ናሆሜ ቲንቢቴ 1:2 - ጋሞ ማጻፋ

² ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

Geeshsha Maxaafa

² GODAY zil7ettizanne halo kessiza Xoossa; GODAY halo kessizanne hanqon kumida Xoossa. GODAY halo kessizaadenne pala miishshi izan kumidaade. GODAY ba baalgaarata bolla halo kessees; ba morkketa bolla ba hanqo ehees.

ናሆሜ ቲንቢቴ 1:2 ပူးပေါင်းရင်းမြစ်များ

ኢዮቤ ማጻፋ 20:23

ኢዚ ታ ማዳ ካላና ጊሺን ጾሲ ዎልቃማ ሃንቆ ኢዛ ቦላ ዬጋና፤ ባ ሃንቆዛካ ኢዛ ቦላ ጉሳና።

ዬ ማጻፋ 94:1

ኣቤት ጎዳዉ! ኔኒ ሃሎ ኬሲዛ ጾሳ፤ ኣቤት ሃሎ ኬሲዛ ጾሳዉ! ኔ ቦንቾ ቆንጪሳ።

ኬሳ ማጻፋ 20:5

ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

ኬሳ ማጻፋ 34:14

ታኒ ጎዳይ ቃናቲዛ ጾሳ ጊዲዛ ጊሻስ ታፔ ኣቲን ሃራ ኤቃ ጾሳታስ ጎይኖፍቴ።

ኬሳ ማጻፋ 34:7

ታኒ ታ ሜርና ሲቆዛ ሺ ዬሌታ ጋካናስ ናጋይስ፤ ኢታቴ፥ ማካላኔ ናጋራ ኣቶ ጋይስ። ጊዲኮካ ሞሪዛዴ ቃጻዮንታ ኣጊኬ፤ ኣዋታ ናጋራ ጊሻስ ናይታኔ ናይታ ናይታ፥ ሄን ዬሌታኔ ኦይዳን ዬሌታ ጋካናስ ቃጻያይስ» ጊ ኣዋጂሼ ኣዴስ።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኢሳያሳ ቲንቢቴ 51:17

ጎዳ ኩሼፔ ሃንቆ ኡሹ ኡዪዳሬ፥ ኦርጮካ ኣሾንታ፥ ኣስ ጋንዲጋርሲዛ ኡሹ ጺጺ ሂስታ ኡዪዳሬ፥ ሃኔ ዬሩሳላሜ ዴንዳ! ዴንዳ፥ ዴንዳ ኤቃ!

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

ኤርማሳ ቲንቢቴ 25:15

ጎዳ ኢስራኤሌ ጾሳይ ታስ፥ «ሃይሳ ታ ሃንቆ ዎይኔ ኡሻዚ ኩሚዳ ዋንጫ ሄይ፤ ኤፋዳ ታኒ ኔና ኪቲዛ ካዎቴታ ኡባ ኡሻ።

ኤርማሳ ቲንቢቴ 28:8

ኔፔኔ ታፔ ካሴ ሲንን ዴኢዳ ናቤቲ ዳሮ ዴሬታ ቦላኔ ጊታ ካዎቴታ ቦላ ኦላ ጊሻስ፥ ባሻ ጊሻሲኔ ኢታ ሃርጌ ጊሻስ ቲንቢቴ ዮቲዳ።

ኤርማሳ ቲንቢቴ 3:5

ኔኒ ኡባቶ ታ ቦላ ሃንቄታኔ? ኔ ሃንቆይ ሜርናሴ?› ጋዳሳ። ኤ ኔኒ ሂዝጋሳ፤ ጊዶ ኣቲን ኔኒ ዳንዳይዳ ኬና ኢታ ሚሽ ኡባ ኦሳ» ጌስ።

ኤርማሳ ቲንቢቴ 36:7

ሃይሳ ዴራ ቦላ ጎዳይ ዮቲዳ ሃንቆይኔ ቦሻይ ዴጾ ጊዲዳ ጊሻስ ኢስታፌ ኢሶይ ኢሶይ ባ ናጋራ ጎዳ ሲንን ፓጺዲ ባንታ ኢታ ኦጌፔ ኢስቲ ሲማናኮ ኦኔ ኤሪዛይ?» ጊዴስ።

