ሚኪያሳ ቲንቢቴ 2:1 - ጋሞ ማጻፋ

¹ ኢታ ኦናስ ቆፒዛይታሲኔ ሂጻን ዲሼ ጌኔ ኦናስ ዮኦ ቱኪዛይታስ ኣዬ ኣና! ኦማርስ ቆፖይሳ ማላዶ ዎንታራ ፖሌቴሲኔ ሄሳ ኦናስካ ዎልቃራ ዴቴስ።

Geeshsha Maxaafa

¹ Iita ooththanaas qoppizaytassinne hiixan dishe gene ooththanaas yo7o tukkizaytas aayye ana! Omars qoppoyssa maalado wonttara poleettessinne hessa ooththanaaskka wolqqara deettes.

ሚኪያሳ ቲንቢቴ 2:1 ပူးပေါင်းရင်းမြစ်များ

ሜቴ ማጻፋ 31:29

ታኒ ኔና ቆሃናስ ታስ ዎልቃይ ዴስ፤ ጊዶ ኣቲን ኔ ኣዋ ጾሲ ቃማ ኦማርስ ታና፥ ‹ያቆቤ ቦላ ኢታ ጊዲን ኪያ ጊዲንካ ኢሲ ሚሽ ኔ ሃሳዮንታ ማላ ናጌታ!› ጊዲ ታስ ዮቲዴስ።

1ካዎታ ማጻፋ 21:7

ኢዛ ማቻ ኤልዛቤላ ኢዛስ፥ «ኔኒ ኢስራኤሌ ቦላ ካዎ ጊዳ ኡታዳ ሃይሳ ሃናይ? ዴንዳዳ ካ ማ! ዎዚናፔካ ኡፋዬታ! ኢዝራኤሌ ኣስ ናቡቴይ ዎይኔ ቶኪዛሶሆዛ ታኒ ኔስ ኢማና» ጋዱስ።

ኣስቴሪ ማጻፋ 3:8

ሄሳፌ ጉዬ ሃማይ ካዎ ኣርጼኪሲሴስ፥ «ኔ ካዎቴ ጋርሳን ዲዛ ዴሬ ኡባን ላሌቲ ጋኪዳ ኢሲ ዴሬይ ዴስ፤ ሄ ዴራሲካ ሃራ ዴሬታ ኡባፌ ዱማቲዛ ሎሴይ ዴስ፤ ካዎ ዎጋስካ ኣዛዜቴቴና፤ ሄሳ ጊሻስ ሃ ዴሬዛ ጮኡ ጊ ቤሶይ ካዎዛስ ኪዬና።

ኣስቴሪ ማጻፋ 5:14

ኢዛ ማቼያ ዞሳራይኔ ኢዛ ላጌቲ ኡባይ፥ «ኔኒ 50 ዋ ኣዱሳ ኮጫ ኤሲሳ፤ ሂስታዳ ዎንቶ ዎንታራ ማርዲኪዮሲ ሄ ኮጫ ቦላ ካቄታና ማላ ካዎዛስ ዮታ። ሄሳፌ ጉዬ ኡፋዬታሼ ካዎዛራ ኢሲፌ ጊቢራሶ ባንዳሳ» ጊዳ። ሄ ቆፋዚ ሃማ ኬሂ ኡፋይሲን ካቃናሶዛካ ጊግሲዴስ።

ኣስቴሪ ማጻፋ 9:25

ሄ ማቆይ ካዎዛ ማታን ኤሬቲዳፔ ጉዬ ሃማይ ኣይሁዳታ ቦላ ማቄቲዳ ኢታ ማቆይ ዉሪ ጉዬ ሲሚዲ ኢዛ ቦላ ፖሌታና ማላ ኢዚኔ ኢዛ ናይቲ ሚ ቦላ ካቄታና ማላ ጹፌን ኣዛዚዴስ።

ኢዮቤ ማጻፋ 15:35

ሃይሳ ማላ ኣሳቲ ጌኔ ሚሽ ቆፔቴስ፤ ሜቶካ ሜቴስ፤ ኢስታ ዎዚናይካ ባሌን ኩሚዴስ።»

