ናሆሜ ቲንቢቴ 1:3 - ጋሞ ማጻፋ

³ ጎዳይ ሃንቄታናስ ኤሶቴና፤ ኢዛ ዎልቃይካ ጊታ። ጎዳይ ሞራንቻ ቃጻዮንታ ኣጌና፤ ጎቴ ጫርኮይኔ ኣባ ዳምባላይ ኢዛስ ኦጌ፤ ሻራይ ኢዛ ቶሆ ጉዱላ።

Geeshsha Maxaafa

³ GODAY hanqettanaas eesotenna; iza wolqqayka gita. GODAY mooranchcha qaxxayontta aggenna; gote carkoynne abba dambalay izas oge; shaaray iza toho gudulla.

ናሆሜ ቲንቢቴ 1:3 ပူးပေါင်းရင်းမြစ်များ

2ሳሜላ ማጻፋ 22:10

ሳሎታ ዳኪ ዎዴስ፤ ኢዛ ቶሆ ጋርሳን ፒ ጊዳ ሻራይ ዴስ።

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ኢዮቤ ማጻፋ 10:14

ታ ቆሂዳ ጊዲኮ ኔ ኣይፌቲ ቤያና፤ ታ ናጋራ ጊሻስ ታና ቃጻዮንታ ኣካ።

ኢዮቤ ማጻፋ 38:1

ሃይሳፌ ጉዬ ጎዳይ ጎቴ ጫርኮ ጊዶን ጊዲዲ ኢዮቤስ ሂዝጊዴስ፥

ኢዮቤ ማጻፋ 9:4

ጾሲ ኤራንቻኔ ዎልቃማ፤ ኢዛራ ኤቄቲዲ ጾኔቶንታይ?

ዬ ማጻፋ 103:8

ጎዳይ ቃቲዛዴኔ ማሪዛዴ፤ ኢዚ ሃንቄታናስ ኤሶቶንታዴ፤ ኢዛ ሲቆይ ኬሂፔ ዳሮ።

ዬ ማጻፋ 104:3

ኔ ኬ ሳሎ ጉፋን ቦላን ኬጻዳሳ፤ ሻራ ኔስ ፓራ-ጋሬ ኬሳዳሳ፤ ጫርኮ ቄፌ ቶጋዳ ባሳ።

ዬ ማጻፋ 145:8

ጎዳይ ቃቲዛይሳኔ ማሪዛይሳ፤ ኢዚ ሃንቄታናስ ኤሶቶንታይሳኔ ሲቆይ ኩሚዳይሳ።

ዬ ማጻፋ 147:5

ኑ ጎዳይ ጊታ፤ ኢዚ ኬሂፔ ዎልቃማ፤ ኢዛ ኤራቴስ ዛዋይ ዴና።

ዬ ማጻፋ 50:3

ኑ ጾሲ ያና፤ ኢዚ ጮኡ ጌና። ሚዛ ታማይ ኢዛ ሲንና፤ ዎልቃማ ጎቴይ ኢዛ ዩሾና።

ዬ ማጻፋ 62:11

ጾሳይ ኢሲቶ ሃሳይዴስ፤ ታኒ ናምኡ ዮኦታ ሲያዲስ፤ ሄይቲካ፥ «ዎልቃይ ጾሳሳ፤

ዬ ማጻፋ 66:3

ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

ኢሳያሳ ቲንቢቴ 19:1

ጊብጼ ጊሻስ ዮቴቲዳ ቃላይ፥ «ቤኢቴ፥ ጎዳይ ኤሶቲዛ ሻራ ቶጊዲ ጊብጼ ዬስ። ጊብጼ ኤቃ ጾሳቲ ኢዛ ሲንን ኮኮሬቴስ፤ ጊብጼ ዎዚናይ ኢስታ ጊዶን ሴሬስ» ጌስ።

ኢሳያሳ ቲንቢቴ 29:6

ኡባፌ ዎልቃማ ጎዳይ ዳዳን፥ ቢታ ቃን፥ ጊታ ጬንጉርሳን፥ ጎቴ ጫርኮኒኔ ዎልቃማ ኣባ ዳምባላን ኡባ ሚዛ ታማ ላጮን ያና።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ዳኔላ ቲንቢቴ 7:13

«ኣሳ ና ሚሳቲዛዴይ ሳሎ ሻራይ ኢዛ ጊዶ ኦይኪን ዪዛይሳ ኦማርስ ኣጁታን ቤያዲስ፤ ኢዛ ጌዴ ቤኒ ቤኒሶፌ ዲዛይሳኮ ሺሺዳ።

ሆሴኤ ቲንቢቴ 8:7

ኢስቲ ጫርኮ ዜሪዲ ጎቴ ሺሻና፤ ቡጻ ቦላ ኣይፌይ ዴና፤ ሌይካ ቤቴና፤ ኣይፊኮካ ኣላጋቲ ማና።

ኢዩኤሌ ቲንቢቴ 2:13

ኢንቴ ኢንቴ ካዮ ቤሳናስ ማይኦ ዳኬ ጻላ ጊዴና፤ ሄሳፌ ቦላራ ኢንቴ ዎዚናይ ሜቂን ማሬቲቴ፤ ጎዳ ኢንቴ ጾሳይ ኪያኔ ማሪዛ ጾሳ፥ ሃንቆስካ ኤሶቴና፤ ሜርና ሲቆን ኢዚ ዱሬኔ ቃጻያናስ ኤሶቶንታ ጾሳ፤ ሄሳ ጊሻስ ኢንቴ ኢዛኮ ሲሚቴ።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ዛካራሳ ቲንቢቴ 9:14

ጎዳይ ኢስታ ቦላ ቆንጫና፤ ኢዛ ዪሻይ ዎልቃን ማላ ፖፖልኡ ጋና፤ ኡባፌ ዎልቃማ ጎዳይ ጹሩምባ ፑናና። ዱጌሃፔ ኬዚዛ ጎቴ ጫርኮ ማላ ኢዚ ባና።

Maatosa 26:64

ዬሱሲካ፥ «ኔ ጎይሳካ ማላ፤ ጊዶ ኣቲን ኢንቴስ ኡባስ ታ ዮቲዛይ ሲንፌ ኣሳ ናይ ዎልቃማዛ ኡሻቻን ኡቲዲ ሳሎ ሻራራ ዪዛ ዎዴ ኢንቴ ቤያና» ጊዴስ።

ያቆቤ ኪታ 1:19

ዶሴቲዳ ታ ኢሻቶ! ሃይሳ ዩሺ ቆፒቴ፤ ኣሲ ዉሪካ ሲያናስ ኤሶቶ፤ ሃሳያሲኔ ሃንቆስ ኤሶቶፖ።

ዮሃኒሳ ኣጁታ 1:7

ሄኮ ኢዚ ሳሎፔ ሻራራ ጊታ ቦንቾራ ያና፤ ካሴ ኢዛ ጫዲ ዎዳይቲካ ኢሶይካ ኣቶንታ ዉሪ ኢዛ ቤያና፤ ቢታ ቦላ ዲዛ ዴሬይካ ዉሪ ኢዛ ጊሻስ ዬካና። ሃይሲ ሃ ዮኦዚ ቱሙኮ! ኣሚን።