቦላካ ኔ ፒርዳ፤ ኖኣዶ ጌቴቲዛ ማጫሳ ናቤያኔ ሃራ ዎርዶ ናቤቲ ታና ባቢሳና ጊዲ ኦዳ ኦሶ ኡባ ኔ ቆፓ» ጋዳ ዎሳዲስ።

ዬ ማጻፋ 138:3

ታኒ ጼይጊዳ ጋላስ ታስ ኮያዳሳ፤ ኔ ሚኖቴን ታና ሚን።

ዬ ማጻፋ 56:3

ታና ባቢሲዛ ዎዴ ታ ኔናን ኣማኔታይስ።

ዬ ማጻፋ 68:35

ኣቤት ጾሳዉ! ኔኒ ኔ ኬፌ ቆንጫሼ ማላሊሳሳ፤ ኢስራኤሌ ጾሳይ ባ ዴራስ ሚኖቴኔ ዎልቃ ኢሜስ። ጾሲ ጋላቴቶ።

ዬ ማጻፋ 71:1

ኣቤት ጎዳዉ! ኔኒ ታስ ታ ባቃታ ኣቲዛሶ፤ ሙሌካ ኔ ታና ዬላሶፓ።

ኢሳያሳ ቲንቢቴ 40:29

ሚኖቴ ባይንዳዴስ ሚኖቴ ኢሜስ፤ ዳቡርዳይሳስ ዎልቃ ጉጄስ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኤርማሳ ቲንቢቴ 38:4

ሄሳፌ ጉዬ ሹሜቲ ካዎዛኮ ቢዲ፥ «ሃይሲ ኣዴዚ ሃ ካታማይን ኣቲዳ ኦላንቻታኔ ዴራ ሂዶታ ቃንጺሲዛዴ ጊዲዳ ጊሻስ ኢዚ ሃይቃናስ ቤሴስ፤ ሃይሲ ኣዴዚ ዴሬይ ያና ማላ ኮዬስ ኣቲን ዴራስ ሎኦ ሚሽ ኮዬና» ጊዳ።

ሂዚቄላ ቲንቢቴ 30:24

ታኒ ባቢሎኔ ካዎ ቄሴ ሚንዳ ታ ማሻካ ኢዛ ኦይና። ጊዶ ኣቲን ፓሮኔ ቄሴዛ ታ ሜንና፤ ኢዚካ ባ ሞርኬዛ ሲንን ኢታ ማዱንጺዳ ኣሳ ማላ ቶቃና።

ዛካራሳ ቲንቢቴ 10:12

ታኒ ኢስታ ጎዳን ሚንና፤ ኢስቲካ ኢዛ ሱንን ሲሜሬታና» ጌስ።

2ቆሮንቶሴ ኣሳስ 12:9

ጊዶ ኣቲን ጎዳይ፥ «ታ ዎልቃይ ኩሜ ጊዲ ቆንጫናይ ኔ ዳቡርሳን ጊዲዳ ጊሻስ ታ ኪያቴ ኔስ ጊዳና» ጊዴስ፤ ሄሳ ጊሻስ ኪርስቶሳ ዎልቃይ ታ ቦላ ጊዳና ማላ ኣይ ዎዴፔካ ቦላራ ታኒ ዳቡርሺን ሄ ዎዴ ኡፋይሳን ጬቄታናስ ዶሳይስ።

ኤፌሶኔ ኣሳስ 3:16

ኢንቴ ጋርሳ ባጋራ ሚናና ማላ ኣያና ባጋራ ኢዛ ቦንቾ ዱሬቴ ኢንቴስ ኢሜታና ማላ ታ ዎሳይስ።

ኤፌሶኔ ኣሳስ 6:10

ሃራ ባጋራ ሚኖ ጎዳኒኔ ኢዛ ጊታ ዎልቃን ሚኒቴ።

ፒሊጲሲዮሴ ኣሳስ 4:13

ታስ ዎልቃ ኢሚዛ ኪርስቶሳን ታኒ ኡባ ሚሽ ኦናስ ዳንዳያይስ።

Ibirawe 12:12

ሄሳ ጊሻስ ዳቡርዳ ኢንቴ ቄሴኔ ኢንቴ ጉልባቴ ሚንቴ።

1ጴጽሮሳ ኪታ 5:10

ኢንቴ ጉ ዎዴስ ዋዬቲዳይሳፌ ጉዬ ኢንቴና ኪርስቶሳ ባጋራ ሜርና ቦንቾስ ጼይጊዳ ኪያቴ ኡባስ ጎዳይ ኢዚ ባርካ ኢንቴና ጋኪዳ ዋዬዛፔ ኣሻና፥ ማዳናኔ ሚንና ቃሴካ ዳዝጊሳና።

1ሳሜላ ማጻፋ 30:6

ኢዛራ ዲዛ ኣሳይ ባንታ ኣቱማ ናይታ ጊሻሲኔ ባንታ ማጫ ናይታ ጊሻስ ዪሎቲዲ ኢዛ ሹቻን ጫዳናስ ዞሬቲዳ፤ ሂስቲን ዳዊቲ ኬሂ ጬጪዴስ፤ ጊዶ ኣቲን ዳዊቲ ጎዳ ባ ጾሳን ሚኔቲዴስ።