ሚኪያሳ ቲንቢቴ 1:8 - ጋሞ ማጻፋ

⁸ ሄሳ ጌዶን ታኒ ዬካይስ፥ ዉ! ዉይ ጋይስ፤ ታ ጫማይ ባይንዳ ሜላ ቶሆኒኔ ሜላ ካሎ ባይስ፤ ዎራካና ማላ ዋሳይስ፤ ጉቶ ማላ ዋሳይስ።

Geeshsha Maxaafa

⁸ Hessa geedon tani yeekkays, wuu! Wuy gays; ta caammay baynda mela tohoninne mela kallo bays; worakana mala waassays; gutto mala waassays.

ሚኪያሳ ቲንቢቴ 1:8 ပူးပေါင်းရင်းမြစ်များ

2ካዎታ ማጻፋ 18:13

ሂዝቂያሳይ ካዎቲዳ ታማኔ ኦይዳን ላይን ኣሶሬ ካዎ ሴናኪሬሜይ ጊምቤቲ ዲዛ ዩሁዳ ካታማታ ኡባ ቦላ ሜቶ ጋ ኦይኪዴስ።

ኣስቴሪ ማጻፋ 4:1

ማርዲኪዮሲ ሃ ሃኒዳ ኡባ ኤሪዳፔ ጉዬ ባ ማይኦ ዳኪዴስ፤ ማቃ ማይኢዲ፥ ባ ሁኤ ቦላ ቢዲን ላሊዲ፥ ባ ቃላ ቁ ሂስቲ ጫሞ ዬሆ ዬኪሼ ካታማይ ጊዶ ጌሊዴስ።

ኢዮቤ ማጻፋ 30:29

ኣሳፔ ሻኬታዳ ዎራካናታስ ኢሻ፥ ጉቶታስ ላጌ ጊዳዲስ።

ዬ ማጻፋ 102:6

ታኒ ባዞን ዲዛ ቢያ ካፎ ዎይኮ ላሌቲዳ ኬን ዴኢዛ ጉቶ ማላ።

ኢሳያሳ ቲንቢቴ 13:21

ጊዶ ኣቲን ባዞ ዶኣቲ ሄን ኢቻና፤ ኢዚ ኬን ዎራካናቲ ኩማና፤ ሄን ጉቶቲ ዴኣና፤ ባዞን ዴይሽ ሚሳቲዛ ዳይዳንቲ ኢዚ ቦላ ጉፓና።

ኢሳያሳ ቲንቢቴ 13:22

ኢዚ ሚጻን ጎዳሬቲ ዋሳና፤ ሎኢዛ ኢዚ ካዎቴ ኬንካ ዎራካናቲ ዋሳና፤ ኢዚ ዎዴይ ማቲዴስ፤ ኢዚ ጋላሳይካ ኣዱቄና።

ኢሳያሳ ቲንቢቴ 16:9

ሴባማ ዎይኔ ሚ ጊሻስ ኢያዜራ ዬኪዛ ማላ ታኒካ ዬካይስ፤ ሃሴቦኔ! ኤልኤሌ! ታኒ ታ ኣፉንን ኢንቴና ሎጺኪሳይስ። ጋሶይካ ኢንቴስ ሚ ኣይፌቲ ጋኪዳ ዎዴ ዲዛ ሆምቦጫይኔ ካ ሺሺዛ ዎዴ ዲዛ ኡፋይሲ ኣቲዴስ።

ኢሳያሳ ቲንቢቴ 21:3

ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ኢሳያሳ ቲንቢቴ 22:4

ሄሳ ጊሻስ ታኒ፥ «ታፔ ሃኪቴ፤ ኣኔ ጫሞ ዬሆ ታ ዬካይስ፤ ይዳ ታ ኣሳ ጊሻስ ታና ሚንና ቆፖፍቴ» ጋዲስ።

ኢሳያሳ ቲንቢቴ 32:11

ኢንቴኖ ኦቶሮይ ቱጪዳ ማጫሳቶ! ኮኮሪቴ። ኢንቴኖ ባ ጊዳ ማጫ ናይቶ! ሂርጋን ጋጂጋጂቴ። ኢንቴ ማይኢዳ ማይኦ ቃሪ ዬጊቴ፤ ኢንቴ ጼሳን ማቃ ዳንጪቴ።

ኤርማሳ ቲንቢቴ 4:19

ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

ኤርማሳ ቲንቢቴ 9:1

ሹኬቲዳ ታ ዴራ ጊሻስ ኦማርሲኔ ጋላስ ታ ዬካና ማላ ታ ሁኤይ ሃ ኦላ፥ ታ ኣይፌቲካ ፑልቶ ማላ ኣፉን ጎጊሲዳኮ ታ ኣይ ማላ ዶሳንዲና!

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ኤርማሳ ቲንቢቴ 9:19

ጺዮኔን ዚላሳ ጬንጉርሲ ሲዬቴስ፤ ‹ኑኒ ይዶስ! ኑኒ ኬሂ ካዉዪዶስ! ኑ ኬ ላሌቲቺዳ ጊሻስ ኑ ቢታ ኣጊዲ ዴንዲ ቦስ› ጊ ዚላሌቴስ» ጌስ።

ሂዚቄላ ቲንቢቴ 32:18

«ሃይሶ ኣሳ ናዉ! ጊብጼ ኦላንቻ ጮራታ ጊሻስ ዬካ! ኢዞኔ ዎልቃማ ካዎቴታ ማጫ ናይታ ዱጌ ዱፎን ጌሊዛይታራ ኢሲፌ ዱጌ ቢታ ጋርስ ጌል።

ሚኪያሳ ቲንቢቴ 2:4

ሄ ዎዴ ዴሬይ ኢንቴ ቦላ ሚጪ ካኣና፤ ኢንቴና ቂሼ፥ « ‹ኑ ሙሌራ ይዶስ፤ ታ ዳቦ ጋዴይ ሃራስ ጊሼቲዴስ፤ ታፔ ቦንቂ ኤኪዲ ኑ ቢታ ኑና ጾኒዳይታስ ጊሺዴስ› ጊ ዚላላና» ጊዴስ።

1ሳሜላ ማጻፋ 19:24

ኢዚካ ባ ማይኦ ኬሲ ዬጊዲ ሳሜላ ሲንን ቲንቢቴ ዮቲዴስ። ሄሳ ኢዚ ኩሜ ጋላሲኔ ኩሜ ኦማርስ ካሎ ኢቺዴስ። ዴሬይ ኢዛ፥ «ሳኦሊ ናቤታፔ ኢሳ ማላ ቆዴቲዴ?» ጊዳይ ሄሳ ጊሻሳ።