ኤርማሳ ቲንቢቴ 4:4

ኢንቴኖ ዩሁዳ ኣሳቶ፥ ዬሩሳላሜን ዲዛይቶ! ጎዳስ ኢንቴ ቃጻሬቲቴ፤ ኢንቴ ዎዚና ኢታቴ ዲጊቴ፤ ሂስቶንታ ኣጊኮ ኢንቴ ኦዳ ኢታቴ ጊሻስ ታ ሃንቆይ ታማ ማላ ኤጺ ኬዛና፤ ኦኒካ ኢዛ ቶይሳናስ ዳንዳዬና» ጌስ።

ኤርማሳ ቲንቢቴ 50:15

ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ኤርማሳ ዚላስ 4:11

ጾሲ ባ ዎልቃማ ሃንቆዛ ቆንጪሲዴስ፤ ጺዮኖ ዲፒ ሂስቲ ይሲዛ ታማ ኦይሴዴስ።

ሂዚቄላ ቲንቢቴ 36:6

ሄሳ ጊሻስ ኢስራኤሌ ቢታ ጊሻስ ኔኒ ቲንቢቴ ዮታ። ዙማታስ፥ ዙምቡላታስ፥ ዙሌታሲኔ ሃ ዛራታስ ኡባ ሃሪዛ ጎዳይ፥ ‹ኢንቴ ካዎቴታ ቂን ኢንቴ ኩሚዳ ጊሻስ፥ ሃንቆን ኩሚዳ ታ ቃናቴን ዮታይስ› ጌስ።

ሂዚቄላ ቲንቢቴ 38:18

«ሄ ዎዴ ኡባ ሃሪዛ ጎዳይ፥ ‹ጎጌይ ኢስራኤሌ ቢታ ኦሊዛ ዎዴ ሚኖ ታ ሃንቆይ ሱላና።

ሂዚቄላ ቲንቢቴ 38:19

ሄ ዎዴ ታኒ ታ ቃናቴኒኔ ባቢሲዛ ታ ሃንቆን ኢስራኤሌን ቢታይ ኬሂ ቃጻና ጋ ዮታዲስ።

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ሂዚቄላ ቲንቢቴ 5:13

«ሄሳፌ ጉዬ ታ ሃንቆይ ዶቻና፤ ኢስታ ቦላ ቦሻይካ ሲማና፤ ታ ኢስታ ቦላ ሃሎ ኬሲኮ ታስ ዎፑ ጋና፤ ታ ኢስታ ቦላ ባሻ ጋዳፔ ጉዬ ታኒ ጎዳይ ዚልኤታ ሃሳይዳይሳ ኢስቲ ኤራና።

ሂዚቄላ ቲንቢቴ 6:12

ሃሆን ዲዛይቲ ኢታ ሃርጌን ሃይቃና፤ ማታን ዲዛይቲ ማሻን ኩንዳና፤ ቃሴ ሼምፖራ ፓጻ ኣቲዳይቲ ኮሻን ዉራና፤ ታ ሃንቆዛ ሃይሳ ማላን ኢስታ ቦላ ፖላና።

ሂዚቄላ ቲንቢቴ 8:18

ሄሳ ጊሻስ ታኒ ኢስታ ቦላ ሃንቆን ያና፤ ታኒ ኢስታስ ቃቲኬኔ ኢስታ ቦላ ያና ሃኖታፔ ታ ኢስታ ኣሺኬ፤ ኢስቲ ታኮ ዋሲኮካ ታ ሲዪኬ» ጊዴስ።

ኢዩኤሌ ቲንቢቴ 2:18

ጎዳይ ቢታይስ ዲዛ ሚሼቴፌ ዴንዲዳይሳን ባ ዴሬዛስ ቃቲዴስ።

ሌዌታ ማጻፋ 26:28

ታ ኢንቴ ቦላ ሃንቆን ዴንዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ሚኪያሳ ቲንቢቴ 5:15

