ሚኪያሳ ቲንቢቴ 2:2 - ጋሞ ማጻፋ

² ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

Geeshsha Maxaafa

² Asa gade amottida mala oykkeettes; asa keeththika amottidi ekkeettes; ba lagge keeththinne biitta baleththon ekkeettes.

ሚኪያሳ ቲንቢቴ 2:2 ပူးပေါင်းရင်းမြစ်များ

1ካዎታ ማጻፋ 21:1

ኢዝራኤሌ ዴሬ ኣስ ናቡቴስ ሳማሪያ ካዎ ኣካቤ ኬ ማታን ዎይኔ ቶኪዛሶሆይ ዴስ።

2ካዎታ ማጻፋ 9:26

ጎዳይ፥ ‹ታኒ ዚኔ ናቡቴ ሱኔ ኢዛ ናይታ ሱ ቤያዲስ። ኔኒ ሃይሳ ሃ ጋዴዛን ሃሎ ኬሳና ማላ ካሴታ ጊጊሳዲስ› ጌስ፤ ሃኢካ ጎዳ ቃላይ ካሴቲ ዮቲዳ ማላ ዴንዳ ሃይሳ ሃ ጎሻ ጊዶን ዬጋ» ጊዴስ።

ኢዮቤ ማጻፋ 31:38

«ኣሳ ጋዴ ዎጋይ ባይንዳ ቦንቃ ኤካዳ ታኒ ጎዪዳ ጊዲኮ፥

ኬሳ ማጻፋ 20:17

«ኣሳ ኬ ኣሞቶፋ፤ ኣሳ ማቾ ዎይኮ ኢዛ ኣይሌ ዎይኮ ኢዛ ኣይሌዮ ዎይኮ ኢዛ ቦራ ዎይኮ ኢዛ ሃሬ ዎይኮ ኢዛስ ዲዛ ኣይ ሚሺካ ኣሞቶፋ» ጊዴስ።

ኢሳያሳ ቲንቢቴ 3:14

ጎዳይ ዴሬ ጪማታኔ ካሌዛይታ ፒርዳናስ ኢሲ ቦላ ሺሺዲ፥ «ታኒ ዎይኔ ቶኪዛሶሆዛ ኢሲዴታ፤ ማንቆታፔ ኢንቴ ቦንቂዳይሲ ኢንቴ ቆልኣን ዴስ።

ኢሳያሳ ቲንቢቴ 5:8

ሃራታስ ሶሆይ ያናሼ ጋካናስ፥ ኬ ኬ ቦላ ጉጂዛይቶ! ጋዴ ጋዴራ ጋ ኦይዲ፥ ኢንቴርካ ጻላ ቢታ ቦላ ኣኪ ዴኢዛይቶ! ኢንቴስ ኣዬ ኣና!

ኤርማሳ ቲንቢቴ 22:17

ጊዶ ኣቲን ኔ ኣይፌይኔ ኔ ዎዚናይ ሼምፒዳይ ሃ ሄ ሾጬቾን ዴሚዛ ጎኣን፥ ጺሎታ ሱ ጉሶን፥ ኣሳ ኡንኤኒኔ ጌኔ ኦሶና» ጌስ።

ሂዚቄላ ቲንቢቴ 18:12

ሂዬሳኔ ሜቶቴቲዳዴ ኡንኤኮ፥ ዎልቃራ ዳፊ ኤኪኮ፥ ኦይሶ ኤኪዳይሳ ዛሮንታ ኢጺኮ፥ ኤቃ ጾሳታኮ ሲሚኮ፥ ሃራሲዛ ኦሶታ ኦኮ፥

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ሂዚቄላ ቲንቢቴ 22:13

« ‹ኔኒ ኔስ ቤሶንታ ኤኪዳ ጎኣ ቦላኔ ኔኒ ጉሲዳ ሱ ቦላ ታኒ ታ ኩሼ ባቃና።

ሂዚቄላ ቲንቢቴ 33:26

ኢንቴ ኢንቴ ማሻን ኣማኔቴታ፤ ኢንቴ ሃራሲዛ ሚሻታ ኦታ፤ ኢንቴ ኢሶይ ኢሶይ ኢንቴ ላጌታ ማቼታ ቱኒሴታ። ሂስቲን ኢንቴ ሃይሳ ማላ ሃኖን ቢታዮ ላታና ቤሲዜ? ጌስ።