ኢዮቤ ማጻፋ 24:14

ሼምፖ ዎዛ ኡራይ ዎንቶንታ ዴንዲዲ ማንቆታኔ ሜቶታንቻታ ዎስ፤ ኦማርሲካ ካይሶስ ኬዜስ።

ዬ ማጻፋ 36:4

ኢዚ ባ ሂጻን ዲሼ ጌኔ ቆፒሼ ኣቄስ፤ ባና ሎኦ ጊዶንታ ኦጌ ካሌስ፤ ኢታ ኢዚ ኢጼና።

ዬ ማጻፋ 36:5

ኣቤት ጎዳዉ! ኔ ሜርና ሲቆይ ሳሎ ጋኬስ፤ ኔ ቱማቴይካ ቦላ ሻራ ማላ ቄስ።

ዬ ማጻፋ 58:3

ኢታቲ ባ ኣዪ ኡሎፔ ዶሚዲ ሞሮ ኦጌ ቤቴስ፤ ዬሌቲዳ ጋላሳፌ ዶሚዲ ባሌቴቴሲኔ ዎርዶቴቴስ።

ሌሚሶ ማጻፋ 12:2

ሎኦ ኣሲ ጎዳፔ ሳባ ዴሜስ፤ ጊዶ ኣቲን ጎዳይ ጌናንቻታ ፒርዴስ።

ሌሚሶ ማጻፋ 14:22

ኢታ ሃልቺዛይቲ ሱሬ ኦጌፔ ካሬ ኬዜቴስ ዴቴኔ? ሎኦ ቆፒዛይቲ ጊዲኮ ሲቆኔ ኣማኔቴ ኤሄቴስ።

ሌሚሶ ማጻፋ 3:27

ኔስ ማዳና ዎልቃይ ዲሺን ማዶ ቤሲዛይታስ ሎኦ ኦሶ ኣጎፋ።

ሌሚሶ ማጻፋ 4:16

ኢስቲ ኢታ ኦንታ ዲሼ ስኪ ኤሬቴና፤ ኣስ ጴንታ ዲሺን ስኮይ ኢስታ ኣይፌን ዬና።

ኢሳያሳ ቲንቢቴ 29:20

ሜንጼ ኢታቲ ኡባይ ዉራና፤ ቂልጪዛይቲ ቲምኢ ጋና፤ ኢታ ኦናስ ዛማዲ ኡቲዳይቲ ያና።

ኢሳያሳ ቲንቢቴ 3:14

ጎዳይ ዴሬ ጪማታኔ ካሌዛይታ ፒርዳናስ ኢሲ ቦላ ሺሺዲ፥ «ታኒ ዎይኔ ቶኪዛሶሆዛ ኢሲዴታ፤ ማንቆታፔ ኢንቴ ቦንቂዳይሲ ኢንቴ ቆልኣን ዴስ።

ኢሳያሳ ቲንቢቴ 32:7

ዎጋይ ባይንዳ ኣሳታ ሂላቴ ኢታ፤ ሜቶታንቻታ ማጋናይ ሱሬ ጊዲኮካ ሂዬሳታ ዎርዶራ ይሳናስ ኢታቴን ዩሺ ቆፔስ።

ኢሳያሳ ቲንቢቴ 5:8

ሃራታስ ሶሆይ ያናሼ ጋካናስ፥ ኬ ኬ ቦላ ጉጂዛይቶ! ጋዴ ጋዴራ ጋ ኦይዲ፥ ኢንቴርካ ጻላ ቢታ ቦላ ኣኪ ዴኢዛይቶ! ኢንቴስ ኣዬ ኣና!

ኢሳያሳ ቲንቢቴ 59:3

ኢንቴ ኩሼይ ሱን፥ ኢንቴ ቢራይካ ቆሆን ሙሌቲዴስ፤ ኢንቴ ዶናይ ዎርዶ ሃሳይዴስ፤ ኢንጻርሳቲ ኢታ ዮኦ ሲሲዳ።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ሂዚቄላ ቲንቢቴ 11:2

ጎዳይ ታና፥ «ሃይሶ ኣሳ ናዉ! ሃ ኣቱማሳቲ ሃ ካታማን ኢታ ሃልቾ ሃልቺዛይታኔ ጌኔ ዞሬ ዞሪዛይታ።

ሂዚቄላ ቲንቢቴ 33:26

ኢንቴ ኢንቴ ማሻን ኣማኔቴታ፤ ኢንቴ ሃራሲዛ ሚሻታ ኦታ፤ ኢንቴ ኢሶይ ኢሶይ ኢንቴ ላጌታ ማቼታ ቱኒሴታ። ሂስቲን ኢንቴ ሃይሳ ማላ ሃኖን ቢታዮ ላታና ቤሲዜ? ጌስ።