ታስ ኣዛዜቶንታ ዴሬታ ዎልቃማ ሃንቆን ታ ሃሎ ኬሳና» ጌስ።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ዛካራሳ ቲንቢቴ 1:14

ቃሴካ ታናራ ሃሳይዛ ኪታንቻዚ፥ «ሃይሳ ቃላ ዮታ፤ ኡባፌ ዎልቃማ ጎዳይ፥ ‹ታኒ ጺዮኔሲኔ ዬሩሳላሜስ ኬሃ ቃታይስ።

ዛካራሳ ቲንቢቴ 8:2

ኡባፌ ዎልቃማ ጎዳይ፥ «ታ ጺዮኒስ ዳሮ ሚሼታይስ፤ ኢዚ ሚሻይ ታና ጹጌስ» ጌስ።

ታይቦ ማጻፋ 25:11

«ቄሴ ኣሮኔስ ናዛ ና፥ ኤልኤዜሬ ና ፊኒሃሲ ኢስራኤሌ ኣሳ ጊዶን ታኒ ታ ቦንቾስ ኤቄቲዛ ማላ ኢዚ ኤቄቲዳ ጊሻስ ኢስታ ቦላ ታ ሃንቄቲዳ ሃንቆይ ዶቺዴስ፤ ሄሳ ጊሻስ ታኒ ታ ሃንቆዛን ኢስራኤሌ ኣሳ ይሳቤኬ።

ኦሮሜ ኣሳስ 12:19

ታ ሲቆቶ! ኢንቴ ሃሎ ጾሲ ኬሶ ኣቲን ኢንቴርካ ሃሎ ኬሶፍቴ። «ሃሎ ኬሳናይ ታና ጌስ ጎዳይ» ጌቴቲ ጌሻ ማጻፋን ጻፌቲዴስ።

ኦሮሜ ኣሳስ 13:4

ኢዚ ኔስ ሎኦ ኦናስ ጾሳ ኦሳንቻ፤ ጊዶ ኣቲን ኔ ኢታ ኦዳ ጊዲኮ ኢዛስ ባባ፤ ጋሶይካ ኢዚ ማሻ ጮ ሜላ ጊጺቤና፤ ኢዚ ኢታ ኦዛዴ ቃጻያናስ ጾሳ ኦሳንቻ።

ዛሬ ማጻፋ 4:24

ጋሶይካ ጎዳ ኢንቴ ጾሳይ ጹጊዛ ታማኔ ቃናቲዛ ጾሳ።

ዛሬ ማጻፋ 7:10

ጊዶ ኣቲን ባና ኢጺዛይታ ባ ሃሎ ኬሳና፤ ኢስታ ቦላ ባ ሃሎ ኬሳናስ ጋምኤና።

Ibirawe 10:30

«ታኒ ኢዛስ ሃሎ ኬሳና፤ ኢዛዴ ኦሶ ማላ ኢዛዴስ ታ ዛራና» ጊዳይሳ ኑ ኤሮስ። ቃሴካ፥ «ጎዳይ ባ ዴሬዛ ቦላ ፒርዳና» ጌስ ጎዳይ።

ኢያሶ ማጻፋ 24:19

ኢያሶይካ ዴራስ፥ «ኢንቴ ጎዳስ ጎይናናስ ዳንዳዬኬታ፤ ኢዚ ጌሻ ጾሳ፤ ኢዚ ቃናቲዛ ጾሳ፤ ኢዚ ኢንቴ ማካላቴኔ ኢንቴ ናጋራ ኣቶ ጌና።

2ጴጽሮሳ ኪታ 2:9

ሂስቲን ሄሲ ዉሪካ ሄሳ ማላ ጊዲኮ ጎዳይ ባስ ጎይኒሼ ዲዛ ኣሳታ ፓጬፔ ኣሻናይሳኔ ናጋራንቻታካ ዎስቲ ቃጻያናኮኔ ፒርዳ ጋላሳስ ዎስቲ ኢስታ ናጊዲ ጋናኮ ሄሳ ኢዚ ኤሬስ ጉሳ።