ሂዚቄላ ቲንቢቴ 45:9

« ‹ኡባ ሃሪዛ ጎዳይ፡ ኢንቴኖ ኢስራኤሌ ሃላቃቶ፥ ኢንቴስ ሃኢ ጊዳና! ኢንቴ ሻባርሲዛይሳኔ ኣሳ ኡንኤዛይሳ ኣጊቴ፤ ሱሬ ፒርዳኔ ጺሎቴ ኦቴ። ታ ኣሳ ኢስታ ላታ ቢታፌ ቃሊዲ ጎዲዛይሳ ኣጊቴ። ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 46:18

ሃላቃይ ኣስ ሱጊዲ ኣሳ ላታ ጋዴ ዎልቃን ኤኮፎ። ታ ኣሳይ ባ ላታ ጋዴፔ ቃሌቶንታ ማላ፥ ኢዚ ባ ኣቱማ ናይታስ ባ ጋዴፔ ኢሞ› ጌስ» ጊዴስ።

ሂዚቄላ ቲንቢቴ 8:17

ጎዳይ ታና፥ «ሃይሶ ኣሳ ናዉ! ሃይሳ ቤያይ? ዩሁዳ ኣሳይ ሃይሳን ኦዛ ሃራሲዛ ኤቃ ጾሳታስ ኢስቲ ጎይኒዛይሲ ላፋ ሚሼ? ኢስቲ ቢታ ማካላ ኦሶን ኩንዲ ዛሪ ዛሪዲ ታና ሃንቄናዉ ቤሲዜ? ሄኮ ኢስቲ ታና ኣይ ማላ ጫዪዛኮ ታና ሃንቄናስ ባስ ዳንዳዬቲዳ ኡባ ኢስቲ ኦዛይሳ ቤኣ።

ኣሞጼ ቲንቢቴ 2:7

ኢስቲ ማንቆታ ጉዱላ ቦላ ጌንዴሪሲዲ ኢስታ ሁኤ ዬቴቴስ፤ ቆሄቲዳይታስ ጌላ ፒርዴቴስ፤ ኣዋይኔ ናይ ኢሲ ማጫሳይራ ላይማቴቴስ፤ ኢስቲ ሄሳ ኦ ኦዲ ታ ሱን ቱኒሴቴስ።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ኣሞጼ ቲንቢቴ 8:4

ኢንቴኖ ሜቶቲዳ ኣሳ ቆሂዛይቶ! ቃሴ ማንቆታ ቢታፌ ይሳና ኮይዛይቶ! ሃይሳ ሲዪቴ!

ሚኪያሳ ቲንቢቴ 3:9

ኢንቴኖ ያቆቤ ሶ ኣሳ ካሌዛይቶ! ኢንቴኖ ኢስራኤሌ ዴሬ ሃሪዛይቶ! ቱሙ ፒርዳ ካዛይቶ! ቱሙ ጊዲዳዝ ኡባ ሚርቂዛይቶ! ኣኔ ሲዪቴ።

ሚኪያሳ ቲንቢቴ 6:12

ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

Maatosa 23:13

«ኢንቴኖ ቆፔ ቆሞን ሃኒዛይቶ፥ ሙሴ ዎጋ ታማርሲዛይቶ! ኢንቴኖ ፋርሳዌቶ! ኣሳይ ጾሳ ካዎቴ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሻስ ኢንቴና ኣዬ ኣና! ኢንቴ ኢንቴስ ጌሌኬታኔ ጌላናስ ኮይዛይታካ ጌልኬታ።

1ጺምቶሳስ 6:10

ጋሶይካ ሚሻ ሲቆይ ኢታቴ ኡባስ ጻጶ፤ ኢሲ ኢሲ ኣሳቲ ዱሬ ጊዳና ጊዲ ኣሞቲዳ ኣሞፔ ዴንዲዳይሳን ኣማኖ ኦጌፔ ባሌቲዲ ሃራሶ ቢዳኔ ባርካ ባና ዳሮ ሜቶ ጊዶ ጌልዳ።