ሂዚቄላ ቲንቢቴ 38:10

« ‹ኡባ ሃሪዛ ጎዳይ ሄ ዎዴ ኔ ካሃን ቆፋይ ጌሊን ኔኒ ኢታ ሚሽ ሃልቻና።

ሂዚቄላ ቲንቢቴ 46:18

ሃላቃይ ኣስ ሱጊዲ ኣሳ ላታ ጋዴ ዎልቃን ኤኮፎ። ታ ኣሳይ ባ ላታ ጋዴፔ ቃሌቶንታ ማላ፥ ኢዚ ባ ኣቱማ ናይታስ ባ ጋዴፔ ኢሞ› ጌስ» ጊዴስ።

ሚኪያሳ ቲንቢቴ 6:12

ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ።

ናሆሜ ቲንቢቴ 1:11

ሃኔ ናናዌ! ጎዳ ቦላ ኢታ ዱላቲዛይቲኔ ኢታ ዞሬ ዞሬቲዛይቲ ኔ ጋርሳፌ ቤቲዳ፤

ዛካራሳ ቲንቢቴ 7:10

ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።

ማርቆሳ ሚሺራቾ 15:1

ማላዶ ዎንታራ ቄሴታ ሃላቃቲ፥ ዴሬ ጪማቲኔ ሙሴ ዎጋ ታማርሲዛይቲ ኩሜ ሻንጎ ኣላፌታራ ኢሲፌ ዞሬቲዲ ዬሱሳ ቃቺ ኤኪ ኤፊዲ ጲላጾሳስ ኣ ኢሚዳ።

ሉቃሳ ሚሺራቾ 20:19

ጻፌቲኔ ቄሴታ ሃላቃቲ ሄሲ ሌሚሶዚ ኢስታ ቦላ ሃሳዬቲዳይሳ ኤሪዲ ሄራካ ኢዛ ኦይካናስ ኮዪዳ ሺን ዴሬዛስ ባቢዳ።

ዮሃኒሳ ሚሺራቾ 19:11

ዬሱሲካ ኢዛስ ዛሪዲ፥ «ሼኔይ ኔስ ጾሳፌ ኢሜቶንታኮ ኔስ ታ ቦላ ኣይ ጎዳቴካ ዴናሺን፤ ጊዶ ኣቲን ታና ኔስ ኣ ኢሚዳዴ ቦላ ጊታ ናጋራይ ዴስ» ጊዴስ።

ሃዋሬታ ኦሶ 23:12

ጋዴይ ዎንቲን ኣይሁዳ ኣሳቲ ሺቄቲዲ፥ «ኑ ጳዉሎሳ ዎንታ ዲሼ ካ ሞኮ፤ ሃካ ኡዮኮ» ጊ ጫቄቲዳ።

ሃዋሬታ ኦሶ 23:15

ሄሳ ጊዲዳ ጊሻስ ኢንቴ ዴሬ ጪማታራ ዞሬቲዲ ኢዛ ኬሂ ፒልጊ ጼሊዛ ሚሳቲዲ ኢስቲ ኢንቴስ ጳዉሎሳ ኤሃና ማላ ኣዛዚዛይሳ ኦይቺቴ፤ ኑኒካ ኢዚ ሃ ሃኖ ጋካናፔ ካሴቲዲ ኢዛ ዎና ጊጌቲዶስ» ጊዳ።

ኦሮሜ ኣሳስ 1:30

ኣሳ ሱን ሞሪዛይታ፥ ጾስ ኢጺዛይታ፥ ኣስ ጫዪዛይታ፥ ኦቶራንቻታኔ ጬቄቲዛይታ ጊዲዳ፥ ኡባ ዎዴ ኢታ ኦናስ ኦጌ ኮይዛይታ፥ ባና ዬሊዳይታስ ኣዛዜቶንታይታ፥

ዛሬ ማጻፋ 28:32

ኔ ኣይፌ ሲንን ኔ ኣቱማ ናይቲኔ ማጫ ናይቲ ሃራ ካዎቴስ ኢሜታና፤ ኢስቲ ሲሚን ቤኣና ጋዳ ኔ ጼሊሺን ኔ ኣይፌይ ዶልጁማና፤ ሄሳ ዲጋናስ ኔስ ኣይ ዎልቃይካ ዴና።